شوفي عزيزتي إذا انت تستخدمين الجاهز لازم ما تكبين اللي في العلبة مرة وحدة مثل المكرونة لا

يعني حطي في القدر حوالي خمس حبات بس و النار عالية و سكري القدر و إذا انتفخوا أو بعد دقيقتين افتحي القدر و نزليهم بالملعقة للداخل و حطي الخمس حبات اللي بعدهم و كذا حتى تنتهي الكمية

أتمنى إني أفدتك و اعذريني عالإطالة

اختي يمكن عجينتك لينه بزياه خليها قاسيه وشوفي الفرق

شوفي يالغاليه
انا مع الاخت شهد صراحة عجينه البيت افضل
اول كنت اتبهذل مع المطازيز لاني كنت ارقهم على يدى واحطهم في القدر ، ما يستوون مع بعض يعني يصير بعضها مائع ( الي رميته في القدر أول ) والاخيرات زينات ما تقطعن.

لكن الان مع الالة الكهربائيه حقت المطازيز صراحة ارتحت كثير ، صرت ارقهن كلهن ثم ارميهن في القدر مره واحده ولا تلزق ولا شيء ولاتقطع والحجم واحد وما فيه اشكال مختلفه عن بعض !!!!!! يالله من فضلك الجنه
صراحه الله يعافي الي اخترعها وان كانه مهوب مسلم ان ربي يهديه

وازيدك من الشعر بيت !!!! اذا صرت فاضيه عجنت ورقيته في الاله وحطيتهن في تبر وير وفي الفريزر للزنقات.

ارجوا اني افدتك ، على فكره الاله تراني ماخذتها من قصر الاواني الي على طريق خريص في الرياض واكيد انها عند محلات المواعين.

ارجوا ان اكون افدتك بما عندي .