ماهو عذر الصراحه
الرجل مابنى نفسه ووصل للي وصل له لحاله لولا الله ثم زوجته ماوصل للخير والنعمه والصحه اللي هو فيها
وهي كبرت صح معاه حق وهو رجع شباب على اساس عداد عمره يصغر مايكبر
الاعذار الكذابه هذه غير مقبوله
وقلت اعذار كذابه لانه شفت كثير يتزوج على حرمته بعد ماجاه الخير وهي لسه مهتمه بنفسها وبيتها وشكلها اصغر من عمرها
وسبحان الله الاجانب يجيهم الخير والفلوس يبنو شركات وناطحات سحاب وربعنا عنده فلوس وخير يعني زواج ثاني
المهم اي عذر يقوله الرجل للزواج الثاني وزوجته مو مقصره معروف انه كذب وحتى يعذروه الناس
ونادر ماتلاقي رجل بمعنى رجل يقول باتزوج لان عندي خير وقدره
ماهو عذر الصراحه
الرجل مابنى نفسه ووصل للي وصل له لحاله لولا الله ثم زوجته ماوصل للخير والنعمه...
مااعرف ايش يضرهم اذا ردو الجميل لزوجاتهم وكافئوهم على تعبهم بسفره او مبلغ محترم او بيت باسمها وباقي فلوسه يستثمرها تنفع عياله بالمستقبل بدل تجديد الشباب اللي يوهمو نفسهم فيه
يعني بيجدد شبابه يتزوج مو يشترك بنادي يلعب رياضه وياكل اكل صحي حتى يجدد شبابه لا تجديد الشباب يعني زواج ثاني وياحسره لانشوف شباب ولاهم يحزنون ماغير منشطات ومقويات حتى يثبت للثانيه والناس انه انا الفحل الهمام وهو مهدود حيله من حياته الطويله في العمل وجمع الفلوس وعمره اللي قرب الخمسين
وحده تزوجت واحد متزوج يعني زوجه ثانيه هي في العشرين من عمرها وهو في الخمسين ماكملت سنه الاطلقها ولما سألوه ايش سبب الطلاق قال هذه ماتشبع كل يومين تبغاني انام معاها وكل شويه تلبس وتتشيك انه انا جاهزه لك تعبتني وهي ماتشبع وكل شويه يالله نتمشى يالله لاهلي يالله صحباتي يالله نسافر
طيب هذا هو تجديد الشباب يابو الشباب😅😅 والاتبغاها تقعد جنبك تهمزك وتعطيك ادويه
لكن مااقول الاالله يكفينا شرهم وشر تفكيرهم يارب