عندك خبرة برياض الاطفال...تفضلي هنااااااااااا

عزيزتي عمشى سؤالك مو واضح لي كطالبة تخصصها رياض أطفال ممكن توضحين لي أكثر وبسرعة يمكن أقدر أقدم لك مساعده ولو بسيطة00

مرحبا اختي...

انا ابي فكرة لشعار لوحدة الغذاء اعمله مع الاطفال...

والشيء الثاني ابي الركن المصاحب لوحده الغذاء...ابغى له فكرة حلوة وش ممكن اضيف...؟؟؟؟

الف شكر لك اختي على تجاوبك...

واذا عندك افكار حلوة لاتبخلين فيها..:)

يعطيك العافية....

شوفي غاليتس اليوم مايمدي أفكر لك لكن بتشاور مع بنات خالي وكلهم رياض أطفال وأرد لك بعد فتره متى يناسبك معليش يومين أو ثلاثه

هلا اختي...

مشكوووووووووورة والله انك فرحتيني.....

خذي راحتك...يوم ثنين ثلاثه.....

اهم شيء قبل الدوام عشان احضر له.........

الف الف الف شكر................ :27:

حبوبة الليدي عمشا
اسمج غريب

المهم بحاول اساعدج بأللي عندي من معلومات وخبرة:

وحدة الغذاء : اهم شي تنقلين للأطفال أهمية الغذاء الصحي وهناك عدة طرق :

*قسمي الركن لقسمين ( الغذاء الصحي ) + ( الغذاء الغير صحي) أو المفيد والغير مفيد على حسب اختيارك للتسمية ،،

* حطي صورة طفل هزيل الجسم كبيرة نوعًا ما ، والصقي جنب الصورة طعام غير صحي ( صور أو مجسمات حقيقة ) مثل ـــ علب المشروبات الغازية ــ الجبس والمينو ــ الحلويات والسكاكر والشوكولا ــ ....الخ

* في القسم الثاني حطي صورة طفل سليم وجسم معافى ، ولصقي جنب الصورة مجسمات الغذاء الصحي مثل علب الألبان ــ الفواكه والخضروات ــ الماء ــ العصائر الطازجة ــ البيض ....الخ
وحطي فوق القسمين شعار (( العقل السليم في الجسم السليم )).
وراح انزل لج ملف فيه صور غذاء مفيد وغير مفيد (( ومن عيوني يالغلا )).










أما بالنسبة للطلب الثاني : (( واذا فيه طريقة حلوة لتدريس اللغة الانجليزيه لرياض الاطفال يعني بعض الالعاب او الوسائل البسيطة......

فآنا انصحج بمتابعة مواضيع الأخت (( ام عبدالرحمن )) لأنها تعلم انجليزي لأطفال الروضة وعندها افكار حلوه وشوفي مواضيعها بهالروابط :


ملزمة لتعليم كتابة الحروف الانجليزية من تصميمي تفضلي وحملي
طرق تدريسي لرياض الاطفال



ربي لا تذرني فردًا وانت خير الوارثين