هل وضعي طبيعي او لا ؟

بنات مدري انا عندي مُشكله ولا وضعي طبيعي
انا وزوجي علاقتنا عاديه يعني ما اقول له كل شي ولا يعرف عني كل شي
واذا سافرت عند اهلي ما احس اني اشتاق له عادي
اشتاق بس لبيتي وراحتي ف بيتي وجمعتنا مع عيالنا وسعادتهم معاه
واذا داوم انساه ما ارسل له رسايل ولا اتصل عليه
واحيان والله اذا طلع استانس وارقص واتمكيج وقبل يجي امسح وجهي وعادي
مدري احيان احس اني ماحبه
نفسي احس اني بموت من شوقي له
او يفز قلبي لشوفته
او اشتاق ل ريحته
او مايجيني النوم وانا بعيد عنه
او احب اتزين له
انا اذا تزينت اتزين لنفسي وانبسط اذا شفت نفسي حلوه ف المرايه وبس هذا اللي يهمني
احس احساس الحُب حلو واني لسى ماعشته
مدري هل في شي غلط او اللي انا اعيشه الطبيعي
اشوف بنات متعلقين ب ازواجهم اتمنى اني احس زيهم احس انا مافرق معاي ان كان معي حياه واذا راح بكيفه
احيان اشوف حريم اخوانه لا الوحده سمعت صوت زوجها فزت كانها ماعمرها شافته مدري هذا اللي يسمونه حب ولا انا ما احب ولا شلون