السلام عليكم و رحمة الله و بركاته ..
أختي the sun light ..
هلا يا قمر :)
كيف يعني بمستوى من ؟؟
مافهمت عليكي :confused:
و بالنسبة للمؤثرات ما أدري والله ..
بس أنا إللي أعرفه إنها ما تغني غير بالدفوف
فــقــــط ..
و لمن سألتهم قالت لي :
و لا تغني بأورج ..
و لا تغني إذا فيه العريس أو أي رجال ..
تغني بس للحريم و العروسة ..
و لو هي زفت العروسة بالدفوف ..
تقول لأهل الفرح يقولو للمصورة تكتم
صوت كاميرا الفيديو عشان لا يتسجل صوتها !!
شوفي أنا أهلي حضرو لها كم مرة ..
و مدحولي هي ..
لكن أنا حضرت لها مرة واحدة بس ..
و كانو كل الناس بيرقصو و دقها حلو
و صوتها حلو و منعنشة الفرح بصراحة ..
ولاحظت إنه لبسها مرتب و هي بنفسها مرتبة
و لابسة فستان رايق و مرتب و مستر مو مزلط
و مشخلع أو مسوية قلة حياء زي بعض المطربات ..
وهادا الشي لفت نظري فيها ..
و ما أفتكر إذا قامت و دارت بين الناس :confused:
و الله ماني فاكرة ..
بس هي كانت بتغني وهي عالكوشة و البنات بيرقصو
و يشجعـو حوالينها ..
بالنسبة للمواعيد أعتقد حسب ما تتفقي معاها ..
بس أنا أظن قالتلي يجو 10 أو 11 عشان يغنو
براحتهم .. و يمشو الساعة 4 الفجر ..
أفتكر قالتلي كدة ..
لأنها قالت لو الزواج أتأخر و هم بادئين من بدري
حتخلص الأغاني ومايبقى شي تغنيه !!
و إنتي شوفي أتصلي عليهم و أتفقي معاهم
على الشي إللي إنتي تبغيه ..
و فهميهم إنكم حتبدأو بدري و تخلصو بدري ..
والله يسهل لك :)
و حطي في بالك و نيتك إنك بتسوي كدة عشان
رضاء ربنا سبحانه و تعالى مو عشان الناس ..
و عشان ربنا يبارك لك في زواجك إن شاء الله :)
لأن الأورج و المعازف بأنوعها حرام !!
و الشي الوحيد إللي مسموح و مستحب في الزواج هو
( ضـــرب الــــــــــــدف ) !!
مصحوب بأناشيد و أهازيج تدل على الفرح و خالية
من الأشياء و الكلمات إللي تخدش الحياء !!
و لو جبتي مطربة بالأورج أو دي جي ..
حتاخدي ذنب كل الناس إللي حضرو و سمعـو و رقصو !!
و ذنب كل من جابهم من بعدك لأنهم عرفوهم عن طريقك !!
غير الفلوس إللي مدفوعة في الحرام و حتتحاسبي على كل
هللة من كل ريال دفعتيه لهم !!
** من مبدأ سن السنة السيئة إللي تاخدي وزرها
و وزر من عمل بها ليوم القيامة !!
و الــلـــه أعـــــلــــــــــم !!
تخيلي !!
هل إنتي مستعدة لدا الشي ؟؟
يختي إحنا ماحنا ناقصين :)
الله يستر علينا و يغفر لنا ذنوبنا و يسهل لنا أمورنا
و يهدينا و يصلح حالنا و يوفقنا في حياتنا إن شاء الله :)
تحياتي ..
جــــــــداويــــــــــــة
السلام عليكم و رحمة الله و بركاته ..
أختي the sun light ..
هلا يا قمر :)
كيف يعني بمستوى...
أختي خمائل الورد ..
هلا بيكي معانا يا قمر :)
بالنسبة لملابس البيت و الخروج الأسواق مليانة ..
السبور و الفخمة ..
في أغلب المولات و الأسواق و المحلات و الماركات
و غير الماركات ..
بس المشكلة في المقاسات الله لا يكسف مسلم :44:
إللي بيلاقو مقاساتهم في الحاجات الحلوة هم
الـ Xs و الـ S و يمكن الـ M أحيانا !!
لكن المقاسات إللي أكبر من كدة يلاقو
ملابس أستغفر الله العظيم مدري من فين
جايبينها !!
كأنهم المليانين مالهم نفس يعني :06:
يعني الواحد بيتخن بكيفه و بمزاجه :06:
>>>> ترى ماني دبة :10_8_11:
مقاسي M - L بس في أشياء كتيرة ما بتزبط عليا !!
و كتبت كتير عن دي المعاناة في الموضوع القديم
و مواضيع تانية !!
و أغلب إللي ألاقيه يجي مقاسي شكله مسخرة حتى لو كان
من نفس المحل و نفس الماركة و نفس الموديل !!
تلاقي حتى خياطته تعبانة و منظره غلط !!
كأنه واحد أعمى إللي مخيطه !!
أيش دا !!
:angry2:
:angry2:
:angry2:
:angry2:
تحياتي ..
جــــــــداويــــــــــــة