السلام عليكم.. ابني مصاب بالربو

بجرية امها :

منقوع اللبان المر يساعد حالته فنجان الصبح على الريج وفنجان بالليل قبل النوم.. ويتغير كل ٣ ايام بمنقوع جديد.. عسل السدر ملعقه الصبح وملعقه بالليل.. بالليل او الصبح حلبه مطحونه تحطين ملعقه شاي مليانه في استكانه او كوب صغير وحطي عليها ماي وملعقه عسل سدر خليه يشربه لمن يدفى وعطيه بعدها حلاوه عشان الطعم راح تخفف حالته.. خففي منتجات الألبان وخصوصا الجبن يزيد الكتمه من البلغم.. يتابع مع دكتور وخليه يوصفله حبوب حساسيه قبل النوم ودايما خلي الفنتولين معاه بختين اول مايحس بكتمه.. بخه اولى ويكتم النفس ١٠ ثواني اذا يقدر وبعدين البخه الثانيه ويكتم ١٠ ثواني ثانيه عشان الرئة تستفيد من الدوا ولاتخافين مايسبب ادمان ابدا .. الفنتولين يوسع الشعب في صدره عشان يقدر يتنفس وفي ناس قالو ان في اكلات تساهم بصعوبه التنفس انا يأذيني الجبن والكاكاو والاكلات الي فيها هالاثنين احس ببدايه كتمه وبلغم اعزكم الله لين اوقف واخذ بخاخ وحبه حساسيه العصبيه والزعل يسبب كتمه وتشنج عضلات الصدر خليه يكثر من الماي والفواكه ممتاااازين وحطي بغرفته والصاله جهاز منقي للجو راح يساعده وااااايد.. في جهاز المصفي الي داخله ينغسل وفي نوع ينخم بالمكنسه الي ينخم افضل. واذا في غبار او رطوبه قويه ابدا لايروح المدرسه وعطي المدرسه تقرير عن حالته.. اذا بيطلع حتى للطبيب خليه يلبس كمام وقولي للصيدلي ولدي عنده ربو بيعطيج نوع مناسب.. اذا الجو جاف وحار راح يأذيه نفس الشي حاولي تشترين جهاز مرطب للجو لغرفته والصاله.. (الاجهزة مو غاليه الحمدلله اسعارها معقوله) ممنوع البخور والعطور منعا باتا حتى الي حوالينه لايرشون لين تتحسن حالته ولايقعد بالمطبخ معاج لان ريحه الطبخ تسوي نفس الشي.. اللبان الذكر كبخور زين لصدره لكن مو تملين الدنيا دخان قطعه او قطعتين وسط يريحونه بخري فيهم غرفته والبيت.. (انا ريحني) اهو طفل وبالعاده الأطفال تختفي الحاله منهم لمن يكبرون عكس الكبار تظل معاهم نظفي غرفته على طول ولايكون قاعد معاج بالغرفه وهي تتنظف. غسلي الستاير على طول وشيلي السجاد بغرفته والألعاب المحشوه قطن وخام لانها تجمع غبار.. لاتستخدمين ادوية تنظيف ريحتها قويه حتى صابون جسمه والكريم خليه بدون ريحه راح تشوفين فرق بحالته لاتخافين وربي يخليه لكم ويقومه بالسلامه

منقوع اللبان المر يساعد حالته فنجان الصبح على الريج وفنجان بالليل قبل النوم.. ويتغير كل ٣ ايام...