انا مامنعته يبر فيهم كيفه ويجيب لهم مقاضي البيت وهدايا ويعطيهم فلوس ولا تكلمت بس سفرة فيهم 9 افراد مو مثل شخصين بتخسرنا مبالغ حنا بحاجتها انا مادري تفشل الانابيب تنجح احتاج اكررها الوضع مو بسيط وبسهوله هذي يبرهم لو انه غنييي مو انسان على قد حاله

ذولا اَهله خلي الرجل يفرح امه واهله تبين سافري معه ماتبين لاتسافري كون ان الفلوس منه مو من حقك تتكلمي وإذا انه منك لا والله حقك ترفضي سفرهم بس حرام عليك تقولي عقمه وكذا ذَا مو بيده ذَا نصيب من ربي مايصير هالكلام ياقلبي وإذا علا العمليه مو شرط برا تنسوى بسعوديه عادي مو صعبه وإذا ربي كاتب لكم العيال بتشوفوهم وكرري بالسجود أربعين مره ربي لاتذرني فردا وانت خير الوارثين وباذن الله ربي يكرمك بالحمل سافري وانبسطي ولا عليك وريحي مخك والله يسهل اموركم

من حقك طبعا والله يلوم الي يلومك
بس هذي مشكلة زوجك والاقتراح من راسه اهله مالهم خص
وصراحه انتي غلطانه كان ركزتي مع العمليات الي فعلا تكلف كثير واحتمال تكرريها كثير
وتركتي فكرة الطفش على جنب
الان ماتقدري تبطلي السفره لان زوجك راح يحقد عليك ويشيلها بقلبه

وحتى العمليات احتمال يكنسلها مثل ماكنسلتي السفره

انا اقول خليها بالتساهيل ولا تشدي معاه اي شي يقوله عن السفر قوليله على رايك والشور شورك كده ببرود

بس لاتقولي ماابغى اسافر جد راح يحقد

يمكن ربي يهديه ويكنسل السفره او عاد اتحملي وسافري وجامليهم قدر المستطاع

وان شالله ربك بيرزقك فلوس للعمليه وتفرحي ان شاالله بالذريه الصالحه

يوشا بالضبط هذا اللي انا منقهره عليه
اصلا المبلغ منه مبلغ احتياطي ومنه للسفر ومنه للعملية والانابيب اللي مو عارف كم تكلفتها ترى حول 20 الف غير عمليته هو وانا ما بغيت السفر الا لاني كارهه حياتي ونفسي وانا ما اتنطزت على عقمه هو زوجي مهما كان بس اقول الواقع متحمله وضعه وكلام الناس وبالنهاية السفرة اللي انا مساعدته عليها يبي يجيب معي قروب كامل ماشاء الله وبيستهلكنا الوضع ماديااا غير خواته يجاملوني لا اكثر مبلكيني بكل البرامج واذا جيت لبيتهم محد يطلع لي منهم ياكلون داخل لوحدهم ولا يردون على مكالماتي او رسايلي يعني الرفض مني ماجاء من فراغ
وبالعكس انا جدا مهتمه بهالموضوع وودي اليوم قبل بكره يصير بس كل ما تكلمت عن الحمل والانجاب والعلاج زعل علي وقلب الدنيا وتضايق ولا يتجاوب معي وانا عشان كذا سكرت عالموضوع اهم شي يتعالج والعملية نسويها
الله يعين ويفرجها

نونو اصفي النيةةةة !!
ترى الحمل حتى الزانية تحمل واليهوديه تحمل والبوذية تحمل هذي ارزاق موزعه من رب العباد على كل خلقه مسلم او كافر
لما يكون الصرف من جيبهم ماعندي مانع يروحون لكن هو يصرف عليهم وانا طول السنة عايشة حالة تووفير واقتصاد تجميع لهالسفرة والعلاج