Analysis Services
  • السلام عليكم بنات زوجي طلع رحله سياحه هو و خوياه ، قعد أسبوع المهم يا اخوات انا ببدايه زواجي ، فعلشان كذا قلت بعود زوجي كل طلعه او سفره بتذكرني بشي يجيبلي هديه كذاا المهم ،انا ظليتني اراسله كل يوم من ايام الرحلة و كل مره اذكر عليه حبيبي ايش جبتلي معاك علما انا من عائله مستواها ادنى بكثير بالنسبه لأهل زوجي و مستوى معيشتهم بعني ببيت اهلي انا ما كنت افرح بالهديه او ما حد كان بتذكرني بشي المهم لما تزوجت و جئت هنا و شفت عيشه سلفاتي الباقيين و الفخفخه اللهم لا حسد ، و علما زوجي عاااارف وضع اهلي و عارف اني كنت اشتغل قبل الزواج فعارف الطاسه و غطاها زي ما يقولون و بحكم اني توني متزوجه جديد فقلت لازم اعوده يجيب لي و يدلعني زيني زيهم ماهوب سلفاتي الباقيين أحسن مني لازم انا بعد اتفخفخ و اتدلع زيهم ، المهم زوجي ذَا راح السفره انبسط و الحمد لله تمام ورجع بالسلامه بس رجع للبيت تخيلو يا بنات تخيلوووووو جايب جلابيه فخمممممممممممه فخاااااامه يقولي ذي لك يوم جربتها طلعت اسبح فيها سبح تعرفون يعني طلع مقاااسها كبير حيل انا لحظتها عرفت ذي الهديه مو لي ذي لامه و هو يقول تنفع تنقص و مادري شنو ،، انا اتداركت الوضع قلت ذي هديه بعطيها لعمتي مو جايه ع مقاسي و كبيره حيل ( لانيً فهمت بقرارت نفسي مو جايبها لي ) طبعا هديه أمه جايبها مزرفله و بعلبه هديه بعد فخفخه برضوو و جايب مع مصحف ما شاء الله عليه مبطن جميل جدااااا ؛ المهم يا بنات اطلعلي من الكيس مالته شنطه حلوه مو ببطاله يقولي هذي لك ، انا قبلتها و كنت عامله نفسي طايره من الفرحه ووااااو و انا بداخلي حسره ؛ تفاجئت بعدين الا وانه يقولي ذي سعرها كذا ما يجي قدره 400 ريال ، انااستغربت ذي بالمحلات مالتنا ما توصل 100 ريال طارت طارت ما توصل : انا الموضوع حز بخاطري ي اخوات مليت اشوف خلق الله و سلفاتي عيشتهم احلا عيشه و انا لساتني بالهوان علما عمتي انسانه تسوى الذهب و طيبه جدا انا صراحه قلت تستاهل عمتي بس حزت بنفسي ليش يكذب علي يقول ذَا لك و اكتشف ذَا لعمتي و احاول اتدارك الموقف و ما احرجه قدامي ، علما سلفاتي الباقيين مفخفخات احلا لَبْس و احلا بيوت و بعد احلا عيشه و انا جايه من الفقر ما فرحت عند اهلي بشي هذا غير الضرب و الاهانه الي كانت عند اهلي و قصروا حيييل بتجهيزي بس الحمد الله الله سترها ، بنات انا افضفضلكم ما عندي ببيتي الا ثلاث عبايات للطلعه بس تخيلووووو !!!!!!!! بنات انا من القهر ودي ابكي احاول ارقع فيها من كل طرف الناس تحسبني هاي هاي و انت تحت تحت ، علما ان ذولا العبايات الثلاث اطلع فيهم عند عمتي و سلفاتي هُن هُن ما غيرتهم و لما حسّيت ع حالي لانيً مالي كم شهر متزوجه و احنا نجي كثير على عمتي انا و سلفاتي فأموت حسره لما أشوفهم و أقارن نفسي فيهم ، فأطريت أخذ عبايات اخواتي مال المدرسه الي يروحون فيهم للمدرسه ، اااخ والله تعبت ، و أرجعها لهم لما ارجع و أبدل كل ما اجي أخذ من عندهن وحده او ثناين مو عبالكم عبايات محرزااتو الا مفخفخات لا حبيباتي عشان أغير فيهم مو اكثر و أعطي اخواتي من الي عندي و كلهم على بعضهم بس ثلاث عبايات الي عندي ،، اخ يا ربي والله تعبت ، انا قلت لهنا و يكفي بس لازم اعوده اطلع اروح اجي ياخذني ع السوق اقل ما فيها قالي لااا ، لا بعد وش يقول بعطيك 100او 150 ريال تتسوقين فيهم ، انا من هبالي فرحت قلت اووكي ، لان انا ببيت اهلي ما كنت حتى افرح بملابس العيد تخيلو تمر سنين والله العظيم ملابسي الي عندي ببيت اهلي كم قطعه بس أغير فيهم ثلاث سنين هم هم نفس الملابس ما افرح ع العيد و الله يكرمك الملابس الداخلية نتشارك فيها انا و اخواتي و الله العظيم يا بنات تمر علي حالات انا و اخوتي نتطاوش ع الملابس الداخليه مااااا في عدنا شي نلبسه تحت ، الله يعزكم وقت الدوره نحط خرق ممزقه لنا ست سنوات و هذي السابعه انا و اخواتي نحط خرق ممزقه تحت عشان ننستر مرات و الله ما كان معانا المصروف !! و تخيلو لما تزوجت و جهزت ملابسي كسوه ملابسي بس 700 ريال بس تخيلوووووووو وكله من الرخييييص و حيل اشياء ناقصتني حسبي الله و اول مره اجيب لي فوط الدوره الشهريه بس لما تزوجت جبتهم و الا العظيم يا اخوات اول مره اجيب فوط انا و خواتي مو عارفين جهتهم كيف ينلبسون و بعد جبنا من الرخيص حتى ما يلزق تحت بالملابس الداخليه ، اخ يا ربي و فوق هذا الله بالنا بأمي انسانه قذره و مشعوذة تخرب الفلوس و تحرم بناتها و اخواتي سواهم خادمات بالبيت علما بيتنا صفيييييح تخيلو مليان عشوش من جوا و لما انخطبت صرنا نمسح و ننظف و الأدهى و الامر اثاث بيتنا جبناه مستعمل و اهل زوجي استغربو منا حيل بيحسابونا مفخفخات و احنا &&(£&(( يا ربي مو عارفه ارتب موضوووعي ؛؛؛؛؛؛؛ المهم يا اخوات انا ابغا أنسى الذل و المهانه عند اهلي و الحين انا ببيت زوجي اريد أصير زيهم و اتفخفخ بعدد مثل نسوانهم و أخواتهم و الله تعبت ، اريد اقنع زوجي اقل ما فيها ياخذني عالسوق و يعطيني مبلغ مرتب ما بي مثلهم ع المولات و الفنادق ابي السوق وبس ابي اجيب أغراض ناقصتني بنات والله العظيم شعر جسمي طال ما عندي ماعنددددي حلاوه وإلا شي اشيل شعر جسمي فيه سوا شفره من شفرات ابوي الله يعزكم اشيل الي تحت حتى ذكرت علي يوم كنت بحفله زفافي. و انا لابسه الفستان قلت لأختي لا تنسي تحطين لي شفره فاغراضي راحت اختي الله يخليها و يرزقها بإنسان يريحها ويسعدها و يدلعها قولو امييييين و ادعولها و حطتلي شفره باغراضي ؛؛؛ و صارلي شهرين و الفوط خلصو من عندي و مافي حلاوه عندي علما اني توهقت فيها كيف يستعملونها لاني مو متعوده و اول مره شلت شعر جسملي و تخيلو يا بنات تخيلو العرائس لازم يتداركون و يتنظفون انا الله يعزكم صابووون عااادي ابو رياليين لو خمسه و كيس بطاطا فكرت جسمي فيهً ، و ايش أقول بعد و يوم عرسي اخواتي ما كان عندهم ملابس او فساتين للعرس فأعطيتها من كسوه ملابسي ويلبسونها قدام الناس تخيلوو لبسوا بناطيل و بلايز غياري البيت قدام زوجي الحين ، انا ابغا اعود زوووجي يوديني يطلعني مثلهم ابغا بس السوق يا ناس قال ا لا شلووون أقنعه حتى حماتي صغيره قالتلي ليش مكياجك كذا البنات الباقين تقصد سفاتي لو شفتي المكياجهم كيف ارجووووكم انصحووووني ارشدووووني اريد اصير زيهم كييف اريد أقنعه اقل ما فيها اروح للسوق شلون تعبت والله
19-07-1438 هـ, 12:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يرزقك ي قلبي تدلعي عليه وقوليله كلام حلو ولا تنادينه الا بدلع وقولي له حبيبي ناقصني اغراض من السوق ابيك توديني ترا الرجال مايجيبهم الا الكلام الحلو والدلع جربي وان شاء الله ينفع الله يسخره لك 😘
19-07-1438 هـ, 01:19 مساءً
 
والله ماادري وش أقول لك يااختي لا تخربين حياتك لا تنظرين لغيرك اتركي سلفاتك وغيرهم ماعليك منهم وانتي زوجك كان يقدر يأخذ وحده بمستواهم بس اخذك انتي من مستوي اقل منهم ماديا مافكرتي ليش يمكن الرجال شايف اخوانه مكسور ظهرهم من حريمهم وطلباتهم وحب يأخذ وحده مستورة عشان لا تكسر ظهره واذا علي الفلوس اذا وضعه كويس اطلعي معاه سوق وخذي الي تبي ولا تخلين شي بخاطرك اما بتقولين سلفاتي والهديه مو لي لامه ليه تفكرين تفكير سلبي الرجال عمرهم ماعرفو للهدايا والمقاسات وهالشغلات لا تكرهين نفسك بالرجال وهو طيب معاك وسلفاتك الي انتي تقولين فخفخه ولبس وش قلوبهم من داخل بيضا لو سوده كيف حياتهم مع ازواجهم مرتاحين او لا كل هذا مافكرتي فيه اقعدي مع نفسك وفكري كويس وابني حياتك علي الأساسيات اتركي الكماليات والشكليات ياما ناس هوامير وعايشين اخس عيشه داخل بيوتهم ومشاكلهم واصله لاخر الدنيا دام زوجك طيب ويعاملك بما يرضي الله ومو مقصر خلاص انسي كل الأمور السطحيه
19-07-1438 هـ, 01:19 مساءً
 
طيب قولي لزوجك وديني المشغل ابغى اشيل جسمي
عوديه ع المشاغل انتي اطلبي منه لاتنتظرين يقولك هو
مع الدلع وحبيبي وحيااتي وتمشي الامور
ودني السوق المشعل كذا كذا يتعود مو تسكتي
19-07-1438 هـ, 01:26 مساءً
 
ما كملت موضوعك


بس اسمحي لي انتي مستواك كان عادي وزوجك حسب فهمي الحين احسن من اهلك 100 مره


لكنك مقهوره من سلفاتك وحاطه دوبك دوبهم ولا انتي بتفرحين للشي عشانك وانها منه لا بتفرحين بالغالي المتكلف عشان غيرك ؟ ليش اذا ازواجكم جابو هدايا تجلسون تقهرون بعض وتفرحون لهالدرجه 😂 الحمدلله والشكر


عموماً لا تخربين بيتك على سوالف حريم وتخسرين زوجك وترجعين لبيت اهلك
19-07-1438 هـ, 01:30 مساءً
 


الساعة الآن 07:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏