فيه احد يعاف الراحه يكفي ان ولدي بخير وصحه وينام معي بمكان واحد
اذا فيه من بيساعدني ويشيل الحمل يا سلام خير وبركه
لكن ال يغلط شي واحد لازم ماتسكتين عليه قولي لابوه بحزم وبسده لاتهاوشن يقدام عيالي اذا بتنتقدني نادني بعد ما اخلص من الولد وانصحني لا تقولي اي سي قدامه او بتخذ نفس الاسلوب معك قدام ولدك بفشلك واهينك واخليه ما يحترم

بعضكم باردات ويقولون عادي وابوه واهله لا مو عادي شي يغبن تعبت عليه حملت وولدت وفي الاخير ياخذونه بارده مبرده بس مع الاسف احس مافيه حطفل مايفهم ولايستوعب وتعود على كذا شلون بتغيرينه صعبه لو انه كبير ويفهم اذا كلمتيه يمكن بس ولدك لسى صغير

عارفة وش تحسين فيه بنتي كذا لدرجة اذا راحت لاهل زوجي ودقيت اطمن عليها اسمعها تقول ما ابغى ماما
هيه عشان البيت تطفش واهل زوجي كثيرين وانا حازمة معها وهم يدلعونها يوم كبرت شوي صرت العبها
واسولف معها تعلقت فيني انتي لا تخافين مرده لك بيكبر وبيتعلق فيك

تشبه مشكلتي مع بنتي بكري بس انا عاذرتهم بحاجه وحده ... بنتي جت بعد انتظار طويييل لان زوجي ماعنده خوات واصغر عايلتهم عمره 27 سنه وهم بس 3 عيال وامه وابوه نفسهم في بنت مررررررره وام زوجي تقول من طفولتي ماعرفت خوات ولاجاني بنات .. عاد يوم جبتها لو تشوفين كيف فرحتهم شيء شيء ومابي اكسر بخاطرهم خصًوصا اني ساكنه فوقهم فعادي يوميا تنزل لهم .. بس الحمدالله بنتي متمسكه فيني عمرها سنتين ونص الحين .. لكن تجي مواقف تحز بخاطري يعني ماحس انها ملك لي
وابوها مدلعها بقوووووه ويهاوشني عشانها
وهي من تشوف ابوها تنساني ولاتبيني لانه مدلعها زياده عن اللزوم دلع الخراب
اللي كلش ايه ماعنده ممنوع ابداً
وتشوفني الشريره لاني امنعها عن الاشياء اللي تضرها ولمصلحتها
بس امي تقول تكبر وتعرف معليك
لكن دلع اهل زوجي لها حلو وماتطاولوا علي ..
مرتاحه من شيئين اذا كنت عندهم ماشيل همها ههههههه لا اكل ولا لعب ولا بكى
ويطلعونها ويلعبونها وانا اخلص اشغالي بالبيت لاني واثقه بام زوجي حرمه حريصه الحمدالله

بكره يكبر ويجي بداله غيره سواء منك او من احد ثاني ويتعلقون فيه
الاطفال عموما لهم عمر معين لتعلق الناس فيهم ثم يستقلون هم بعيد يلعبون ويكونون صداقات ويكون لهم العابهم الخاصة
وانت مدام معاك اخوه الصغير فرغي امومتك فيه
دائما الطفل الاول يا يكون استقلالي جدا والا متعلق جدا
وطفلك مستقل خلاص عطيه مساحته