Analysis Services
السلام عليكم
هذي يابنات مشكلتي السابقه ودي أوضحها وأوضح أسباب ضعفي قدام زوجي
https://www.hawaaworld.com/showthread.php?t=463508...

يابنات بعد ما تمشكلنا انا وزوجي ، (سبب المشكله تافه جدا وموجود بالرابط)
طردني لاهلي وانا قلت بأطنشه وأسحب عليه إذا رضا بكيفه ومزاجه راح يجي وياخذني...
وجلست 15 يوم ماعبرته ولا اتصلت عليه ولا ارسلت له
لكن للأسف راح هو اتصل على اخوي وعزمه بشاليه وقام يسبني عنده. ..انا عرفت من اخوي لأنه جاء للبيت اول مادخل كنت جالسه عند أمي وكنا ماندري وين رايح ...قال تدرون من وين جاي؟ كنت عند أبو فلان!
أنا انصدمت وش وداك عنده؟ ؟
وهو قام يعيرني ويتمسخر علي وقال لأمي يمه انتي ماعرفتي تربين والرجال قاعد يسبها ويشتكيها .....
وانا رديت على اخوي قلت الله يعافيك انت مالك دخل واطلع منها وهذا زوجي وانا أدرى فيه ومالك حق تسمع من طرف واحد المفروض انك تناقشني وش اللي حاصل بالضبط وتسمع مني . ..قال وش أناقش وش اقول هو اصلا خليتي شي للنقاش والرجال عايفك ..قلت خلاص عايفني خل يطلقني كان هو صادق وانا مااخطيت بشي وعارفه نفسي. ..قام اخوي شدني بالقوه وضربني قدام أمي وولدي وقال لك عين تردين! وتطلبين الطلاق ياقليلة الحياء تتطلقين عشان تطيحين في كبدي؟ !!!
أقسم بالله هذا رده
أنا بعدها طلعت فوق بكيت وبكييييت من الموقف اللي صار وانقهرت من أمي تشوف تصرف اخوي وساكته ...
وعشان كذا من حر الموقف أخذت الجوال واتصلت على زوجي قلت خلاص تعال خدني ثم قال بشرط اعتذري قلت خلاص آسفه
قال فديت اخوك عز الله أنه رجال. ...وأنا يوم قال كذا سكرتها بوجهه وجاء وخذني وانا للحين ماكلمت اهلي ولا طايقه اروح لهم وزوجي كارهته
24-07-1438 هـ, 12:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رفع
24-07-1438 هـ, 12:41 مساءً
 
حسبي الله ونعم الوكيل
24-07-1438 هـ, 12:41 مساءً
 
بعذرك والله اذا الاهل كذا معك بتحسين انك وحيده ومالك عزوه وعيب على اخوك يمد يده مهما كان انتي اخته بس مهنا رجال وانا اختك ..وزوجك اجلسي عنده وطنشيه لين يراضيك وتعاتبينه باللي سببه بينك وبين اخوك خليه يعرف انك مغصوبه على رجعتك له مو من خاطرك اتصالك له ..
24-07-1438 هـ, 12:43 مساءً
 
اقتباس مشاركة  (جورجيو أرماني)
بعذرك والله اذا الاهل كذا معك بتحسين انك وحيده ومالك عزوه وعيب على اخوك يمد يده مهما كان انتي اخته بس مهنا رجال وانا اختك ..وزوجك اجلسي عنده وطنشيه لين يراضيك وتعاتبينه باللي سببه بينك وبين اخوك خليه يعرف انك مغصوبه على رجعتك له مو من خاطرك اتصالك له ..
انا للحين معطيته ظهري
وهو يقول آسف ياحياتي والله راح انسيك اللي صار. ..ويحاول يتقرب. ..لكن والله ماامشيها بالساهل لأنه تمادى عشانه شايف ماوراي أحد
24-07-1438 هـ, 12:47 مساءً
 


الساعة الآن 12:04 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏