اذا انتي جاده وتبين مصلحته وعلاجه قبل تتفاقم حالته وماعاد لها علاج
روحي معاه لطبيب نفسي مختص بالاطفال
ولاتستني عليه اكثر عشان مايبدا يحس و يتعقد
والله حزنت عليه والحقيره عمته ليه تضحك عليه ماتدري ان المرض ابتلاء من ربنا وفي اي وقت ممكن تصيبها هي بكبرها هالحاله او واحد من عيالها !!!
حريم عقول الاطفال اكبر من عقولهم

ولدي كان ماشاء الله فصيح من هو صغير ومنطقه سليم تعرض لموقف خووووووف وجاته التأتأه
والحمد لله الآن خفت كثييير أحيان تمسك معه وأحيان تختفي


أول شيء الإحتواء والحنان حسسيه بالأمان
ثاني شيء وهو الأهم لا تخلي أحد يعايره أو تحسسيه إن ما يعرف يتكلم
إذا بدأ يتكلم أعطيه فرصه يقول الكلام حتى بالتأتأة لا تنطقي الكلمه عنه أبدا غلط لأنه ماراح يتدرب على ترك تكرار الحروف ويعتمد عليك بتعبير عنه
بعد ما ينتهي من الجملة قولي له أنت بطل بس الله يهديك سريع بالكلام تعال نقول ...وابدأي بتصحيح الكلمات قولي الكلمه وخلي يعيد عدة مرات
كرري الخطوات عليه ومع الوقت هو من نفسه لما تجيه التأتأة في كلمه راح يقول لك الله يهديني أنا سريع وراح يصحح لنفسه بمساعده منك


أعطيه أمان إنه طبيعي ومشكلته فقط إن سريع بالكلام
ونبهي على من حولك لاااااااا يعلقون عليه لوغلط أبدا
لأنه راح يتأثر ويأخره بالعلاج ويمكن تمسك معه وصعب الخلاص منها


تعاملي مع المشكلة بهدوء وصبر وكأن الأمر طبيعي عشان نفسيته


هذا ما وفقني الله إليه وطبقته على ولدي
خلال فترة قصيرة تخلص منها بنسبة ٨٠% والحمد لله
وربي يتم علينا وعليكم عافيتهم وصلاحهم




وآسفه على الإطاله

وأضيف أهم شيء الدعاء أكثري في سجودك بالدعاء له ربي حسن منطق ابني

انا ولدي كانت فيه تأتأة واستمرت فترة طويلة يمكن سنتين او ثلاث والحمدلله الحين راحت وصار يتكلم طبيعي الحين هو بالمتوسط ..والله اشياء كثيرة سويتها له اول شئ بديت اراجع بالمستشفى عشان جلسات النطق ..ووديته لشيخ يقرا عليه واكثر شئ نفع فيه اني صرت ما اخليه يلعب كثير مع الاطفال لاني لاحظت انه مع اللعب الكثير والكلام يبدأ يتأتأ ..وبدينا انا وابوه واخوانه نشجعه ونزيد ثقته بنفسه ..وصرت دايم معه اذا جاء يتكلم ودايم اذا بدا يتكلم اقوله فكر بالكلمه قبل وقلها بعقلك بعدين انطقها ..وصرت معه لما يتكلم اقوله فكر ..والله يعين بس الصراحه تعب نفسي الله يشفي ابنك وكل مبتلى

اعرف قريبه لي كانت مره تاتا بس ماشاءالله الحين مره كلامها مثقف ومافيها شي
هي نفسي
علاجها زي ما قالن الاخوات جزاهن الله خير
كان علاج قريبتي زي ماقالت الزمرد احتواء وتصحيح مبطن وتشجيع ومن ظمن العلاج كان اخوها يصيد لها عصافير تخيلو ويقول بتطلق لسانك مدري هو بس يأملها كان والا به علاج اتذكر ينتف ويشوي كنا اطفال ما انسى وتاكل وتقول بكره اتكلم زين وهو اخوها كان يدرس طب وماشاءالله استشاري الحين بالتخصصي بالرياض
بس حقيقه او انه من سبل تعليقها به انه علاج ماسألت
بس انت شوفي حاجه سهله وغريبه خليها علاجه ربط له يعني مع الامور السابقه
يارب معافى ومشافى