هلا حبيابتي وكل عام وانتو بخير

ياليت ياحبايب قلبي تقولن لي رايك ..

ابي اعرف هل انا الوحيده والا في احد معي ..

بصراحه ما أحب اظلم احد ..

في يوم من الايام دخلت بنك الراجحي بالشرقيه الفرع القريب من شيرتون الدمام

كان هذا البنك من أفضل البنوك عندي من 4 سنوات تقريبا ولا افكر اغيره كان فيه

مجموعه من الموظفات الراقيات في التعامل ومن احلى وافضل الاخلاق وتعاملت مع مديرات الفرع وكانوا جدا خلوقات وتعاملهم جدا روعه مع العميلات بس بعد فترة تحول هذا الفرع الي فرع سيء جدا بسبب مجموعه من الموظفات وعلى رأسهم مديرة الفرع أنتصار المسعري الله يوريني فيهم يوم بصراحه حضرت لهم يوم هوشه بس جيت متأخره طيب كانت في وحده عجوز تدعي عليها وتتحسب عليها وأنا وربي خفت من دعاوي العجوز مره قويه ومقهوره من هالمديرة أسمعها تقول انتي ماتحترمين سني .. كنت اقول الله يعينهم ضغط عليهم والناس ماتراعي ..
وكذه مره احضر الفرع الاقي هوشه اكبر من الثانيه ويطلعون ويدعون على هالمديره بعد فتره رحت اسحب مبلغ تخيلو جلست ساعه كامله وكان ماعندهم زحمه وسبب التأخير استنى المديرة الكريمه متى حبت تجي توقع وتخليني امشي لدرجه اقول للي تصرف ناديها وترد علي بكل وقاحه اذا مستعجله روحي أنتي ناديها ( المديرة )
أنا عصبت قلت لها انا ماشتغل لا عندك ولا عندها وتخيلو هي جالسه تنطط وتسولف مع الموظفات وتكلم تلفون وتقول السعوديات متخلفات مثل ماعندهم اعيال وأزواج أحنا عندنا شفتو يابنات ردها شرايكم في أسلوب مديرة فرع الراحجي البنك المحترم وطبعا انا سحبت كل فلوسي وفتحت في بنك ثاني حتى صديقاتي وخواتي وماشاء الله وكل وحده عندها رصيد جامد عندهم .. بس ابي افهم ليه هالتعامل والغرور الواحد لما يتعامل مع الناس يتعامل بطيبه واسلوب حلو هم ايش ماخذين ..
قبل اقول عندهم زحمه ويوم جيت في وقت ماعندهم احد طلع هذا اسلوبهم مرررررررررره زفت

مين يسمع ومين يوقفهم عند حدهم

شرايكم يابنات وربي جلست مقهوره منهم يومين كاملين بسبه هالحركه البايخه لدرجه طلعت من البنك ابكي من القهر اول مره احد يعاملني كذه .

وتحياتي للجميع

واسفه على الاطاله
يالله

وصلنا القرن 21 ومازلنا دول العالم الثالث...المتخلف صناعيا وتقنيا...

عالم مايقدر الوقت ولاعنده حسن التصرف مع جذب العملاء ...وهذا ليس فقط في القطاع البنكي او الصناعي بل في اغلب قطاعات العالم (((الثاااااالث)))...وعجبي!!!!


لانه ما عليهم رقيب ولا حسيب
والمشكله انه دايما الزبون او العميل ما له حماية
يعني ما في حماية لا للمستهلك ولا للعميل
وكلامه يضرب بعرض الحائط

يا ليت لو كل واحده يصير معها موقف كذا ترفع شكوى ضدها
وينشر بالانترنت اسم الموظفه بكل المواقع المهمة مثل ما انتِ اليوم كتبتي هالشي بعد ما تاكدتي

وساعتها اعتقد ممكن يجيب نتيجة مع المدة بس يبغالها وقت

والله المستعان
افضل حل ويجعلهم يخسرون هو الانحساب من بنكهم...
بكذا يخسرون فلوسنا اللي يشغلونها لحسابهم وياخذون ارباحها..
آية الكرسي.. تعدل ربع القرآن.. من قرأها في دبر كل صلاة.. أدخل الجنة

من صلى علي الرسول واحدة.. صلى الله عليه عشر صلوات ..و حط عنه عشر خطيئات ..و رفع له عشر درجات

يااختي اكتبي خطاب كامل بما تعرضتي له وبكل تفاصيل الكلام ... وقولي انه بعد ماهى اول مره تصير منهم كذا ..
مع كل الزبائن اخلاقهم زفت .واكتبي الفرع مع الاسماء .. وارسلي منها نسختين .... نسخه تسلم بيد الراجحي نفسه .. والنسخه الثانيه ترسل للامير نفسه ,,,,او وزيرالاقتصاد
وبذلك ان شاء الله تقدري تكسري ظهورهم ...

الله لايوفقهم حسبي الله عليهم ...والله قهرتيني ...

تصدقي انا بعد في احد فروع الراجحي اللي اتعامل معهم ,,,اذا جيت اطلب شيء ؟؟ اقعد انتظر
والا ترد عليا بجفاء يااختي الله يخليك مانحن فاااضين انتظري ...
واذا جيت اسوي شيء ..قالوا مافي الحين تعالي بكره .....وحركات الله لايوريكم ,,,

يستغلون جهلنا في بعض الامور.. ويتعاملون معنا بوقاحه .......
الله لايوفق كل موظفه تتعامل مع الناس بقلة ادب وعدم احترام ويجعل راتبها حرام عليها ...

من قهري والله دعييييت .............. الوحده تخااف الله في الراتب اللي تاخذه ...

وانتبهوا يابنات والله احس انهم ممكن يستغلون الوحده ويسرقونها اذا ماهى عارفه المبلغ بالذات اذا كان ايداااع ,,,,, لاني كم مره احس انها اذا اعطيتها كم مبلغ للايداع لازم تسالني بطريقه مشكوك فيه كم اعطتيني !! ماادري احس انها تبي تغالطني ؟؟

ويوم اكتتاب زمان ايام الاتحاد الاتصال اشتريت كثير يومهاوالله اني اعطيتها ومتاكده خمسه الاف لاني اشتريت حوالي 100 سهم ...ومع زحمة الناااس قالت ناقصين ياامي
قلت وشلون ناقصين انا متاكده خمسه الاف .. قالت لا ناقصين الف و300 ريال؟؟؟؟؟!!!!!!
الصراحه وقتها ماادري وش اسوي اظطريت مع الزحمه اعطيها المبغ الناقص وكان هذا المبلغ اخر ماكان معي بالشنطه بغيت اروح فيهم السوق ,,,
الله لايوفقهم ان كان ضحكت عليا ....
حسبي الله عليهم .......


الساعة الآن 01:42 .