اتصلي على الرقم المجاني و اطلبي الرجال و اشتكي ..!
اصلاً الراجحي بكل مكان خايس ..
شوفي سامبا صح زحمة و تأخير لكن الموظفات محترمات ..
لكن الراجحي كانهم قايلين للبنت ماتتوظفين لين تصيرين وقحة و قروية و متخلفة !!
كننا جالسين نطر من عندهن !!
لكن شوفي بنك الرياض او الفرنسي .. انواع الاحترام و الادب !
وش مجلسك عندهم
لو كل شخص طلع من عندهم تأدبوا و ادبوا هالبنات اللي عندهم!
07-01-1427 هـ, 11:02 صباحاً
 
هلا وغلا بالغاليات اشكركم على التفاعل مع الموقف وهذا دليل مو انا بس صار معي وصح للسانكم وعلى فكره اتصلت على الرقم المجاني المشكله خيار الاتصال بالموظف غير موجود جد والله مقهورة منهم ودي اوريهم شغلهم اذا هم موقد الشغل واحترام الناس يجلسون ببيوتهن
والله يعطيكم العافيه مين عندها اقتراح سريع او رقم مباشر للمسؤلين او ممكن ارسل اميل على موقعهم ياليت تعطوني رايكم .

وتحياتي لكم
08-01-1427 هـ, 07:47 صباحاً
 
بصراحة ما سبق وتعاملت مع الراجحي ..
لكني أؤيد كلام Guesss عن الفرنسي ..
قمة الذوق والأدب .. تجلسين تنتظرين صحيح لما يكون زحمة .. بس تجلسين باحترامك والكل يبتسم في وجهك و هذا يكفيك حتى ترتاحي للتعامل معاهم ..
و مديرة الفرع عسل لما تكون بمكتبها و تشوف أحد جالس ينتظر تجي بنفسها وتوقف على راسه وتشوف وش محتاج ؛ مع الابتسامة و الاعتذار عن التأخير ..
مع ان الرصيد لا جامد ولا يحزنون ؛ لكن أخلاقها مرة حلوة ما شاء الله عليها ..
و كل الموظفات بنفس الأسلوب ؛ ؛
أستغرب من الراجحي ، الكل يذم فيه ومع ذلك كما هو ما تغير ؛ مو بس السيدات حتى الرجال ..
08-01-1427 هـ, 08:34 صباحاً
 
هلا وغلا القادريه والله انك صدقتي عن البنك الفرنسي انا رحت افتح حساب عندهم بعد ماسمعت انهم كويسين تعاملهم في منهى الذوق مررررررررررره ويحترمون الموجود
عكس موظفات الراجحي شايفين نفسهم مدري على ايش بس لهم يوم ويومهم قرب

تحياتي للجميع
11-01-1427 هـ, 06:08 صباحاً
 
الله ياخذهم البنك الراجحي اماتحمل موظفاته تعاملت مره وحده معهم وليتني ماتعاملت ابد اخلاقهم زفت للاسف
11-01-1427 هـ, 01:07 مساءً
 


الساعة الآن 08:09 .