السلام عليكم ورحمة الله وبركاته
سلالالالالالالامي لكل خواتي العزيزات في المنتدى الغالي وبالاخص في هالقسم
الي احبه موووت ونصف وقتي في النت فيييه وهذا ترى اول موزززع لي يعني
لللللللللللزم تجاملوني بردودكم الطيبه ولاهااااا ياويلكم تدرون وش اسوي
اقاطعكم (ايه هين ان قدرتي)
وهو زي ماهو واضح من العنوان عن ورقه المقاضي جتني على البريد
شوفو تكفون ارجالنا وش يقولون عنها وكأن هالمقاضي مهب في ابطونهم هههههه
من جد اللي كتبها منسم
ورقة المقاضي ..
ياعااااااااالم قسم راحت حياتي اوراق صغيره .. جيوبي مليانه .. كل ظهريه
وبعد
صلاة العشا طيب يازوجتي العزيزه فيه شي اسمه دمج .. رئاسة تعليم البنات
بكبرها
دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من
هالقلق
اليومي .. المشكله وشي .. المشكله اني اقرا طلبات مالها داعي بس مجبور
اجيبها
.. دراق / طماط/ بقسماط/ برغل / واخرتها مانلقاعلى السفره الا كبسه وان
سوينا
نفوسنا كنديين حطينا فجل هههههههههههههه طيب هالبقسماط والصولجان وبقية
الاسامي
الصعبه لمين طبعاً لخواتك اذا جوا يوم الربوع وانا ياغافل لك الله طقني
الجوع
مع ابوشايع وابوعبدالله وان سوينا فيها فجور وكااااااش ارسلنا حنيف يجيب
بروستد
وتهاوشنا على الثوم ههههههههه والمدام مع خواتها يتنعمون من خيري ومن تعبي
ومطامري في البقاله مع ورقة المقاضي
ههههههههههههههه
وكله كوم ويوم خذت اختي في المدرسه طريقة عمل المكرونه بالبشاميل سرى
يومنا
ماغير ناكلها الى درجة ان ابوي اضافها في دفتر العايله لانها صارت جزء من
العايله ووحده مننا
الله يحفظ الوالده .. ورقة المقاضي حقتها ماتتغير علشان كذا مانرميها انا
حاطها
في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت
تسوي
نفسها كيوت استبدلت البصل بثوم واذا ملينا وبغت تجدد فيها حطت الرز قبل
البصل
والخبز قبل الطماط والله اني عشت عمري كله وانا نفسي اكل شي جديد وخاصةً
ذا
اللي يقولوه اومليت الى درجة اني سكنت في فندق مره علشان لقيت في القائمة
اومليت مادريت انه بيض
المشكله ماعندهم رحمه .. درجة الحراره في عز الصيف الف وانت تطامر من محل
الى
محل وبمعية سموك ورقة المقاضي لو تجيب العثيم كله وتنسى شي بسيط قامت
القيامه
ولازم ترجع وانت اصلاً شرير ولاعمرنا شفنا منك شي يابخييييييييييييل ..
وياعيني
على استخدام التقنيه .. ورقة المقاضي صارت من العصر الحجري الحين تجيك
المقاضي
مسج على الجوال والله اني ابغا اصيح اذا قريت رسايل جوالي ورسايل جوال
اخوياي
العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان
جنح
الليل يغشاني ويغشاك .. ) ( الله على الجمس لولا وراد الستين ) << رسالة
داخله
بالغلط خويته ابوها شريطي ههههههههههههه وانا تعال شف رسايلي ( حليب
سريلاك ..
) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص
الليل الله من الاعذار بس
وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي
جحا
.. تجيب بنكهة الكاتشب قالوا نبي بالخل والليمون .. تجيب رقاق الورده
قالوا نبي
رقاق غوار .. تجيب صلصه قالوا نبي ماجي .. بس خل عنك والله صار عندي خبره
ولاخبرة رابحه وانا والله من اول كنت احسب البندوره هي البطاطس ههههههههه
مناسبة هالموضوع اني رحت اليوم بعد صلاة الجمعه ومعي كالعاده رفيقة دربي
ورقة
المقاضي طولها حوالي 7.12 متر ويوم دخلت العثيم والقا زحمه وانا اللي تصعب
علي
نفسي واتمرد واشق ورقة المقاضي وارسل للمدام رساله اقولها اني تمردت وقطعت
الورقه ... جزاها الله خير تفهمت الموضوع بشكل حضاري وهذا انا اكتب لكم
الموضوع
من مقهى ههههههههههههههههههه
DAINH 2007 @dainh_2007
محررة
يلزم عليك تسجيل الدخول أولًا لكتابة تعليق.
**لينا**
•
هههههههههههه خلصتها تهبل تهبل
ماشاء الله من اولها مواضيع روعه
بس كله كوم وخواتها كوم كنهم انا وخواتي :)
اما حكايه اعواد الأسنان تحفه
تسلمين عيوني :)
ماشاء الله من اولها مواضيع روعه
بس كله كوم وخواتها كوم كنهم انا وخواتي :)
اما حكايه اعواد الأسنان تحفه
تسلمين عيوني :)
ياحبييييلها ياناس ماانلام في حبها بنت ديرتي مشكوره ياعمري يالينا
والحمد الله انها اعجبتس وشفتي تكفين يحشون فينا والله اني انقهرت بس بعد ضحكت
والحمد الله انها اعجبتس وشفتي تكفين يحشون فينا والله اني انقهرت بس بعد ضحكت
بلبونة
•
وانت اصلاً شرير ولاعمرنا شفنا منك شي يابخييييييييييييل >>>>>
جنااااااااااان..تسلم يدك..كل شي ولا المقاطعة...شكلها صارت موضة...!!!!
جنااااااااااان..تسلم يدك..كل شي ولا المقاطعة...شكلها صارت موضة...!!!!
الصفحة الأخيرة
ياهلا بالغاليه صديقه الصيف :)
المهم مابعد قريتها بس حبيت ارد عليك اول شئ << :):26: