ماجتمع قوم في بيت من بيوت الله ..... ابي افكاركم تكفون
عندي دورية صديقاتي يوم الاربعاء وابي فزعتكم
مو هامني الاكل والسفرة بقدر مو هامني الفايدة اللى ابيهم يطلعون فيها من عندي
مرة حطيت محاضرة دينية ومرة اسئلة واجوبة ...
ابي هالمرة فكرة جديدة من غالياتي عضوات المنتدى فلا تبخلون علي .
ماودي نجتمع للترفية والاكل فقط ابي فايدة للجميع دنيا ودين
ولكم فائق حبي .

أول ما ايون البنات توزعين عليهم أرقام كل رقم في ورقه حلوه مكتوب عليها تاريج الجلسه ومعلق عليها حلاوة أو من البونتي والمارس الصغار

وبعدين تقسمينهم فريقين ( بيصير حركه وضحك ووناسه ) وتسمين كل فريق باسم مثل أسماء صحابيات أو الصقور والزهور أو الشمس والقمر أو أسامي تضحك.......
وبعدين ما تكون أسئلة بس، يعني شوي أسئلة دينية وشوي معلومات عامة، وبينهم مثلا سحب ( من الارقام إلي وزعتيها عليهم ) ويكون على السحب هديه أو بوسه أو قطعة كيك
وممكن بعد تعلقين مثل حبل الغسيل وتعلقين عليه بمشبك الغسيل أوراق ملونه تكتبين على كل ورقة رقم من جهة وسؤال من جهه ويكون الرقم جهة البنات والسؤال من الجهه الثانية ( السؤال مثلا فيه اختيارات للاجابه وحبذا لو في الاختيارات بعض الاستهبال)، ويكون في بعض الاوراق هدية مجانية، أو طلب مثل قهوي البنات، عددي أسماء البنات الحاضرات وهي عاطتنكم ظهرها حتى لا تشوف البنات ) عاد انت اتفنني، وتسحبين رقم من إلي وزعتيهم في بداية الجلسة وإلي تطلع تختار رقم من إلي معلقين وهي وحظها

وانت تسجلين نقاط كل فريق
وبعدين الفريق إلي يفوز توزعين عليهم هدايا رمزية مثل أكياس حلاوة ولا جلكسي
ولا لبان ( أحلى تكون أشياء بسيطه حتى ما يتضايق الفريق الخسران )
وبهاي الطريقة تكونين أفدتيهم بالمعلومات الدينية وغيرها وتونستوا ( حتى ما يقولون الملتزمين دمهم ثقيل )

وبعد انتهاء فكرة الفريقين تحضرين هدية( حتى لو كانت من الأشياء إلي عندج في البيت وما استخدمتيها ( شمعه - عطر - نعال للبيت - بجامه ) ومن قبل تكونين حاطتنه في كرتون وبعدين جلديه بجلاد حلو، وبعدين جلديه فوق الجلاد بجريده ، وبعدين جلديه بقصدير، وبعدين جلديه بأي جلاد ثاني، وبعدين جلديه بكيس ولفيه باللزق ، وكرري التجليد حتى يصير أكثر من عدد البنات وآخر شي جلديه جلاد حلو ) فهمتي فكرتي ؟؟
وبعدين عطي الهدية أول بنت بتفتح الجلاد الأول والثانية تفتح الثاني والثالثة تفتح الثالث حتى تدور الهدية عليهم كلهم وإلي تفتح الجلاد الأخير وتطلع لها الهدية تكون الهدية من نصيبهاــــــــــ>> شوفي عاد التعليقات والهدية تمشي بينهم

أرجو إني أكون أفدتك والله يوفقك ــــــــــ>> أحب البنت الهادفه
ممكن تجيبين بلونات وفيها أسئلة ورقم للهدية بحيث السؤال السهل يكون هدية بسيطة والعكس

وكل وحده تفقع بلونتها وتحل سؤالها إذا صح تاخذ الهدية وإذا خطاء حظ أوفر!

ولا للتنويع قولي الإسبوع الجاي ولا المرة الجاية مسابقة أفضل حلى والحكم بيكون الفائز

اليوم بالمسابقة طبعا هي ماتشارك بالحلى بس تحكم

تحياااااااتي
عزيزتي FIJA
تسلمين ياقلبي على فكرتك الرائعة....
واشكرك كثير لانك انت الوحيدة اللي عبرتيني
من 14 وحدة دخلوا ..
اكرر شكري ...
moobdah
اشكر لك اهتمامك وردك
فكرتك حلوة بعد ...
لك كل التقدير...


الساعة الآن 11:26 .