Analysis Services
[img]http://www.*******.com/upload/Folder-15/1137589754_h.gif[/img]

[grade="FF0000 FF0000 8B0000 FF0000 000000"]ياحليلكم انتم اثر دمي خفيف هههه
السهرانة الله يفرجها ويفك ضيقتك ااااامين ..
جبل شامخ
الاحلام اساليني انا من يوم مادخلت في الاسهم وانا ماعاد احلم الا فيها ...
الله يعينك بصراحة صعبة مع الدوام بس يمديك تريحين شوي قبل التداول المساء ..
تصبحون على خير [/grade]
[img]http://www.*******.com/upload/Folder-15/1137588902_s.gif[/img]*MoOoG*[img]http://www.*******.com/upload/Folder-15/1137588902_s.gif[/img]
07-01-1427 هـ, 10:56 مساءً
 
آآآه جيتي عـ الجرح

أختك في الله (اللي هي أنا ) نفس الحاله ماعاد ألقى وقت وياليت فيه مكسب إلا خساير مايعلم بها إلا ربي

لو تشوفين محفظتي كان حنيتي عليّ وحولتي لي كم ألف خخخخخ

المحفظه كلها ساااالب - - - تحت بالآلآف

أحسن شيء في متابعة الأسهم أني أصحى بدري

وصرت اترك مواضيع الأسهم التعليميه ليوم الخميس العصر أو يوم الجمعه ..
07-01-1427 هـ, 11:57 مساءً
 
والله حالي مواحسن من حالكم.
انا صرت اقوم من الساعه 9 من كثر القلق(طبعا مافي شوشه منفوشه لان الشعر سايح ومتعبني الله يعين)واقعد اراقب المنتديات لين يفتح السوق ويبدأ التوتر والقلق واذا تعبت اشوف لي مشوار سريع اروق وارجع بعد ما حطيت اوامر البيع والظهريه افتكر نونتي الصغيره عمرها 5 شهور وزوجي شغله دايم السفر علشان كذا مرتاحه من الغداء وارجع العصر نفس التوتر وماأبغى احد يكلمني من عيالي..ما صارت أسهم..
والله كنت مرتاحه حاطه فلوسي مع زوجي لكن اللقافه أخذت جزء منها ابي احس ان شهادتي ما راحت (في مهب الريح)
بس والله من جد شغلتني هالاسهم(الله لا يشغلنا الا بطاعته)
هذي قصة حياتي.
08-01-1427 هـ, 12:18 صباحاً
 



أي والله ياحليلك يا مووج .. سواليفك تهبل و ما تمل ما شاء الله عليك ..
حلو موضوعك يا نسايم .. طلعنا شوي برا جو الأسهم ..

جدولي ما يختلف عن جدول مووج كثيييير ؛ غير أني أبدأ يومي بعد صلاة الفجر أسوي القهوة وأجهز للفطور ( طويل العمر لازم عنده قهوة الصبح هههههه ) ..
أحيانا أرجع أنام إلى أن يصحى زوجي ؛ و أحيانا إذا كنت نشيطة جلست أتصفح و الف شوي و أقرأ في الأخبار اللي تحطها لنا حواء كل يوم الله يجزاها عنا كل خير ...

و لما يتسهل بسلامته ؛ على طول على النت و نكمل لف و متابعة إلى الظهر ؛ وبعد الظهر أبدا في الغداء ..
نتغدى بعد العصر و يادوب تبدا الجلسة الثانية ؛ والمتابعة هنا مش ولا بد مقطعة كثييييير ...
و بعد المغرب مواعيد و ارتباطات أو زيارات على خفيييف ..
العشاء على العشرة و ما تجي 11 إلا أنا منتهية خلاص ابغى أنام لأن نادرا ماآخذ لي غفوة في النهار إلا أن كنت مجهدة او سهرانه ..

الأسهم شغلت وقتي كثييييير ؛ و الجدول فعلا صار مضغوط لكن والله على التعب اللي فيها إلا أني احس بمتعة ..
الخميس والجمعة اللي أول ما أفرقها عن باقي ايام الأسبوع صار لها طعم ..
صرت احس أنها إجازة ...

أما عن الأحلام فالظاهر أنه الكل مو أنا لوحدي الحمد لله ( حلوم أهل نجد حديث قلوبها ) ؛ المشكلة أنا في أحلامي ما أتذكر شيء من اللي يصير فيها ياربي كلها صجة ولجة وتوصيات إزعااااااااج لين يطلع الصبح و أنا الحمد لله فيها بس أساليني عن شيء ما أتذكر و لا كلمة ؛ من كثر المعلومات ما أجمع حتى في الحلم ... بس الحمدلله خفت كثييير هالحالة وصرت انام زي الناس ...

لا والاخطاء يا سلااااااام حدث و لاحرج ..
مرة ولدي يكلمني و يحكي ولا سمعته و أنا في المتابعة ؛ أبغى أقول له وش تبي يا قلبي ؟
قلت له وش تبيع يا قلبي ؟!!! .. طبعا يطالع فيني ما يدري وش أقول و أنا ( ما في قلبي غير الله )
و غيرها وغيرها ؛ إذا تذكرت شيء رجعت لكم مرة ثانية ...

الآن ماذا تفعلين يا نسايم ؟

انتي أدرى بنفسك وحاجتك و أنت اللي تقدرين تقررين ..
المتابعة اليومية اللصيقة ضرورية للمضارب و مجهدة بسبب التسمر أمام الشاشة لفترة لا تقل عن 4 ساعات يوميا و على فكرة في البداية هي مزعجة و متعبة جدا في البداية فقط ؛
أما المستثمر فيتابع من بعيد و مرتاح و مطمئن أكثر ؛ و إذا وصل لهدفه باع بدون وجع رأس ..
أنت أدرى بنفسك و تستطعين تقييم نفسك و تقسيم وقتك حسب أهدافك اللي وضعتها هل أنت مستثمرة أم مضاربة أم تجمعين بين الإثنان ؟...
أحيانا تحتاجين أو تضطرين للخروج في وقت المتابعة ؛ عادي إن كنت محددة أهداف للبيع أو الشراء في ذلك اليوم ضعي أوامرك و روحي مشوارك ؛ سويتها اكثر من مرة و نجحت ؛ على الأقل أطلع و أنا مطمئنة أنه ما راح يفوتني شيء لان هدفي واضح و اوامري قائمة ..

ما تلاحظون أني طولتها ..
أترك المجال لمن هم أقدر مني على ذلك .. لنستفيد من خبرتهم ..
تصبحون على خييييير ...
08-01-1427 هـ, 01:10 صباحاً
 
اشكر تجاوبكم معي

واكيد استفدت من تجاربكم
راح الغي باذن الله فترة القيلولة
وانام بالليل بدري


وصراحة كانت ردودكم رائعة ...اثلجت صدري وونستني

وحسستني ان هذا الوضع طبيعي وراح اتأقلم عليه
08-01-1427 هـ, 01:58 صباحاً
 


الساعة الآن 03:51 .