السلام عليكم

سمحولي بس حبيت انبه بعض الخوات اللي يشوفون شغلنا ويعرفون اسعارنا ويطلبون مجموعة من الاكسسوارات على اساس يختارون منها واتفاجا فيهم يفاصلوني في الاسعار وبشكل ما يخطر على بال مثال اكسسوار ب 50 درهم تطلبه الاخت ب 30 درهم .... يعني مطلوب مني ابيع لهم سعر الخامات وشغل ايدي مجاناَ.... وطبعا كلكم عارفين مدى تعب الأشغال اليدوية
وعلى فكرة اسعارنا وايد زينة مقارنة بأسعار السوق وعندكم دليل الأخت "الطير المهاجر" يوم ودت اكسسوار احنا نسويه ب 40 درهم سوته ب 150 درهم.. يعني فرق 110 دراهم!!!!!

فاللي شايفة الاسعار وعارفة نفسها ما بتشتري اصلاً رجاءاً رجاءاً لا اتعبل علينا انوصل الاكسسوارات لين بيتها آخر الدنيا ونتريا اسبوووع ونرد ناخذ الاكسسوارات "تيتي تيتي مثل ما رحتي مثل ما جيتي".....

وبصراحة ما انسى اذكر انه بعض الخوات اللي وديتلهم الاغراض لين عندهم كانوا في قمة الذوق من بينهم الاخت أم غنامي ونايمة و TAMY وما قصرن...

والسموحة طولنا عليكم..
تحياتي وانتظر آرائكم في الموضوع ككل من ناحية أسعارنا ومن ناحية التعامل..

سود الأعيان
07-01-1427 هـ, 10:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لا والله اسعارج مناسبة والي ما يروم يدفع ما يشتري
07-01-1427 هـ, 10:38 مساءً
 
صح كلامج يا الغلا
وصدق اسعارج فرررق عن السوق
ربي يوفقج
وانا عطيت راعي المحل الفكرة اللي راويتيني اياها
وسواها بـ 150 درهم
استغربت من الخاطر من سعره

بس ماكان باليد حيلة
لانه مووول ماكان عندي مجال هاك الوقت
وخصوصا عقب ما اعتذرتيلي
مالقيت جدامي حل الا اني اوديه للمحل

ووالله اللي مب عايبتنها اسعارج لا تشتري
وانتي لا تعورين راسج وياهم وايد
عطيهم سعر معين للجملة وقولي ما اقدر انزل اكثر عن جي
عيبهم كان بها
ما عيبهم خل يسوون اكسسوارات بارواحهم
والسموحة
07-01-1427 هـ, 10:46 مساءً
 
طنشيهم واسعارهم احسن منها ما بيحصلون وايد من البنات يفاصلون وينسون التعب والتكلفة
07-01-1427 هـ, 10:52 مساءً
 
احزان الامارات

فعلاً اختي اللي ما يروم يدفع لا يشتري

بس شو نقول ... الله يعين بس...

تحياتي
08-01-1427 هـ, 02:16 مساءً
 


الساعة الآن 03:36 .