[grade="4B0082 4B0082 800080 800080 FF1493"]
وعليكم السلام ورحمة الله وبركاته

ختيه سود الأعيان

بحكم أنيه أصمم وأنفذ اكسسوارات الشعر

فحابة أكتب رد في الموضوع

بالنسبة لي ما قد وحدة فاصلت في السعر ويايه

ممكن وحدة بتطلب طلبية كبيرة تقول راعينيه في السعر

لكن أرد وأفهمها

أنه الشي اللي أبيعه مش شي أشتريه وأرد أبيعه

هذا شغل ايدي وأنا أتعب فيه وأنا اللي أعرف كم يسوى

وصدقتي حبوبة

يعني مش معقولة نبيع الاكسسوار بسعر خاماته وننسى تعبنا

أنا مثلاً

أتعنى وأسير السوق وألف وااايد محلات لين ألاقي الخامات اللي بغيتها

وبعض الخامات ما ألاقيهن هنيه فأوصي عليهن من إمارات ثانية

وبعدين الشغلة نفسها متعبة

تنسيق الورود وتركيب الخرز والكريستالات وغيره

وبعد ممكن الوحدة وهي تشتغل تحرق صبوعها بالشمع الحار (تصير ويايه أغلب الأحيان)

يعني هل معقولة الأخت الزبونة تتناسى كل هالأمور

لا وبعد تقول لج من 50 درهم بشله على 30؟؟؟؟

بالنسبة لي الحمدلله رب العالمين كل اللي تعاملن ويايه يتفهمن هالشي


نصيحتيه لج غناتي

لازم تفهمين كل وحدة ليش الاكسسوار المعين بهالسعر (نوعية الورود والكريستالات وغيره)

يعني أنا لاحظت في اكسسواراتج أنه الخرز المستخدم هو الخرز الياباني

وهو أغلى أنواع الخرز مقارنة بغيره في السوق

وبعد تصاميمج متجددة بين الفترة والثانية

فلازم يراعن هالشي

ولو أي وحدة تبا السعر رخيص

قولي لها شو رايج عيل أستخدم لج خامات أرخص؟؟؟ <<<< أمزح


حبوبة طولي بالج وإن شاء الله خلاص عقب هالموضوع إن شاء الله الخوات بيتفهمن


ربي يوفقج دنيا وآخرة[/grade]



08-01-1427 هـ, 06:19 مساءً
 
هلا والله اختي Romanove

الغالية كلامج صح وصدقيني نحن نتفهم اي وحده تقول راعيني ودايما اذا في مجال نراعيهم مع انه اغلب الاحيان يكون صعب انزل السعر بس مع هذا انزل لهن..

لكن الاخت شافت البضاعة كلها في النت مع اسعارها.. وطلبت مجموعة عشان تشتري... وطبعا التوصيل كان لحد البيت.. والله يسامحها قامت تفاصل وبشكل كبير ويوم قلنالها ماشي مجال ردت الاكسسوارات مثل ما وديناهن..

انتي شو رايج؟؟؟ يعني مب عيب؟؟؟

على العموم الله يسامحها.. والانسان يتعلم من تجاربه..
ومشكورة والله على مداخلتج وكلامج..

وسلامة صبوعج... يا ما احترقنا .. وتنفخن صبوعنا خخخخ
تحياتي
08-01-1427 هـ, 06:33 مساءً
 
الغاليه اللي ماتقدر ربي يرزقها من وسع مش لازم
تكلف على نفسها وتفصل شي ماتقدر عليه وإحنى
التاجرات وايد نواجه هالشي بس ليتهم يعرفون كيفية
تعبنا على هذا الشغل ...
08-01-1427 هـ, 06:37 مساءً
 
والله اسعارج الغاليه ولا تخطر على البال يا بلاش والله
وكله ذوق وتناسق فى الالوان شو يبون اكثر من جذه
وكفايه اصلا حوستج فى الاسواق ودوري ولفى حتى تلكين اللى تبينه
هذى حالتى يوم اتكون عندى مناسبه ادور لبناتى
ما عليج ولا حتى تحطين فى بالج الغاليه
08-01-1427 هـ, 06:44 مساءً
 
*أميرة البحر*

هلا اختي..
والله يا الغالية المشكلة انه محد يقدر ها التعب..
بس الله يكون في العون..

الف شكر لج..
تحياتي
08-01-1427 هـ, 06:47 مساءً
 


الساعة الآن 02:24 .