زوج صديقتي ماله حل 😭💔

السلام عليكم ورحمه الله ..

مرحبا عزيزاتي ..
صديقتي تشكتي لي من زوجها تقول يحب يحتقرها ويضربها ويحطم نفسيتها بكل شيء ويحب يكون افضل منها
هي تزوجت من اربع سنوات بدايه زواجها يشوفها صغيره وماتفهم مع انها جامعيه ومتربيه تربيه حسنه وخلوقه وهي اكبر وحده في البيت وكانت مسؤوله وتعرفون البنت الكبيره ومسؤليتها وماشاء الله عليها سنعه وتحب تثقف نفسها وتركت دراستها الجامعيه لانها تحس مسؤوليه البيت والزوج اهم وضحت عشانه وعندها ولدين منه بدايه زواجها ماكان يخليها تطبخ ويحطم في طبخها ولا يجيب لها اغراض الطبخه واذا جاب اغراضها جلس هو يطبخها بنفسه ويحب شغل نفسه وكل ماصلحت له شي قال ماتعرفين وخاصه اذا طبخت طبخه حلوه واجتهدت فيها يطلع فيها عذروب ويشتري من برى ويعطيها القاب ويتريق عليها تحملته لمده سنتين جاهدت بكل الاساليب كانت هاديه ومطيعه ومخليته على راحته بعد سنتين صار يتدخل بكل شي حتى ولدها الاول يحب يحشر نفسه فيه ويهينها قدام اهله بالكلام والتريقه ومطلعها ولا شي عند اهله وانها ماتعرف تسوي له شي وانه متزوجه بس بالورق مع انه قريبها
كان ضربه لها بالبدايه مزح وكف وتريقه كانت تسكت له وتسايره ويقول لها انتي شغاله لولدي ويعلم ولده عمره سنتين كيف يتفل على امه ويعلمه الفاظ وصخه ويقول قول لها قمامه والولد متعلق فيه اكثر من امه وهو مشكلته ماله اصحاب ضربها مره لانها بدت ترد عليه وماعاد تسكت وراحت اشتكت عليه بالشرطه وعلمت اهلها ورجعت له بعد ثلاث شهور وجلست فتره بسيطه ورجع يضربها ويهينها وهي ساكته وصابره وتحاول تعدل في وضعه ماقدرت تعبت نفسيا منه ماتقدر تقول لاابوها لانه واعد وعد انه اذا ضربها يفرقهم عن بعض وهي ماتقدر تتحمل مسؤوليه ولدين صغار ولا عندها وظيفه ولا دخل مادي وش الحال بنظركم مسكينه تشتكي لي وصار لها تبلد من ناحيته حسبي الله عليه والله يابنات اختصرت مشاكلها بجزء بسيط وتقولي مواقف اقسم بالله الشغاله بنفسها ماتنهان فيها زي ماهي تنهان 😭💔💔💔💔