كتبت لكم موضوع قبل كذا وقلت لكم قصتي لما تزوج علي زوجي وانا بالنفاس وحطم حياتي ..
من يومها وانا اخذ حبوب منع الحمل رغم انه كان يقولي احملي بس مابي احمل وهو متزوج علي المهم
وانا اخذ حبوب منع الحمل نسيت يمكن حبتين من الشريط وحدثت المفاجئه التي لم تكن بالحسبان
حللت قبل يومين وطلعت حاااااامل ..
تدرون كيف احساس الغصه الي تجي بالحلق ودك تبكين ومو قادره جتني يوم قالت لي الدكتوره مبروك انتي حامل المفروض اني افرح زي باقي الناس اسودت الدنيا بعيني مرت قدامي كل الذكريات الحزينه اللي عشتها بالماضي والصدمه اللي جتني بنفاسي مرتين وهي تقولي مبروك وتسألني مالك ي بنتي بقولك مبروك مابترديش ليه ؟
قمت ارجف وابكي طلعت من عندها ورحت السياره سالني قالي وش فيك ليه تبكين سكت نزل للدكتوره وسألها وعلمته بالخبر جاني مبسوط ويقولي ارتاحي من اليوم ورايح لاتتحركين ومن هالكلام المزيف حق الرجاجيل
ومن ذاك اليوم لليوم وانا بحلقي غصه مو قادره اتخلص منها اي كلمه تبكيني واي كلمه تجرحني مدري ايش اسوي ولا ادري وين اروح بعمري💔
22-08-1438 هـ, 02:59 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي بس شو سبب لي خلاه يتجوز عاليك يعني الواحد يتجوز اذا زوجته ما تخلف او ما مرتاح او زوجته تعبانه وما تعطينه حقوقه
22-08-1438 هـ, 03:07 مساءً
 
اي اي
22-08-1438 هـ, 03:09 مساءً
 
حملك خيره من الله لك
تعوذي من الشيطان
واهتمي بنفسك
وادعي الله يريح بالك ويشرح صدرك
والله يتمم حملك على خير
ويعينك ويصلح حالكم
22-08-1438 هـ, 03:13 مساءً
 
اقتباس مشاركة  (شهد زوجي)
اختي بس شو سبب لي خلاه يتجوز عاليك يعني الواحد يتجوز اذا زوجته ما تخلف او ما مرتاح او زوجته تعبانه وما تعطينه حقوقه
مافي سبب غير ان امه ماتحبني واني ما اجلس مع امه عشان امه باعني
22-08-1438 هـ, 03:14 مساءً
 


الساعة الآن 07:25 .