طمع زوجي كرهت راتبي والسبب زوجي

السلام عليكم
بنات اعتبروني زي اختكم وانصحوني لاني تعبانه حيل
اول شي بحكيلكم عن مشاكل الطمع
انا موظفة وراتبي اكثر م راتب زوجي واهلي مقتدرين وما يريدوا مني شي حاولت اعطيهم ورفضوا
المهم زوجي اذا بغينا نطلع مشوار لازم بسيارتي
واذا بغينا نتعشى يا ادفع انا يا ماشي عشى لحد ما نرجع البيت يعني ابدا ما جاله عشانا ف مطعم ع حسابه
اذا بغينا نسافر حتى للعمره لازم انا اللي ادفع
حتى هديه سنعه ما جاله جاب لي انا آخر هديه عطيته آيفون 7 مع باقه ورد وهو جاب لي ورده وحده مع عطر والله فرحت بالورده ع الرغم انها وحده لانه فيه مره بكيت قلت له لي 6 سنوات متزوجه ما في مره فكرت تجيب لي ورده وكله ازواج خواتي يجيبوا لهم ورود عشان كذا جاب لي ورده
حتى اذا طلعنا للسوبرماركت وبغيت حاجه حق نفسي حتى لو اولويز الله يكرمكم بيدفع هو وبعدين يشيك الفاتوره الاغراض الخاصه فيني حتى لو غرشه ماي انا لازم ادفعها
نصحوني شو الحل معاه لاني تعبت اذا ما سويت كذا زعل وشل الدنيا
لا تقولوا لي اخبر أهلي لانه فيه مره طلقني طلقه وحده ولما رحت عند اهلي خبرتهم عن الاول والتالي واهلي ما عجبهم وضعي وصارت مشاكل بين زوجي واهله واهلي لانه زوجي ولد عمي وانا رجعت لاني عندي اطفال معاه بس بعد ما رجعت ما تغيرت معامله الا ف بدايه يقول لا تدفعي عن تروحي تخبري اهلك بس بعد سنتين رجعت حليمه لعادتها القديمه ويبين قدام اهله اني ابدا ما اساعده وكل شي فوق ظهره
والله اشوف نفسي ما متهنيه براتبي سلفاتي ما يشتغلوا والله ملابسهم احسن عن ملابسي
وصح انا اشتري لعيالي ملابس م ماركه قال اذا تريدي لهم ملابس ماركات انا ما عندي وصار مصروف اولادي وملابسهم علي حتى ما خلا ولدي الكبير يدش روضه الا لما خبرته اني انا ادفع ويقول قدام اهله انه هوه يدفع
حتى بناتي ما يشتري لهم ذهب الا اذا انا اشتريت
شوروا علي شو اسوي تعبانه منه