اهلا يابنات ...

ممكن كل وحدة منكم تقول لنا كيف تغسل الدجاج واللحم و السمك ؟؟؟؟؟ علشان الكل يستفيد و خاصة الغشيمات مثلي ..
وحدة من صديقاتي تقول انها تغسل الدجاج بالصابون !!!!!!!!!!!!! مايصير صح يابنات والا انا غلطانة هي تقول علشان يروح الزفر...

انا بالنسبة لي اغسل الدجاج بالماي اكثر من مرة و بعدين انقعة في خل ابيض وممكن شوية ملح
ولو كنت باطبخ رز ممكن انقعة في كمون وكزبرة مطحونين ..واغسله مرة اخيرة

بالنسبة للحم بس اغسلة بالماي

السمك بس بالماي

وسلامتكم ...........
08-01-1427 هـ, 07:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالصابون؟؟؟؟؟؟؟؟؟؟؟؟؟؟؟؟؟؟؟؟

الافضل بالخل او دقيق وملح وتخليهم فتره عشان الزفره وممكن تنقيعهم بعصير ليمون وملح نص ساعه وشوفي كيف الزفره تروح اما الصابون لا مايصير

وطريقتك غريبه تنقعيي الدجاج في كمون وكزبره ؟ ماجربتها قبل كذا
08-01-1427 هـ, 07:34 صباحاً
 
هلا بام نوافي وسارة ...
انا سمعت من قبل عن الدقيق بس ماقط جربتة لكن الخل و الملح على طول ..
وانتي معاي مايصير بالصابون ...
اتصدقين ان هنية في استراليا الاجانب يطبخون السمك و اللحم و الدجاج على طول من السوبرماركت عالقدر يعني مافيش اختراع اسمة غسيل و حتى البقدونس و الشبنت وووو من الخضار عالطبيخ يعني مايمر عالمغسلة !!!!!!!!!!!!

بالعكس نقع الدجاج في خل و كمون و كزبرة مطحونة تعطي الدجاج نكهة و ريحة حلوة انا اخذت هالطريقة من المنتدى...

وشاكرة لج مشاركتج..
08-01-1427 هـ, 09:11 صباحاً
 
السلام عليكم
اختي ام البنيات
بعد ما تغسلين الدجاج واللحم جيدا عن الدم ويقارب لون اللحم للبياض فركيه بمزيج من الخل والماء وعصير الليمون وملح جيدا بعدين غسليه وثم افركيه بخلطة من الكركم والملح وخليه فتره مغطي في الثلاجة يعني لحوالي الساعة ثم يطبخ باي طريقة .
اما بالنسبة للسمك فيغسل عن الدم جيدا ثم يفرك بخلطة الكركم والملح ويترك فترة ساعتين مغطي باحكام بالثلاجة حتي تزول الزفرة ثم يطبخ باي طريقة .
وطبعا لاننا عرب مسلمين ما نستحل الدم مثل الاجانب اللي عندك الله يعينك.
وبصراحة الاجانب ما يعرفون الطبخ وفنه ونكهته مثل العرب فالاجانب اكلهم نادر ما يكون لذيذ
ولللاثبات عزمي اي طباخة ماهرة عندهم علي اكله بسيطة من تراثنا وشوفي شلون تتجنن عليه .
الله يردكم بالسلامة
08-01-1427 هـ, 09:46 صباحاً
 
انا اغسله زين بالمويه مع الفرك وبعد كذا اخليه في مويه وملح واذا جيت اطبخه غسلته من الملح بالمويه وبس
08-01-1427 هـ, 04:07 مساءً
 


الساعة الآن 12:42 .