تهلل البهية
تهلل البهية
ماشاء الله ياعسل والله ودي اجربه
bero_o
bero_o
السلام عليكم ..كيفك
مره حلو استمري
انا حقولك كل اللي قراته بالنت سواء من مواقع اجنبيه او عربيه
ممكن تكون معلومات مكرره انتي كتبتيها بس بالاعاده افاده
اول شي لازم تحاولي اغلب اكلك مقلي ويدخل فيه الدهون بقد ماتقدري تكثري من الدهون
افضل دهون ( زيت الزيتون ..زيت جوز الهند ..زيت السمسم ... الزبده )
الماء مهم لانك حتساعدي تكسري الدهون بجسمك وغير انه مهم لصحتك بالعموم ومحيخلي عندك امساك بسبب انك قللتي الكربوهيدرات
الالياف مهمه زي البروكلي ..الكرنب ..الزهره حاولي تقليهم افضل ..افوكادو نص قطعه ..الخس ( زي سلطه سيزر )
البيض ( ممكن تاكلي بيضتين كامله ومع بيضتين بياض فقط ) يعني ٤ بيضات مقلي
وممكن تاكلي بيض مسلوق ومععاه مايونيز او كاتشب ( بس الكاتشاب الافضل يكون مافيه سكر
المايونيز لازم يكون كامل الدسم وتاخذي من ملعقه لملعقتين انتبهي مو العلبه كامله لانه كل ملعقتين فيها نسبه من الكربوهيدرات واحنا حدنا ٢٥ تقريبا كربوهيدرات او اقل كمان
الملح مهم عشان ضغطك لاينزل وتدوخي
الافضل تاخذي مكملات غذائيه ( مالتي فايتامين ) وكمان حبوب زيت السمك حلوه
السمك او التونه افضل في هذا الرجيم من الدجاج واللحم ( كخساره دهون )
ممكن تاكلي سمسم محمص
ممكن تاكلي لحم مفروم اوكفته ـ(كرات اللحم) ..فكره ...
محبين القهوه لا تكثرو الافضل كوب للنشاط ويكون معاك كوفي ميت كامل الدسم (كريمه ) او تبدلي بدالها زيت جوز الهند يقولو مع الكوفي لذذيذ (ماجربت )
حاولي مويه ليمون ضروري لو نص ليمونه عشان ما يتعب الكبد
ممكن حلقات بصل مقلي مع بودره الفلفل الحار او اي بهارات (بدون طبعا بقسماط)
المكسرات ( فول السوداني حلو ..)
من ملعقه لملعقتين زبده الفول مرره تساعد تنزل الوزن لانها مليانه دهون
١٠ حبات زيتون
اللبن او الزبادي لازم كامل الدسم
الشوكولاته السوداء القطعه فيها بس ٧ جرام كربوهيدرات ولذيذه ومفيده وغير انها تجيب هرمون السعاده
ممكن تستخدمي صوص الصويا
وبس هذا اللي قرأته
bero_o
bero_o
صحيح ماشاء الله المعلومات اللي جمعتيها جميله وباذن الله بابدأ من بكره
bero_o
bero_o
صحيح كمان جبن التشيدر حلو لانه عالي الدهون ^ــ^
قالو كمان طبيعي حتسحسي نشاطك اول اسبوع قل وتعب لانه تحول مصدر الطاقه من كربوهيدرات لدهون عمليه مو سهله

ولو فكرتي تعملي الرجيم لازم تكوني متأكده انك ماراح تخربي لانه مو زي الرجيمات الثاني سهل ترجعي تعيدي
هذا الرجيم بيغير مصدر طاقتك بجسمك فلمن تخربي وترجعي وتخربي وترجعي ....بتهلكي جسمك يتنقل كل شوي من طاقه لطاقه
وغير انه للبنات الدوره ممككن قالو البعض صارت ثقيله وبعضهم خفت وبعضه قالو الام وقت الدوره زادت والبعض زي ماهي ما اتغير شي فيها يختلف من جسم لجسم
بس هو شهر ..شهرين ورجعت لوضعها ..يعني شي مؤقت ومايخوف
هذا الرجيم ينوصف لمرضى السرطان كمان الله يبعد عننا الامراض
لان المرض يتغذى على السكر والنشويات ...فيقطعو عنه السكر ....
عشان كذا هذا الرجيم باذن الله يقلل من نسبه السرطان كوقايه
لمن يتحول طاقتك لدهون ....راح تحرقي طوول الوقت وانتي نايمه وانتي صاحيه ...يعتبر الوقودد لك يعني ينزل وزنك بدوون اي مجهود مجرد انك تركتي الكربوهيدرات وحولتي للدهون
وبس ...لو افتكرت شي راح اكتب ^ــ^
تهلل البهية
تهلل البهية
ماشاء الله ياعسل والله ودي اجربه