Analysis Services
مرحبا صبايا
رجعت لكم بعد بتفاصيل مشكلتي للي متابعها ..
اولاً الحمدلله على كل حال ..
الموضوع الحمدلله مر على خير
صار فيه احداث كثييييره ماودي ادخل فيها المهم ان المزعج انكشف وتأدب من أخوه والظاهر بعد انه انضرب الله أعلم
الهم ان اخت زوجي قالت لي لاعاد تشيلين همه ابد اعتبريه مات هالانسان واتحداه باقي يزعجك
المشكلة يابنات في زوجي مادري وشفيه
هل ممكن يكون عرف بشي
وأخته وعدتني مايعرف ابدا
بس مره متغير عليه ماهو طبعه
الى ان صارت بينا مشكله يوم الاثنين تشادينا بالكلام عشان موضوع تافه جداً وكنا في السياره
رفع صوته علي وقال كذابه وماهي عادته ابد
هو من النوع الحنون وبسرعه يندم
المهم
قلت انت كذاب وتشوف كل الناس زيك وماسكت له ابد ولابسكت له كل كلمه اردها له


واستفزته هالكلمه ( كذاب )
واعطاني بكس على خشمي ونزف خشمي وتورم وجهي وعيوني وجلست انزف طول الليل
أول مره يسويها مره انصدمت
طبعاً حاول بكل ما اعطاه ربي من كلمات وحب وغزل يعتذر بس ماقبلت اعتذاره وحلفت له لاقول لابوي
بس جلس ليله يترجاني ويبوس رجولي عشان اسكت ولي اللي ابغاه قل او كثر واللي يرضيني بيسويه
قلت خلاص وصلني لاهلي وبعدين بتفاهم معاك
طول الليل مانآم نص ساعه على بعضها يصحى مفجوع ويجيني يسألني فيني شي والا لا ويعتذر ولا ارد عليه


قبل اروح حلف لي على المصحف انه بالغلط وان الشيطان كبرها براسه وانه ماكان يقصد
وحلفني ماقول لاهلي واستعد باللي يرضيني
وكل هذا وانا مطنشته تماما ً ولا كأنه موجود ابد ابد
يومين وهو يلبس بنتي ويأكلها وينومها وشايلني من الارض شيل وانا مطنشته وانا كنت تعبانه ودايخه بالقوه اتحرك
المهم


وصلني لاهلي قلت له برتاح هالفتره وبعدها نتفاهم
قال بس اوعديني محد يعرف لان لو احد عرف حياتنا بتنتهي من التدخلات
الحين الموضوع كله بيدي
وأبوي مستحيل يسكت له وقد قالي زمان لو واحد من ازواج بناتي ضربها مابتفاهم معاه بالكلام الا بعد ما اضربه مثل ماضرب بنتي


وزوجي وابوي يحبون بعض مررره وبينهم احترام متبادل
وحتى لو اني زعلانه بس شهاده لله زوجي طيب ويحبني ويدلعني ولا يرفض لي طلب


الحين السؤال ..!؟
وش اسوي في هالحاله
وش ممكن يرضيني
وش اطلب
لو انهيت حياتي معاه بحرق قلبه بس في نفس الوقت انا خسارتي كبيررررره
محتااااااااره أبي شوركم ..،
12-10-1438 هـ, 07:00 مساءً
 

3.00

عدد التقييمات: 1
5
4
3
100%
2
1
اعتذر اذا الموضوع ملخبط بس والله للحين مو مستوعبه كأني في حلم
12-10-1438 هـ, 07:01 مساءً
 
لا ليش تنهين حياتك معه هو ضربك صح و حاول يراضيك هنا جاء دورك يا تعطينه قرصه بحيث ما يمد يده مره ثانيه عاد هذي طريقتك بس من غير تدخل بشر
أو تقصين ظهره بالماديات إذا تحبين مثلاً فلوس بالرغم أنا ضد المساومه بالضرب و رضاوتها فلوس كأنها بمقابل


لا تربطين ضربه لك بموضوع الرسايل دام ما طلع منك شيء و لا من اخته أي كلام بهالموضوع و لو وصله خبر من اخو الولد بحيثديتعذر منه فهو ما راح يرتاح راح يسألك عرفتي
12-10-1438 هـ, 07:26 مساءً
 
اجل لو بيخونك وش بتسوين اقول اعقلي دامه اعتذر واحمدي ربك ياكثر رجال حتى اعتذار مايعتذرون لحريمهم
يقولون من تغلى تخلى لاتزيدين اقبلي اعتذاره وارجعي بيتك الله يهديك
12-10-1438 هـ, 07:27 مساءً
 
لاترضيين بسرعه
نصيحه يااختي
انامابي اخببك لاكن لاتمشينها له وخليه يعرف ان الضرب خط احمر
لاتعلمين اهلك واستري عليه بس خليه يغلي ويجلس ع اعصابه لاتقولين له انامابقول لاهلي اوترضين بسرعه اخاف تصير عاده عنده ويستحليها كل مازعل يضرب
خليه يندم فاطعيه فتره قفلي جوالك وخليه يغلي من الندم اكثر من يوم وبعدين افتحي جوالك وردي وقولي انابفكر اعلم اهلي ولالا لان اهلي مايرضون علي وشوف اقسم بالله لوتتكرر ماجلس لك لحظه بالبيت ولاعلم عليك ابوي وحطي شروطك وخليه يتحسف
موتروحين تطمربن وترضين بسرعه ويستهون بالامر ويكرره
12-10-1438 هـ, 07:36 مساءً
 


الساعة الآن 11:55 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏