موقف بيجيب لي حاله نفسيه

السلام عليكم ورحمة الله وبركاته اه يابنات فيه موقف مر علي خلا حالتي النفسية زفت كيف اتجاوز هذه المرحلة صارلي 5 ايام زي البايهه مع زوجي ونفسيتي زفته ووالله العظيم واقسم به ماتهنيت بنومي من خمسه ايام . مدري ايش جاني مر عليه موقف اموت مانساه تمنيت الارض تبلعني ولا اشوفه الله لايحطكم فيه''رحنا نتمشى للجنوب الله لايعيدها من تمشيه طلعنا من الرياض وبعد مامشينا مسافه قال زوجي فيه طريق مختصر ننزل على بيشه وبعدها ننزل على ابها مشينا شوي معاه طريق ضيق كانت الساعة 1 في اليل فيه راعي سياره يمشي قدامنا اعتقد كامري صار عليه حادث صدم بعير وبعدين لفت سيارتهم وضربت صبه حقة تصريف الاوديه؛؛وقفنا عندهم والسياره من قدام تطلع نار ودخان ومافيه احد غيرنا الخط خالي تماما وزوجي نزل وكسر الزجاج الخلفي وطلع ولد وبنتين الولد عمره تقريبا 6 سنوات والكبيره تقريبا 7 والصغيره تقريبا 3 سنوات.وبعدين راح طلع الام سحبها وطلعها مع الباب من الخلف وقال تعالي ساعديني عشان نبعدها عن النار ماقدرت عظامي ماتشيلني وشالها وبعدها عن النار . ورجع للأب وحاول يطلعه بس ماقدر الحديد ماسك عليه ويقولي زوجي انه توفى قبل يحترق فيه ضربه في راسه.عيالهم اخف إصابات منهم الضربه جات على الي قدام الولد واخته الصغيره ماشوف فيهم شي بس جرح بسيط في الصغيره واختهم الي عمرها 7 تشكي رقبتها وكتفها والصغار يصيحون.وجاني زوجي قال تعالي شهديها يقصد الام ماقدرت وراح لها عندها صعوبه في التنفس والدم يطلع مع الاذن فتح عن وجهها عشان تتنفس الغطاء كاتمها زياده .وصلتنا سياره ثانيه . والنار صارت كبيره وبنتظار الاسعاف والاسعاف نايمين ساعتين ماوصلونا كانو بينقلون الام في السياره الثانيه وواحد منهم عارض قال انتظرو الاسعاف حالتها خطيره مشينا وهم ينتظرون الاسعاف وعيالهم معنا والبنت الصغيره فيها جرح في الخد وتنزف دم ومتمسكه فيني وواقفه بين المقاعد تحسب اني امها والسياره وملابس زوجي دم وانا بس ارجف وابكي وصلناهم مستشفى بيشه وجلست معهم والام وصلت مع الاسعاف متوفيه.التمشيه كلها كأبه وحزن كنا مخططين نجلس اسبوع ماقدرنا نكمل يومين من المنظر ماقدرت انساه ابشع منظر حتى اكل معاد باكل زي اول جاتني حاله نفسيه من المنظر الله يلعن السيارات.تكفون يابنات بيشه الي سمعت في الحادث هذا او تعرف احد في المستشفى تطمني على الصغار الله يطمن قلبها بالإيمان الحادث يوم الجمعه