Analysis Services
السلام عليكم ورحمة الله وبركاته
حبيباتي ..الله يرزقكم فوق ماتتمنون ويشفي كل من تعاني ويجبر قلوبكم يارب
أنا من 5 سنوات تقريبا عذبني الوسواس القهري في الوضوء والصلاة
وبالفترة الاخيرة خف كثير الحمدلله لكن ....
اللي عذبني وجابلي اكتئاب وحزن ذبحني هو ..إني كنت ومازلت كثيرة الحلف والنذر
بكل فرض وكل وضوء لازم أحلف ما أعيد ولازم أنذر بصيام شهور وأشياء صعبة عشان ما أتراجع وأعيد
لكن أرجع أعيد ولا كأني حلفت
تخيلوووا كم كفارة علي طول هالسنين .. نفسيتي في الحضيض
يابنات إذا انبسطت شوي ..أتذكر هالذنب العظيم وأرجع أكتئب ..ماعاد للفرح طععععم
يابنااااااات أنا حزينننننة كيف أكفر عن ذنبي ؟؟؟
كنت أنذر بأشياء فضيعة وأحلف وأعيد وأرجع أحلف مرة ثانية وأعيد
الحلف على لساني مايروح ليومكم هذا.. يابنات ما أقدر أحصي كمية الحلف والنذور اللي أخلفتها
كنت أدعي على نفسي كمان وأحس إن دعوتي استجيبت
يابنات أحس بثقل زي الجبل ..
عجزت أرجع الأمل لحياتي..أبغى أتفائل وأدعي لنفسي بالخير
يابنااااات طمنوني ايش أسوي ؟
20-10-1438 هـ, 07:10 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طبيعي ياختي من يمر بالوسواس القهري يمر بحالة اكتئاب
عشان ترتاحين لازم تكلمين مفتي ثقه وتشرحين له وضعك بالتفصيل ممكن يكون وضعك مايستوجب الوفاء بالنذور اللي نذرتيها لانك كنتي مريضه عشان كذا توكلي على الله واسالي شيخ وربي يجعل ما اصابك تكفير ذنوب والله يفرج همي وهمك
20-10-1438 هـ, 02:03 مساءً
 
الله يجبر بقلبك أختي فوفو جزاك الله الجنة
اللي تعرف رقم مفتي يرد على الواتس ترسله لي الله يسعدها
ادعولي الله يجزاكم بالجنة ادعولي ياعسى الله يرفع قدركم دنيا وآخرة
21-10-1438 هـ, 05:41 صباحاً
 
الف سلامة عليك حبيبتي ، هذا شي فوق سيطرتك واضح
انتي بالرياض؟
اذا انتي بالرياض بعطيك اسم دكتور نفسي معروف وشاطر
اسمه د عبد الله السبيعي ، بعيادات ادراك ، تدخلين عليه وتوصفين له الحالة كاملة
وهو يقرر تمشين على علاج دوائي ولا سلوكي معرفي ..
21-10-1438 هـ, 05:47 صباحاً
 
الله يسلمك ويجبر بقلبك أختي الهام
لا والله مو من الرياض بعيدة ..
الله يجزاك بالجنة على مساعدتك..
22-10-1438 هـ, 12:42 صباحاً
 


الساعة الآن 05:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏