السلام عليكم
بتكلم لكم بصراحه
ولان ماحد يعرفني ولا اعرف اخذ
باخذ راحتي وبطلع اللي جوا قلبي
انا بكل صراحه جمالي على قدي
او بمعنى اخر ماني حلوه جدا عاديه
واقل من المقبولة
واشين خواتي وكل خواتي حلوات
وخوات زوجي مزز نفس
نفس خواتي شعور وبياض واجسام
انا الحمدلله ماراح اظلم زوجي وقول
يعاملني مًو كويس او يتلفظ علي
لا ابد
طيب معي تاركني ع كيفي اطلع لاهلي
لاقاربي يحترمني ويقدرني
اي شي اطلبه للبيت اغراض
مصروف لبس يجيبه لي
لكن يرفض السفر برا وانا ميته
واسافر مثل غيري
دايم اقول لو اني حلوه
مثل خواته وخالاته كان ماباقي دوله
مادخلتها نفس خواتي وخواته
ودايم تتعب نفسيتي احس اي شي يرفضه
بسبب انه مايحبني او شكلي العادي
مع انه عشان ماظلمه مايتلفظ علي
ولا يقصر من ناحية اغراض البيت او اغراض لي
او اهلي يركض لهم ركض ويحبُهم
ولا يخون ولا له بحركات البنات لدرجه
جواله مرمي طول الوقت وطول وقته اصلا
عندي او عند اهله وخواله مايحب جمعات الاستراحات والشباب
لكن لما اقوله بسافر ويرفض انفس عليه
ولا اكلمه واستنقص نفسي بقوه
انه اكيد بسبب شكلي اخذني بس اطبخ له
واجيب له عيال بس الدلع مًو لي للحلوات
والسفر والاشياء ذي مًو لي
وانا افكر بنفسي اقول ليش يارب
مايسفرني كل هذا لاني مًو حلوه يعني!!
والله لي اسبوع ساحبه ماكلمه ولا اطبخ له
ورايح مكلم ابوي يشتكي علي يقول تبي تسافر ولا تسوي لي شي وامس ابوي كلمني يهاوشني يقول عقلك صغير ومادري ايش طيب مًو من حقي اعيش زي غيري ليش هو اخذني عشان اخدمه!!
21-10-1438 هـ, 05:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تبين الصدق والصراحه والله انتي غلطاااااانه السفر براء ماااله شغل بالجمال وزوجك كويس معك وانتي كويسه والدليل ذكرتي الصفات الحسنه فيه لاتخلين الشيطان يلعب عليك واعتذري منه حتى تكبرين بعيينه وترى الجممممال مو كل شي قسسسم بالله اعرف لك جممممميلللات بمعنى الكلمه وبدون مكياج واهتمام بعد وعيشتهم زفت مع ازواجهم وفيه مو حلوات وازواجهم طااااايرين فيهم عاد انتي وشطارتك ابرزي جمممالك 👍🏻❤️
21-10-1438 هـ, 05:28 مساءً
 
اقتباس مشاركة  (malam7)
تبين الصدق والصراحه والله انتي غلطاااااانه السفر براء ماااله شغل بالجمال وزوجك كويس معك وانتي كويسه والدليل ذكرتي الصفات الحسنه فيه لاتخلين الشيطان يلعب عليك واعتذري منه حتى تكبرين بعيينه وترى الجممممال مو كل شي قسسسم بالله اعرف لك جممممميلللات بمعنى الكلمه وبدون مكياج واهتمام بعد وعيشتهم زفت مع ازواجهم وفيه مو حلوات وازواجهم طااااايرين فيهم عاد انتي وشطارتك ابرزي جمممالك 👍🏻❤️
اي صح نسيت اقول لك تررررى زوووجك يحبك لو مايحبك ماراح اشتكى لابوك كان تهااوش معك وغثك وطين عيشتك بس ذا دليل حبه لك ويبي يحافظ عليك 👍🏻
21-10-1438 هـ, 05:32 مساءً
 
لاحولا ولا قوة الا بالله

انتي بتخربين بيتك بيدك وبكره قولي ليش يصيرلي كذا

مطلقني وهيني عند اهلي لاسمح الله

والان انا اعرف امكن خمس عوائل مسافرين برى

وحريمهم اقل من العاديات

والعكس

والا يكون هو يحب السفر ويشوف البلاوي هناك وهي بس تصيح من النكد

والا تكون مريضه ومسافرين للعلاج

والا يكون عياله يدرسون هناك ويرحون لهم كل سنه فبيكون سفرهم عادي يطبخون وتمشيه يكونون عارفين الاماكن مالين منها وطفشانين بس مو على كيفهم

وهذولا اعرفهم والان مسافرين الله يحفظهم ويردهم سالمين

ارضي بما قسم الله لك

وفوضي امرك الى الله

وعليك بالصلاة على النبي والدعاء والاستغفار
21-10-1438 هـ, 05:36 مساءً
 
نص الشعب ما احد يسافر اصلا


اللحقي عل زوجك لا يسحب عليك
21-10-1438 هـ, 05:44 مساءً
 


الساعة الآن 06:49 .