السلام عليكم ورحمة الله، بدون مقدمات انا تعبت من زوجي وما قادره اتحمله ولا اتحمل اسلوبه معي والله اني احس اني كرهته من اسلوبه، اللي متابعني يعرف مشكلتي الأزلية معه وهي ( الخصام) زوجي من النوع اللي يستسهل الخصام على اتفه وابسط الامور ويمتد خصامه لشهور ما بس ايام او اسابيع ومهما حاولت اكلمه وننهي الموضوع بيننا ما يتجاوب ابدا واذا الجدار يتكلم هو بيتكلم وتركته ، مشاكل والله اتفه من التفاهه بس هو كذا يخاصم حتى انه متخاصم مع ولد عمه وهو ولد خالته في نفس الوقت من ست سنوات واخته اختلفت معه بشي بسيط وخاصمها شهر وجلست تبكي وتترجى فيه الى ان رضى عليها مع انها ما غلطت عليه مجرد خلاف في وجهات النظر!!علاقتي بأهله - ولله الحمد - كويسه وامه طيبه معي وما عندي مشاكل معهملكن المشكله في زوجي لما يخاصمني ولو ايش صار ما يتواصل معي اطلاقا ولو حتى برساله وما يدخل غرفه انا فيها ولا كأني موجوده بالحياة بكل معنى الكلمة ، حتى امه مره من المرات كانت بالمستشفى وانا ما عندي خبر ، يعني بكل معنى الكلمة ( إذا خاصم فجر) والله لو يشوفني ميته ما يحرك ساكن ، مره من المرات اغمى علي وانا حامل بالسادس ولا كأنه يشوفني والشغاله اتصلت بأخوي وجاء اخذني المستشفى ورحت لأهلي ولما اخوي سأله ليه ما وديتها المستشفى قال : لاننا متزاعلين!!!!!، قادرين تتخيلوا لأي درجة يوصل لما يخاصم، طبعا اهلي زعلوا وانا رحت لأهلي وزعلت عندهم شهرين بس علشان عندي اولاد صغار رجعت مضطره ، وهو كل شهر لازم يخاصمني اسبوعين ع الاقلتعبت وانهلكتومرات عديده اتفاجأ بأخواته او اهله يدخلوا بيتنا وهم قايلين له انهم بيجوا لكنه ما يخبرني ( بحجة اننا متخاصمين) ويتفاجأوا بأني متفاجأه بوصولهم واكون ما مستعده لاي شي ، حتى لبسي تعرفوا الوحده لما تكون ف بيتها تأخذ راحتها، والله احس بسكين ف قلبي، من اسلوبه، شي لا يصدق، ومره بس خبرّ الشغاله انه تسوي عشاء وقال لها ما تخبرني ولما دخلت المطبخ قلت لها ليش مسويه كذا قالت لان اهل بابا بيجون، ( تخيلوا)وآخرها اليومطبعا هو راح لأهله لمدينتهم اللي تبعد عن مدينتنا ب اكثر من ساعه ونص، وجلس عندهم والحين من شوي رجع واتفاجات انه جايب امه معه وانا ما اعرف، دخلت علي وانا بملابس البيت وحالتي حاله، حتى غرفة الضيوف رحت بسرعه ارتبها علشانها وهي مسكينه مستغربه اني ما اعرفيحطني في مواقف جدا جدا محرجه والله تعبتوحاليا مخاصمني ، والله انه طول الاجازه ما تفسحنا مكان انا واولادي مساكين مع انه مستوانا المادي كثير مرتاح ولله الحمدواولادي بس في البيت طول هالشهرينكيف اتصرفاروح بيت اهليانا ودي اتطلق منه بس مفكره في اولادي عندي ٥ اطفال ما شاء الله بس علشانهم متردده. ، ومرات اقول احسن نتطلق ويعيشوا ف جو احسن من كذا ، والله تعبت وانهلكت اريد رأيكم ؟ كيف اتصرف؟!
09-11-1438 هـ, 10:40 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
آسفه لان بعض الكلمات طلعوا الكلمات متشابكه ، اتمنى فهمتوا مشكلتي وارجوووكم دلوني ع الحل، والله اني افكر جديا في الطلاق من كرهي له وخايفه بس على اولادي
09-11-1438 هـ, 10:44 مساءً
 
اقسم انه صدع راسي اففف وش هالمريض هاذا جمل حقود اعوذا بالله ادعي ورب الكعبه سحر الدعاء والصدقه تصدقي ورددي اللهم ياوالي نعمتى وملاذي عند كربتي سخر لي زوجي كما سخرت الرياح لسليمان ولين قلبه كما لينت الحديد لداود واجعل غضبه بردا وسلاما على كما جعلت النار برد وسلاما على ابراهيم .....ورددي بيقين لاخول ولاقوة الابالله ....وخلاص لزعل خليه طنشيه لاتراضين انسيه وانتي حالتكم الماديه كويسه فيه اوبر او خليه يجيب سواق والمصروف يحوله تلقاءي بكذا وجوده زي عدمه لاتبينين انك محتاجه له والله الدعاء واحسني الظن بالله زوجكك حقود جمل بالعربي ماينساء
09-11-1438 هـ, 10:56 مساءً
 
اجلسي معاه وتكلمي بكل هالكلام الي قلتيه واخر شيظ قوليله الحل ؟ نتطلق ولا ايش رايك وشوفي رده اما اقولك اسكتي واصبري مارح يتغير شيء الا امكن تنهبلين لان فعلا تصرفاته لاتطاق لزوم تتفاهمي معاه وتوصلين لحل محد هنا رح ينفعك بشيء وهو الواضح ان ذا طبعه لانك تقولي له مواقف مع اخته وولد عمه لكن انتي غير معاه بنفس البيت ف انتي شوفي الوقت المناسب ولازم تكونين جديه وصارمه والله يكتبلك الي فيه الخير
09-11-1438 هـ, 11:00 مساءً
 
الله يفرج همك
مالك الا ادعاء هو سلاحك الوحيد
الله يكون في عونك
09-11-1438 هـ, 11:00 مساءً
 


الساعة الآن 09:51 .