واجبات الزوجه الثانيه اتجاه الزوجه الاول

هلا بنات طحت في ورطه بنات جاني واحد قروي يعني مره مختلف عني انا تربيه مدينه واعمل ماادري كيف فكر فيني وانا في ديره وهو في ديره ثانيه وماعندي نيه انقل لانه المكان الي انا فيه افضل وديرته سيئه من ناحيه الخدمات المهم اسمعوا المصيبه الثانيه على لسانه يقول ابي استر عليها يقصدني انا واعاملها زين واحطها في بيت قريب من الاولى
طيب انا وش استفيد في قربي من الاولى وبعدين انا ابي قريب من اهلي او العمل وفي مكان الي ساكنه فيه لانه يعتبر مكان نظيف اما الاماكن الي يقول عليها وسخه يعني تخيلوا موظفه ويحطني هناك وش استفيد
ريته على ذا بس يتكرم علي اشتغل بس من يوديني من يجيبني اذا انا من بيت اهلي اطلع الفجر بعد الصلاه بالضبط واوصل المدرسه متاخر وارجع من دوامي اذا مافي زحمه 1 ونص
وغير كذا قلت مالي علاقه بالاولى قالوا انه يقول مالك علاقه فيه بس لازم تسيرون على بعض واذا ولدت قهويها ونفسيها والغداء يوم عليك ويوم عليها يعني يوديني لها اتغدى ويجيبها عندي اليوم الثاني هي وعيالها نتغدى وكل وحده ساكنه في شقه ايجار
هذا ان صدق واستمر الايجار مو بكره يتحجج ويحطنا في بيت واحد وغير كذا انا اروح المولات وهي الاولى ماتعرف المولات تروح دايما لاسواق العاديه يوديني نفس اسواقها وتمشيتنا مع بعض اقصد الاولى والثانيه واكيد ماراح يكون عندي شغاله لما اجيب اولاد علشان العدل معقوله اطلع وحده ونص ولا اذا مناوبه 2 ونص واسوي لها غدى وبعدي انا مو فاضيه
هل هذا من الشرع بنات فرضا لو وافقت وحده على متزوج بيكون لها بيت لحالها ومالها دخل بالاولى لا خير ولا شر ولا يجيبهن عند بعض وبعدين وش دخلهم باسواق بعض ولا طلعاتهن ولا لبسهن ولا اكلهن خير هل هذا من الاسلام ؟
هل هناك واجبات من الزوجه الثانيه انجاه الاولى اخاف بكره تصير الغرفه مشتركه بدور ندخل وش ذا اعوذ بالله المشكله من الي حط براسه ذا الوضع ويقهر يقول بستر عليك واعاملك كويس يعني يتمنن بعد وفاضي لنا يبي يحطنا مع بعض ويقول بشوفك كيف تعاملينها!!!!