لي ٧ سنوات متزوجة
معروف عني احترم زوجي
اذا ناداني رحت له على طول
اقدم اشغاله قبل كل شيء
مااقول له لا .. ابدا
اساعده و اعطيه من مالي اذا كان عندي
في وجودة و عند اهله او اهلي او محارمة
ارد عليه باسلوب المحترمة المطيعة


زوجي شديد
مايحب المطاعم و التمشيات نهاااائي
لكن يوافق مرات عشاني


هو الآمر الناهي بحياتي
و أنا سم آمر
لكن اذا عجبني شيء و تمنيته و هو رافضه
اسويه يعني اسويه لكن بدون مايدري
اهم شيء عندي اريح رغبتي و قدامه سم آمر






المشكلة ان جماعتي مايروني شيء
يشوفوني ضعيفة شخصية
و ذليلة ماني ام لسانين




سمعت كثير ان الناس يقولون ان زوجها داق خشمها
و سالب حقها و لا عليه منها ... رغم ان حياتي عاجبتني


اللي قهرني :
اليوم عرفت ان جدتي ماتحبني .. لأني ضعيفة و زوجي داق خشمي ..


طيب لو اني لساني طويل و اطنشه و اسبه عند الحريم راح يحبوني ؟
ليه الناس تغيرت نظرتهم للحريم و اللي مثلي ضعيييييييييفة و العوبااااا ياحلوها
20-11-1438 هـ, 12:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ناقشوووووني
وش بنظركم ان الحرمة ضعيفة ؟
و من هي القوية ؟
و شنو الأسباب اللي خلتهم يشوفوني ضعيفة ؟
و هل ابين للناس اني اعاندة و اعيش حياتي مع زوجي كويس ؟
20-11-1438 هـ, 12:15 صباحاً
 
الضعف الزايد مو بحلو
سم وامر يستاهل اذا هو يعاملك بنفس الاسلوب سمي يام فلان وامري
واذا مبسوطه مع زوجك ومتفاهمين ماعليك من الناس
20-11-1438 هـ, 12:16 صباحاً
 
وانتي وش عليك من كلام خلق الله
الناس متكلمه فيك متكلمه فيك سواء كنت مطيعه والا لا
اذا الله عزوجل اتهموه بأنه ثالث ثلاث سبحانه منزه عما يصفون
اذا رسوله صلى الله عليه وسلم اتهموه بانه ساحر مجنون فمابالك نحن البشر اللي مانسوى شي
لو تكونين ملاك الناس لازم تعذرب فيك
طنشيهم وعيشي حياااتك اذا انخرب بيتك محد نافعك واول من بياكلك بالسنتهم الشمّاته هم
اهم شي ربّك ثم زوجك وعيالك اهم شي التوفيق انتبهي تتغير نظرتك لنفسك انتبهي تغيرين اسلوبك مع زوجك محد نافعك
20-11-1438 هـ, 12:16 صباحاً
 
ما عليك من الناس
انتي تبغي الاجر من الله وطاعة رسوله
قال الرسول : ((أيُّما امرأةٍ ماتت وزوجها عنها راضٍ دخلت الجنة)).
20-11-1438 هـ, 12:21 صباحاً
 


الساعة الآن 11:49 .