انا مره سمعت الشيف اللي في اطايب يقول طريقة الماجي
تسلقين الدجاجه مع مويه وملح وشوي بهارات المهم لما تنضج الدجاجه طلعيها وخلي مرقه الدجاج على ناار هاااااااادئه مده ساعتين او ثلاث لين تتصفى وتبقى ماده ثقيله ودسمه.. حطيها في مكعبات لحد ماتجمد.. واستعمليها
بس للامانه ماجربتها وماني متأكده من الطريقه
بس جربي وشوفي مايضر
15-01-1427 هـ, 06:47 صباحاً
 
صحيح كلام الاخوات عن الاجينو موتو لان كانت عندنا شغاله اندونسية وقبل كانت ممرضه في بلادها وكانت تنصحنا من الاجينو موتو وتقول انه مضر بالقلب والماجي
من زمان سامعين عنه وعن اضراره اتمنى للجميع الصحه والسلامه
15-01-1427 هـ, 01:35 مساءً
 
انا جربت ملح الليمون يعطى نكهه حلوه وغريبه للاكل

جربيها بس لاتكثرين منه
15-01-1427 هـ, 03:06 مساءً
 
انا كمان ما بستعمل الماجي ابداااااااااااااااااااااااااا
وعلى ذمة الراوي انه مصنع الماجي بطحن كل الاشياء اللي بنكبها من الدجاج
يعني الرجلين والجوانح والجلد وبضيفوا النكهه والبهارات
والله اعلم
انصحكم اخواتي بالمرق الطبيعي والبهارات
15-01-1427 هـ, 08:10 مساءً
 
مرق الدجاج ماجي ,, لا يوجد فيه و لا حته و لا فتفووووته لها صله بالدجاج

كل اللي فيه هو ماده تسمى أحادي جلوتاميك صوديوم و هي عباره عن ماده تدخل المخ و توهمه بوجود نكهة الدجاج ... و انا سبق و كتبت عن هالموضوع في موضوع عن مادة المونو صوديوم ..
اقتباس مشاركة
بنات نصيحه لوجه الله

لاااا تستخدمون هالماده لأنها خطيره جدا تأثيرها يكون على المخ مباشره

و أي منتج فيه هالماده لا تشترونه .. انا دارسه ماده تغذيه و الدكتوره حذرتنا منها

يعني مثلا بعض أنواع الشبس يكون بطعم الدجاج أو الكتشب أو البيتزا و غيره من النكهات الكثيره اللي تعرفونها .. هالأنواع ما يكون فيها بيتزا و لا بيحطولنا دجاجه أو .. أو .. أو.. كل ما في الأمر ان هالماده تدخل الجسم و تجري بالدم و تخترق أغشية المخ و توصل إلى مراكز التذوق عند الانسان و توهم المخ بنكهة ماده معينه غير موجوده أصلا في المنتج .. و هنا تكمن الخطورة .. لأنها تدخل المخ لأن مش أي ماده تقدر تخترق أغشية المخ .. بالتالي و مع الوقت راح تسبب أمراض خطيرة بالمخ والأعصاب .. الله يبعد عنا و عنكم هالامراض .. انا على شان جذي ما اخذ حق عيالي و بيتي أي منتج فيه هالماده { اللهم مكعبات الماجي لأني مو لاقيه لها بديل .. و قاعده أحاول أقلل منها قدر الامكان} على فكره هالماده موجوده بالنودلز بو دقيقتين .. لأن النكهات اللي فيه مش طبيعيه .. لذا أنصح الكل بالابتعاد عن أي منتج يحتوي على هالماده الخطيره .. و تنكتب على المنتجات بأكثر من طريقه منها ..

أحادي جلوتاميك الصوديوم
ام. اس . جي
MSG
Mono glotamic sudiom { ان شاء الله تكون الصيغه صح . لكن اذا مو صح فهي مقاربه }

و عموما حتى الحليب أو العصير لا تاخذون اللي مكتوب عليه نكهة كذا .. اخذو اللي مكتوب عليه "نكهة طبيعية" أو "حليب بالفراوله الطبيعيه" مثلا أو مكتوب "عصير طبيعي" المهم يكون طبيعي ..

و أرجوا من الكل نشر هذه المعلومات للإفاده .. و شكرا
و أتمنى لكم الاستفادة
17-01-1427 هـ, 07:49 مساءً
 


الساعة الآن 02:13 .