ام زوجي واخته ذبحوني

السلام عليكم الله يرضى عليكم يامشرفات اسألكم بالله لاتنقلون موضوعي انا صاحبة هالموضوع https://www.hawaaworld.com/showthread.php?t=4660808 قسم بالله تعبت تعبت ياناس اول شي انا تغيرت مع ام زوجي ميه وثمانين درجه صرت اعطيها بوجهها هي وبناتها لاتجي وحده ترد وهي ماتدري وين الله حاطها اقولكم خلاص صرت اعطيهم بوجههم الحياء والخجل ماينفع مع هالاشكال بس الوضع زاد سوء مره اول شي صرت ماارد على اتصالاتها اطنششش ولو رديت اعتذر منها اقولها بنتي تعبانه او مصخنه او نايمه تقولي عادي تخيلو؟ بس اكون حازمه واصمم على رأيي وارفض طلبها بس ماتتعب تتصل علي ثاني يوم هاتيها ارفض ثالث يوم تتصل هاتي البنت وحشتني وهنا عاد ارسلها البنت وش اسوي بعد كذا رفض المهم طلعتي الان بموال جديد صارت تنتقم مني لاني ارفض طلوع البنت لها باستمرار اذا وافقت مره ارفض مرتين وهكذا عشان بنتي تقعد اطول فتره ممكنه معي بس طلعتي بشغله جديده صارت يوم اللي تطلع بنتي لها تجلسها عندها 11 ساعه او 12 ساعه لين ابكي ولما اكلم زوجي يقولي امي ماراح تاكلها يعني قبل كانت تطلب بنتي يوميا يوميا الحين بسبب رفضي صارت تعوض عدم وجود بنتي يوميا عندها بأنها تطول عدد الساعات بنتي ياناس عمرها صار ثلاث شهور ووشوي تجلس بره البيت 11 او 12 ساعه! بنت بهالعمر مره دقت علي قالت طلعي البنت قلتلها بعصبيه مو الحين انتظري انا مشغوله وطعلتها الساعه 6 المغرب عشان يكون مافي مجال تجلس بنتي كثير عندها المهم جلست عند ام زوجي 8ساعات بس ام زوجي وخواته ماينهد حيلهم ثاني يوم دقت علي الظهر الساعه 2 قالت بناتي بيجون يطلعون البنت مشتاقه لها انا عرفت انها مقهوره عشان بنتي جلست عندها بس 8 ساعات وهي تبي 12 ساعه ولاماترتاح قلتلها تراني اشتاق لبنتي يوم تطلعلك قالت احمدي ربك انها تجلس عندك اكثر مننا!! رديت قلت طبيعي تراني امها !! سكتت ماردت وطلعت لها بنتي جلست من 2 الظهر لين 2 بالليل اتصلت عليها مليون مره هاتي بنتي مره تقول نايمه مره تقول تشرب حليب ومره زوجي يقول وش فيك امي وخواتي مو ماكلينها هذه الحين مشكلتي الاولى عدد الساعات الطويل جدا اللي تجلسها عندهم ومن كثر ما اعطيهم الكلام بوجيههم علاقتي توترت كثير مع ام زوجي وخواته مشكلتي الثاني وحده من خوات زوجي متسلطه على بنتي تسلط اليم ياناس ماتنزل بنتي من حضنها ابدااااااااااااااااااااااااااااااااااااا و طول مابنتي جالسه عندهم انا اطلع اطمن عليها شوي وارجع ماقد دخلت بيتهم الا واخت زوجي ذي مدخله وجه بنتي بصدرها تكلمت كم مره اقول لام زوجي فلانه لاتخرب بنتي علي وتتعود الشيل (( والحقيقه انا خايفه لاتتعود على ريحة اخت زوجي )) ماقد دخلت بيتهم الا وبنتي بحضنها تشربها الحليب بحضنها جالسه بحضنها تنومها بحضنها وياويلي لو جيتهم تعصب اخت زوجي وجهها يصير الله لايوريكم ولاقلت لها عطيني البنت شوي تعطيني اياها وتجلس تخزني بعيونها ومطيره عيونها علي دقايق وتقولي يالله هاتيها احيانا ارفض اقول لاخليها عندي تعبتني اخته ذي بالذات ياناس حاطه بنتي براسها ولما بنتي تبكي تركض بررررررررره الغرفه وانا اصرخ هاتيها هاتيها تقولي انا بسكتها تبي تسوي كنترول على بنتي اول ماتشوفها تبكي على طول تدخلها داخل صدرها وركض برررره الغرفه تعودها انو ماتسكت الا على يدها ولما بنتي تنعس على طول توديها غرفتها ماتنام الا على فراشها! كذا مره استعبط و اسالها ليه توديها غرفتك تقولي عشان تنام بهدوء وانا والله ادري تبي بنتي تتعود على ريحتها والله العظيم ماتنوم بنتي الا بسريرها اصلا مجرد ماطلعت من نفاسي ورجعت بيتي كذا مره ام زوجي لما تشوف بنتي تبكي تقول لاخوات زوجي احضنوها خلوها تشششششم ريحتكم !! ماتستحي على عمرها ربت 5 عيال ومناشبه زوجة ولدها على هالطفله اللي جات بعد سنين حرمان .. وهذه الاخت بالذات مدخله بنتي بصدرها طول الوقت ياناس بكل لحظه بنتي بحضنها تخيلو اول لما كنت ازورهم كانت هي اللي تفتحلي الباب الحين ولايوم فتحت الباب ماتبي تضيع ثااااانيه مع بنتي وفعلا ادخل عليهم بنتي بصدرها ومره من المرات امها قالتلها هاتي عصير واخت زوجي رافضه تقول انا ماسكه فلانه تقصد بنتي قامت ام زوجي الحت عليها تقوم يوم قامت اعطت بنتي لاخت زوجي الثانيه وقالتلها امسكيها الحين برجع ويوم جابت العصير من العجله تبي تلحق تمسك بنتي طاحت صينيه العصير وانكسرت كل الكاساااات !! وام زوجي مبسوطه تشجعها وتقول فلانه متعلقه بعمتها فلانه تموت بعمتها وانا قلبي ينعصر ومن الزعل اخذها من يدها واحضنها وتعالوا شوفو وجه اخت زوجي تخزززني كني خذيت بنتها .انا قلبي تقطع على بنتي ضاعت بين كذا حضن وحزينه على نفسي انا اللي حملت وتعبت بعد حرمان من الامومه وانا اللي تحملت مشقة الولاده ولأول مره اذوق طعم الامومه واخرتها غيري يناشبني فيها ام زوجي واخته الخبيثه هذه بالذات ذبحوووووني فيها لاتقولون اني ساكته لايبتليكم ربي ترى من كثر مااعطيهم بوجههم ومن كثر ما صرت جريئه ومناشبتهم خلاص علاقتنا صارت بالحضيض بعدما كنا سمن على عسل بس طز اذا الثمن خسارتي بنتي اول كانت يوميا عندهم الحين صار كل ثلاث اربع ايام وبعدما تدق الام وتطلب تحرجني لاني اردها كذا مره معليش يظل للجراه حدود اشتكيت لأمي واستغربت مره باختصار انا تعبت تعبت تعبت مو عارفه وش الحل مع هالناس واخته ذي بالذات انا حاقده عليها ماغير منومه بنتي بحضنها اجلس عندهم ساعه ساعتين حتى الحمام مايوم شفتها تدخل ماتتحرك من مكانها لوتموت مثبته بنتي بحضنها بالله اللي عندها كلمه طيبه وحــل تقوله لي وابي منكم طلب اخير تدعووون لي انهم يتركون بنتي لي ويرحموني جبتها بعد تاخير ابيها عزوتي وسندي انا محتاجه لبنتي اكثر مما هي محتاجتني