Analysis Services
السلام عليكم قررت اليوم اسوي موضوع مفتوح عن الرياضه ماني متاكده اذا فيه موضوع نفس الفكره لكن حبيت اطرحه

هنا تكتبين الرياضه الي نفعت معك او خبرتك باي رياضه عن فوائدها وسلبياتها تصحيح بعض الخرافات المنتشره عن الرياضه


بصراحه ودي ابدا بخرافه سمعت عنها كثير وهي الرياضه لاتصح للعذراء لانه يضر الغشاء هل انتم مع هذه الامر او ترونه كلام خاطئ
04-12-1438 هـ, 04:15 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الاسكوات جميييله صراحه ولاحظت فرق شد معها هي ورياضات البطن
04-12-1438 هـ, 04:26 صباحاً
 
بلعكس انا الرياضه تخليني ايجابيه وكل ماتضيق فيني اسوي رياضه اي شي لو امشي ساعه مادري بس احس اذا سويت رياضه تروح السلبيه اللي فيني وعندك اكثر من رياضه على حسب الجسم تسوي اللي تقدري عليها واهم شي اهم شي الاراده اذا عندك إراده حتقدري تستمري ويسر نمط في حياتك الرياضه وجزء من روتينك .
04-12-1438 هـ, 08:36 صباحاً
 
الرياضة نوعين كارديو. الي هي هوائية. وغير هوائية الي تبني العضلات طبعا الكارديو تبني العضلات لكن بنسبة اقل

اذا كان عندك وزن زايد او اقل من ١٨ سنة. صلحي كارديو مثلا مشي سريع رَكض رقص دراجة الخ. فيه لو امباكت وهاي امباكت
الامباكت المنخفض الي هو لو يكون مناسب للي توهم بادين رياضة واصحاب الوزن الثقيل و لايوذي المفاصل. السر في الوقت ١٠ دقايق افضل من لاشئ و٢٠ دقيقة افضل من ١٠ لكن افضل شي تصلحين اكثر من نصف ساعة طبعا لازم احتماء وتبريد. ممكن تصلحينها كل يوم او اكثر من مرة في اليوم. افضل نتيجة لما تصلحينها. ٥٠ دقيقة. متواصلة تحسين بالفرق بسرعة ( تجارب الي حولي).

الهاي امباكت فيه نط يحرق اكثر حركاته اسرع لكن مشكلته انه خطر على المفاصل وغير مناسب لاصحاب الوزن الثقيل الأفضل انه بعد الاستمرار في اللو امباكت لفترة وتغير الجسم وتعوده على الرياضة ننتقل للهاي امباكت وبنطبق عليه نفس ماينطبق على الاول من تسخين واحماء وصعب جدا تستمرين فيه وقت طويل بحاول ارجع وأتكلم عن النوع الثاني
وطبعا خرافة الي تكلمتي عنها خرافة ههههه
فيه مشكلة في الرياضة هو الرياضة ووضعك غلط ظهرك مايل وقفتك غلط تنفس غير عميق تركزين على جهة وتتجاهلينالجهة الثانية هذي كلها لها أضرار
04-12-1438 هـ, 02:30 مساءً
 
النوع الثاني هو بناء العضلات ومايصلح تصلحينه كل يوم لنفس العضلة. لازم يوم راحة مثلا تصلحين الجسم كامل. وترتاحين يوم وتصلحين الي بعده او تصلحين يوم جزء علوي وبعده سفلي وهكذا. ناس تقول البطن لازم كل يوم.
ولما تمرنين عضلة لازم تمرنين المقابلة لها مثلا صلحتي بطن لازم تصلحين ظهر. يفضّل ماتصلحين عشوائيا دوري جدول من مختص او فيديو واتبعيه. لازم احماء اذا انتي نحيفة يعطيك شكل حلو واذا سمينة العضلات تساعدك على النحف على المدى الطويل.
الخرافة ان الأنثى اذا صلحت التمارين هذي تعضل نفس الرجال
الحقيقة. ابدا المفروض تستخدمين اثقال خفيفة. وماتطلع لك عضلات نفس الرجال لانها تحتاج هرمونات معينة
05-12-1438 هـ, 01:39 صباحاً
 


الساعة الآن 03:46 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏