شغالتي والسهر !!

السلام عليكم
موضوعي واضح من العنوان انا عندي شغاله فلبينيه مره كويسه ومتفانيه بشغلها الحمدلله لكني ملاحظه عليها من فتره انها مفهيه وماتركز من الارهاق يعني الكلام اعيده لها ويالله تفهمه والشغل الي اقولها تسويه ماتسويه بسرعه من التعب وهكذا
انا وزوجي جلسنا نتناقش فيها قلت شكلها تسهر ماتنام الليل اذا طلعت غرفتها مع اني اخليها تنام كفايتها ومرنه معها في موضوع النوم بحكم ان عندي اطفال صغار وتساعدني فيهم مع شغل البيت وكذا
وفعلا طلعت فوق الساعه ٥ الفجر الا القاها متكيه سهرانه ع جوالها وهي رايحه من عندي ١٢
قلت وش تسوين قالت اكلم زوجي قلت لها نامي
المهم وش اسوي معها الحين انا ارحمها لانها متغربه وام وتتعب معي ومع عيالي لكن سهرها ذا مو في مصلحتي ومصلحتها لانها طفشتني بالفهاوه حقتها وعدم التركيز ،؟؟
شورو علي كيف اتفاهم معها واحط النقط ع الحروف