قصة بنت اختي ( والله راح تستفيدون )

السلام عليكم
كل عام وانتم بخير
مالي بالمقدمات بس ب احكي لكم عن بنت اختي عمرها 17 داخله في 18 ... رايحه ل ثالث ثانوي
ابيكم تستفيدون من القصه كيف ان الله اذا قربتي منه يغير حياتك


نبذه عنها :
يتيمه توفى ابوها وهي عمرها 9 سنوات
عانت في حياتها كثير سبحان الله يا بنات اول مشاكلها تقول من يوم وانا صغيره وانا ما احد يحبني ما عندها صديقات و البنات يتأمرون عليها بالمدرسه اتهموها بالسرقه و ضربوها و المديره والمعلمات اهانوها اهانه مو طبيعيه وكل مصيبه تنحط فوق راسها
قالها ربي ( فأما اليتيم فلا تقهر )
تقول اقرا الناس من عيونهم ... يكرهوني لاني مو حلوه ؟؟؟
البنات في المدرسه يرمونها باابشع الالقاب
العام اللي راح ... دخلت بحالة اكتئاب حاد و راحت لطبيب نفسي وصلت فيها انها بتنتحر
زود على ان صديقتها الوحيده تركتها
زرتها بالبيت طريحة فراش
ترجف
ريقها ناشف
عيونها منفخه من البكي
كل شي يدخل بطنها تستفرغه
وكل هذا من وقاحة البنات بالمدرسه معها تعبت نفسيا


الطبيب النفسي قال اشتروا لها كتب تقوي علاقتها مع الله لان ايمانها ضعيف و فعلا ما تصلي نهائي وفي رمضان فرض تصلي وفرض لا ولا تصووم القضا
من الصدف اني كنت مشتريه من معرض الكتاب شهر 5 كتاب لأنك الله ( للاسف اني ما تعمقت فيه ولا فتحته لان الشغل ماخذ وقتي ) اعطيتها الكتاب شهر 7 في الاجازه
تقول لي تصدقي اني ختمت الكتاب في يوم تحلف انه كتاب غير علاقتها مع الله كثير
و زود على نصايح الدكتور
اللي قال صلي صلاة توبه و ابدائي علاقتك مع ربك من جديد
و الحمد لله كان فضله عليها كبير
بعد ما انتهت الدورة بيوم
سوى لها جدول تصلي مية فرض
في اليوم خمس صلوات
بعد عشرين يوم تكون انهت الجدول
ليش لان الانسان اذا اخذ عاده واستمر عليها 21 يوم ما يتركها
و نصحها انها بدال البكي تفرش سجادتها في الوتر ركعتين و تقول كل شي بخاطرها
المهم
بدأت الاجازه
ومن يوم ما خلصت امتحان يوم الاربعاء 28-8 حتى يوم عرفه 9-12 ( مية يوم تماما )
الدكتور عطاها جدول منسق متعوب عليه
اللي هو الصلاة بوقتها مع السنن الرواتب مع النوافل اللي هي صلاة الاشراق و اربع قبل الضهر واربع قبل العصر و صلاة الوتر والضحى
اهم شي الخشوع ... الدعاء بين الاذان و الاقامه و في السجود .... وفي الوتر و كل مواطن الدعاء
الصدقه و الصيام ( اثنين وخميس والايام البيض ) و القضى و الست وصامت تسع الحجه
كل يوم تقرا ثلاث اجزاء من القرانن في كل عشر تختم بعد المية يوم ختمت عشر مرات
في الصباح ورد تسبيح الف مره
بعده الصلاة الابراهيمية الف مره
و لا حول ولا قوة الا بالله الف
حسبي الله ونعم الوكيل الف
بعد المية .... تكمل المية الف خصوصا الصلاة على الصلاة على الرسول
الصلاة الواحده بعشر حسنات وتمحو عشر سيئات و ترفعك عشر درجات و غيره و غيره
بعد ما توصل هالعدد يتضاعف الاجر ل مليوووووووووووووون
و في الوتر استغفار ... طريقة الاستغفار .. مبدأ الانسان محاسب على افعاله من سن البلوغ .... كانت في المية يوم كلها تستغفر على عدد الايام يوميا
مثلا احسبيها كم سنه وكم شهر .... صار لك كم يوم من بلغتي وانتي محاسبه على افعالك ... مثلا هي طلع لها الفين يوم كانت تستغفر بهذا العدد يوميا و اكثر ... ياخذ منها ساعه فقط و بعد مية يوم تكون استغفرت عن كل يوم مية مره
و الساعه اللي بعدها تردد دعاء ذي النون الف مره
المهم
يوم عرفه ختمت الختمه الاخيره


لكم ان تتخيلوا ايش تغير فيها
نفسيتها تغيرت
صار لها قبول عند الناس و تحسنت علاقتها حتى معاي
احلوت و طالت تقول كنت اشرب موية زمزم بنية الطول بعد ما اقرا عليه القران يوميا و اشربه عند الافطار لو كنت صايمه او في الوتر كان طولها 150 صارت 161 فجعتني يوم عيد الفطر يوم البنت صارت طول امها
وكل نهاية شهر اقابلها طولانه اكثر و اكثر
و صارت لها اشياء حلوه كثير
و انخطبت الحين لواحد مبتعث و عرسها بعد ما تخلص ثالث ثانوي و تدرس معه في امريكا لكن لسا ما كتبت كتاب
تقول لكم : كانت من اول متوسط تتعب من الضيقه و تعسر الامور و تقرا قصص البنات مع البقره و غيره
كانت تبدا لكن ما تكمل
تتوقع الاسباب لانها ما تصلي و ما عندها ذاك اليقين القوي
لكن تقول الغتره اللي مرت فيها غيرت الف مره
من ناحية صحاها على حالها و قال لها بالحرف الواحد ( ربما لانك ما تأدي الصله مع ربك في الصلاة ابتلاك بعسر العيش و كره الناس ومن عقوبة تارك الصلاة تمقته الخلائق )
ومن ناحية الكتب اللي قراتها حمستها على الدعاء من ضمنها كتاب لانك الله
و لما راحت عمره في شهر 7 ... تقول سمعت القران في صلاة الفجر كأني اول مره استوعب معنى ايه في سورة ق
تقول رجعت الفندق قراتها كثير و اتأمل اياتها صحتني الف مره
تقول كنت قبل اقرا القران بس علشان تحقيق حاجاتي مثل اللي تحط تجربتها في شي و تطبقه لكن تقول مافي لذه مافي شي يدفعها تكمل ما يتحقق لها ولا شي
عرفت الاسباب اللي تنصحكم لا تسوونها الا وهي انك تسوي حاجه علشان حاجه مثلا استغفر علشان تجيني الحاجه هذيك وما تستوعب ان هذا الاستغفار اعتذار لله على فعل حجب الرزق
( لا تسوين العبادات علشان الحاجات و تنسين ربك )
اولا واخيرا قرري تحسين العلاقه مع الله وحده وانسي بما فيها
واليقين اذا قويتيه في قلبك و قراتي ايات القدره الربانيه وكررتيها بذهنك تتبدد المستحيلات في راسك و تدعي و انتي موقنه الاجابه
الشي اللي تحسي فيه وقت الدعاء هو اللي حيصير لان هالشي هو ضنك بربك ... قال الله تعالى في حديثه القدسي انا عند ضن عبدي بي
وعلى نياتكم ترزقون
الشي اللي تدعين فيه وانتي واثقه وحاسه ان ربي بيجيبه لك في الساعه المعينه حيجيك قبلها
مثال صديقتي انا قرات البقره اربعين يوم بنية انها تنخطب بس ما كانت تدعي باتمام الامر
تقول نفسسسس اللي بذهني صااار بعدها بيومين
الله ما يخيب ضنك فيه لو ايش ما كان
الاكتئاب خلاها تكره كل شي و الدنيا في عينها صارت تافهه بمعنى الكلمه
و شكرا تعبت وانا اكتب