Analysis Services
السلام عليكم نزلت الاكله لعيون احاسيس عطر وعدتها مره انزلها هي اكله شعبيه يمنيه
المقادير
جريش . دقيق بر . لحم . بصل . طماطتين . حلقه(بوريكم شكلها بالردود . 10~15 تمر هندي . شوي كزبره . فصين ثوم . 3 قرون فلفل حار . نص ملعقه صلصه . نص ملعقه فلفل حار . ملعقة دقيق ابيض .
الهريش والمرق الحامض
الطريقه
تقطعي البصل للضغاط وتحطي اللحم وملح وبهارات متنوعه وتقلبي مع البصل وتغطي وتجي بعدين تقلبي اللحمه وبعد كذه اضغطيها وخليها ع جنب
انقعي التمر الهندي بمويه حاره وخليه ع جنب
كمان انقعي الحلقه بمويه حاره برويكم شكلها بالردود عندنا اسمها حلقه ما اعرف عندكم أيش اسمها
نحط بالخلاط طماطتين الحلقه الي نقعناها وشوي كزبرة وقرون الفلفل الحار ونص ملعقه صلصه . وفصين ثوم ونص ملعقه فلفل أحمر وشوي ماء واخلطيهم وخليهم ع جنب
خذي نص المرق وحطي له الي خلطتيه بالخلاط وحطي له التمر الهندي مع الماء المنقوع فيه التمر الهندي وجيبي ملعقه دقيق ابيض وذوبيها بشوي ماء وصبيها للمرق وتولعي تحته وخليه يتسبك نص ساعه الين يثقل يعني المرق تصبي له التمر الهندي المنقوع مع المويه المنقوعه وخليط الخلاط والملعقه الدقيق المذوبه بماء وتخليهم يتسبكوا نص ساعه . وتضيفي للمرق ثلاث قطع لحم لازم يثقل وتكوني قد سلقتي الجريش تغرفيه لطاسه وتسوي فيه حفره وتصبي له المرق الحامض مع قطعتين لحم او ثلاث

العصيد والمرق الحامض
العصيد سويته اليوم لكن الجريش قبل العيد
بشرح لكم طريقه العصيد تجهزي دقيق بر مخلوط مع دقيق ذره شاميه صفراء وممكن تخلطيه مع دخن
انا ماكان معي الا دقيق بر تجيبي قدر تولعي تحته وع طول تحطي دقيق البر ع مراحل وتضيفي الملح وتقلبي بسرعه بمشبك الكيك اليدوي انتبهوا الدقيق يتكتل كلما تضيفي دقيق حركي بالمشبك بسرعه حتلاحظيه يبدا يسوي فقاعات استمري بالاضافه وقلبي لما يصير ثقيل زياده جيبي العصا الخشبيه وابداي قلبي بعد كذه ضيفي شوي مويه رشه بسيطه وغطيه وتجي كل شوي تقلبي العصيد بالعصا وتضيفي رشه ماء
بعد كذه حطيه بطاسه او فخار واعملي حفره وصبي المرق الحامض مع اللحم
طبعا الي ماتعرف العصيد لازم تشوف طريقته يوتيوب لأن يمكن شرحي ماتفهمه
18-12-1438 هـ, 02:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هذا شكل الحلقه وهذه كميتها تنقعيها بمويه حاره ما اعرف هل هذا موجود هنا بالسعوديه لأن اهلي يرسلوه لي
إذا مو موجود ممكن تستغنوا عنه
18-12-1438 هـ, 02:09 مساءً
 
هذه كميه التمر الهندي
18-12-1438 هـ, 02:15 مساءً
 
إلي عندها بسباس عدني ممكن تضيفه لخليط الخلاط بعدما تنقعه والي ماعندها تكتفي بنص ملعقه فلفل حار
18-12-1438 هـ, 07:13 مساءً
 
ياااااعيني ماشاء الله شكلها لذييييذ😍😍😍😍😍😍😍
تسلم يدينك ام عبود 💐
18-12-1438 هـ, 08:14 مساءً
 


الساعة الآن 12:08 .