السلام عليكم.
بعرض لكم مشكلتي من طقطق لسلام عليكم ....
انا بنت تزوجت في بداية امري رجل ظااااااالم بكل ماتعنيه الكلمه.حرمان من كل شيء حتى حقي الشرعي ...
يبيني خادمه له ولعياله وصبرت واحتسبت الاجر.
لكن بعد خمس سنوات طفح كيلي وكنت اتمنى احمل ولكنه كان يرفض الجماه ويلجأ للعادة السريه وعذرا ع الشفافيه..تعبت منه ومن عياله السته وقرفت كل شي وتعقدت من حياتي ووضعي برغم من اني وقت زواجي صغيره وحلووة بس هو غشنا غشنا...
اللي حصل انفصلنا بعد رفض منه طويل...
تقدم لي رجل مطلق معاه ابناء بس قال لنا ان الاطفال مع امهم وبصراحه حطيت شرط العيال مايدخلون علي الا بشوري لاني نكلت نكلت من بعد تجربة شيبت بي.
المهم هو وافق ووقع وتم الزواج.
ماانكر والله الرجال خلوووووق ومحترم وكل حقوقي توصلني كامله مكمله.قاالي يافلانه بجيب عيالي بس ليله اشوفهم وينامون وارجعهم.انا وافقت وقابلت الابناء الاربعه بكل حب.اكبرهم ثالث ثانوي واصغرهم رابع.
حبيت وعاملتهم باحترام بما يرضي الله.وراحوا.
وتموا كل فترة على هالحال الى ان زاروني مره وهم يبكون وان امهم طردتهم ومعهم شناطهم.
قالي زوجي والله مادخلهم اذا انتي مو راضيه وبحجز لهم فندق.
ماقدرت ارد طيبه معي بلؤم ودخلتهم واكرمتهم وان طبخت مااكل قبلهم وعاملتهم وبيني رب العباد شاهد بما يرضيه.
اخر الامر قالوا بنرجع لامنا تبينا.
سلمت عليهم وودعتهم..للعلم جلسوا ثلاث شهور كل الاجازه.
يوم راحوا ارسلوا لي يضحكون عني وانهم مصوريني ومصورين ملابسي الداخليه ومصورين بيتي ومرسلين صوري لامهم.
انا مااهتميت الا لصوري وريت زوجي الرسايل وعصب ودق عليهم ودق على اخو طليقته وعرفنا انها خطه منهم.
حلف لي زوجي ان العيال ماعاد يفوتون علي واغلظ اليمين.
ولكن صار يحن علي كل فترة اقبل بس بابنه الصغير اللي برابع...ووافقت وصار ياخذه بسفرنا واي شاليه ياخذه مع العلم ان امه وراثه من ابوها اثنين مليون وعايشه ومتزوجه مسيار.
وزوجي مو مقصر بعياله كل شهر اربع الاف من غير الشغاله والسايق والكهرب وفواتير لاتعد ولا تحصى وقلت كيفه بينه وبين عياله.
ارجع لموضوعي....
صار لما يجيب ولده الصغير اتضاااااااااااايق واسكت بس يبان على وجهي.
من يجيبه اكتم واسكت ولا كلمه.
اقوم بلي علي بصمت ....
وانا بديره بعيد عن اهلي وانا مو صاحبة مسايير وقهاوي من بيتي وردي.
وكتب لي ربي حمل من فضله.
وصار يجيب ولده حتى بعد ماحملت وصارت نفسيتي زفت الزفت.
ساكته ولا اعارض بس واضح ع وجهي وزوجي يحاول يداريني بس خلاص قلبي انكوى من حركتهم السابقه.
المشكلة كل ماقلت لوحده من خواتي قالت انتي حاطه شرط قولي ماابي عيالك.وانا والله مستحيل ارد طيبه واحسانه بلؤم..
اعطوني حلول ...
بقولكم شوي عن ولده...
اذا طبخت شي قال وع برغم ان طبخي لذييذ.
اذا شاف زوجي يضحك معي يقول حتى انا اضحك معي مو بس هي برغم ان زوجي قلللللليل يحاول يضحك معي قدامه.
الولد مايعجبه اي اكل واذا شاف على ابوه شي يحن عليه الا بيعرف وشو.
وفوق كل هذا ومشكلتي الكبيره انه يبوووول اعزكم الله عحاله وهوونايم وللعلم تراه ينام معنا عةالارض يقول يخاف لحاله وقاله ابوه نام مع الشغاله يرفض.
الولد يجلس اسبوع بس يجي بكثره.يعني كل ويكند لو خميس وجمعه يدق من جوال اخوانه وينشب لزوجي الا تجي الا تجي ويسوي سوايا اذا ماجاء...وامه مو كبيره عمرها بنص الثلاثين اكبر مني بسنتين وتسلطه علينا بالاجازات لاننها ماتبي تجلس في بيتها وتقابله
جد انا تعبت ونفسيتي تعبت زياده مع الحمل...
شوروا علي واعذروني...
21-12-1438 هـ, 01:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
برايي قوليلة ان خلق الوحدة يضيق بالحمل وجمعي حركات الولد قوليلة يسوي ويسوي وعلى الاقل بس فترة الحمل يبعدة عنك انك مو ناقصة..وبعد الولادة ذكرية انك كنتي متشرطة علية عيالو مايجوك وقوليلة اقلها بالعطلات والاجازات .خير مع الغثة ..لو مرة ماطاوعك قلبك حدديلة ايام يوم بالاسبوع بس يجيكم او كم يوم بالشهر ..الله يصبرك
21-12-1438 هـ, 02:12 صباحاً
 
ماشاء الله عليك الله يوفقك
مالك الا الصبر
الصبر الصبر وانا اختك
تحملي يعيينك الله
الله يعينه زوجك صراحه شهم انتي زوجته وهذا ولده
اللحين جت المدارس الحمدلله بيخف عليك شي كثير ان شاء الله
الله يتم حملك ويفرح نظرتك
21-12-1438 هـ, 02:32 صباحاً
 
الولد باقي صغير مره كيف تفكري بذي الطريقه مادري لو ولدك وقدر الله عليك وتوفيتي وتربى عند زوجة اب ترضين تعامله كذا وحاطه دوبها ودوبه
بقولك شي هو في النهايه طفل وامانه حتسالي عنها امام الله الدنيا دواره ولو كنتي شارطه انه مايدخل قبلتي بعدين لانه شرطك مستحيل والعجيب انه اب يقبل بيه الله يهديكي خففي الغيره هذا ابوهم هم قطعه من قلبه
والرجال بين نارين معاكي باقي ماولدتي لو ولدتي ماعاد بتتحملين عيال زوجك خير شر
ماتحملي اطفال زوجك ليه تاخذين ابو عيال كان اخذتي مطلق بدون عيال او اعزب
انتبهي لان زوجة الاب ماتشعر الا وهي امام جريمه بسبب الغيره وهذا من واقع شفته في عملي
وتذكرين قصة احمد الغامدي الله يرحمه وغيره الاف مولفه الامورتبدا صغيره وتكبر
21-12-1438 هـ, 02:40 صباحاً
 
اقتباس مشاركة  (سوبر حياه)
الولد باقي صغير مره كيف تفكري بذي الطريقه مادري لو ولدك وقدر الله عليك وتوفيتي وتربى عند زوجة اب ترضين تعامله كذا وحاطه دوبها ودوبه
بقولك شي هو في النهايه طفل وامانه حتسالي عنها امام الله الدنيا دواره ولو كنتي شارطه انه مايدخل قبلتي بعدين لانه شرطك مستحيل والعجيب انه اب يقبل بيه الله يهديكي خففي الغيره هذا ابوهم هم قطعه من قلبه
والرجال بين نارين معاكي باقي ماولدتي لو ولدتي ماعاد بتتحملين عيال زوجك خير شر
ماتحملي اطفال زوجك ليه تاخذين ابو عيال كان اخذتي مطلق بدون عيال او اعزب
انتبهي لان زوجة الاب ماتشعر الا وهي امام جريمه بسبب الغيره وهذا من واقع شفته في عملي
وتذكرين قصة احمد الغامدي الله يرحمه وغيره الاف مولفه الامورتبدا صغيره وتكبر
اولا امه مو ميته وكل يوم بتركيا واسبانيا ومدشره ولدها.وش غيرته من بزر؟؟؟؟؟
21-12-1438 هـ, 02:42 صباحاً
 


الساعة الآن 09:17 .