السلام عليكم ورحمة الله
سبق وكتبت مواضيع كثيره عن زوجي عن اخلاقه وكلامه وسبه لابوي ومعاناتي معه طول 13 سنه واكثر عجزت فيه يتعدل والمصيبه محد واقف معي كل اهلي واقفين فصف زوجي ومن سابع المستحيلات يسمحو لي اتطلق او حتى اخلعه المهم زوجي يختلق المشكله من لا شيئ كذا لانه يكرهني يحب يمشكلني ويضربني وانا مالي الا الصبر لان جميع الابواب تسكرت فوجهي الا باب الرحمن الرحيم والحمدلله مؤمنه بأن الله يسمع دعائي وقادر يخلصني من زوجي وينصرني على من ظلمني
قبل يومين جا يتكلم علي ويتهمني اتهامات باطله وانا سكت لاني عارفه الكلام معه ضايع ومهما اقول يشوف انه هو الصح ونا الغلط ومستحيل يعترف بغلطه ولما شافني ماردات عليه قام ضربني قدام عيالي لدرجة ولدي يقول لي يمه روحي لأهلك وارتاحي من العذاب ولا تخافي علينا وقال لي انه يكره ابوه قلت له ابوك مايصير تكرهه مهما يسوي وانا وهو مشاكلنا بينا ما لكم دخل فيها وهو يحبكم ونتم لازم تحبونه تخيلوا زوجي اتهمني اني احرض ولدي عليه المهم انا قررت ما اتكلم معه نهائي اقوم بواجباته كامله لكن ما اتكلم معه لان مثل ماقلت لكم الكلام معه ضايع وغير كذا حتى لو اتكلم معاه كلام عادي وسوالف عاديه يجرحني بكلام مثل السم ويتريق علي
ماعندي غير هالحل لين يفرجها ربي وش رايكم فقراري
21-12-1438 هـ, 09:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يفرج همك طيب ماحاولتي تطلبينه انه يسمعك وتقولي اللي تبغينه بهدوء عالاقل يتركك بحالك
21-12-1438 هـ, 09:38 مساءً
 
اقتباس مشاركة  (رشفة قهوة)
الله يفرج همك طيب ماحاولتي تطلبينه انه يسمعك وتقولي اللي تبغينه بهدوء عالاقل يتركك بحالك
اامين ياقلبي
حاولت فيه بالطيب ومدحته وماخليت صفه حلوه ماقلتها فيه بس هو راسه يابس تعرفي هو من الناس اللي يعتبر الزوجه جاريه حق الطبخ والفراش والاولاد فقط المرأه عنده مالها كلمه
21-12-1438 هـ, 09:43 مساءً
 
كيف اهلك يصفون معه وهو يضربك ؟؟؟؟؟؟؟؟
روحي لاهلك كم يوم عشان يحس ان وراك احد .. انتي شكلك تقولين اهلي صافين معك وهم ضدي لحد ماصار يمد يده ويسبك ويقول بنفسه ماعندها ظهر هالحرمه
انا مااقولك اطلبي الطلاق لااااا روحي عند اهلك لحد مايجي ويتعذر
اصبري حتى لو اهلك مو كفوووو عندهم ومصيره يجي
واصصصصصصصصصصصصصصصصحى تقولين له ان اهلي طفشوا مني ولا ضايقوني بالعكس امدحي بأهلك قدامه يوم جلستي عندهم وانك ارتحتي من كلامك اللى يسد النفس واصحى وانام ع راحتي مافي احد يضايقني ولا بزر اجري وراه
........
21-12-1438 هـ, 09:53 مساءً
 
لا حبيبتي الا كنت اقول العكس كنت اقول له اهلي عزوتي واقوله ابوي مارح يرضى عاللي تسويه فيني وكان يخاف ومره ضربني ورحت عند اهلي تخيلي ابوي طردني وقال لي انتي كذاااابه زوجك مافيه منه واخوي اخذ شنطة ملابسي وحطها فسيارة زوجي يعني طرده محترمه 😎 من غير ما اقول له اي شي هو شاف بعينه كيف اهانوني وطردوني ووقفو معاه
21-12-1438 هـ, 10:03 مساءً
 


الساعة الآن 09:17 .