سلام عليكم
بنات ابغى تجيبون لي حل انا انسانه طيبه جدا ماحب اجرح احد ابدا حتى لو اساء لي
مشكلتي انه ماعرف اخذ حقي من احد حتى لو من والديني من يوم انا صغيره كذا زواجي الاول انظلمت كثير وانجرحت من اهل زوجي ومن طليقي ماعرف اخذ حقي ولا حتى ادافع عن نفسي كل شي عندي ازمه وتعدي رغم كثر الاساءات لي والله تعبت كثير وادعي ع قلبي الطيب الضعيف الف مره لانه سبب لي كل هالتعاسه حتى زواجي الثاني صح تزوجنا عن حب وارتاح لي انا ريحته من جميع الجوانب حتى يقول والله من بعد ماعرفتك اشوف كل الحريم ولا شي وباين انه مرتاحالحمدلله
لكن انا ل نفسي لها حق علي ابغى ارتاح ليش مريحه الناس ع حسب تعاستي والله ياما تنازلت عن اشياء واجد عشان اريحه وهو لا مستحيل يتنازل عن شي من حقوقه
والله حتى علاقتي باهله انا اسوي لهم الاكل تخيلوا والله انا صرت طباخه لهم عشان يحبون اكلي واحبهم بس احسهم مستنقصيني ما ارتحت ولا ريحني لو انا رجال والقى حرمه مثلي والله لاعيشها احلى عيشه بصراحه لان والله اشتري راحته ع حسب تعاستي حتى اخواته الصغار يزعجوني ازعاج مو طبيعي عندي بغرفة النوم ويلعبون باغراضي ومكياجاتي والله مستحيل مستحيل اقدر اقولهم لا او اخاصمهم لاني احبهم وهم كمان يحبوني مرره الصغار ومابغى اجرحهم او اعطيهم فكره سيئه عني فسروا لي حالتي ذي وشهي طيبه زايده او ضعف شخصيه او تضحيه مني انا اشوفها تضحيه والله بقدر اسوي الف سالفه لكن كرامتي ماتسمح لي ابد ابد ردو تكفون
22-12-1438 هـ, 01:19 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شخصيتك معطاءه وعاطفيه الله يوفقك اعرف وحده مثلك حبيبة جدا وتضحي علشان غيرها
22-12-1438 هـ, 01:26 صباحاً
 
وعليكم السلام
انتي قلتيها نفسك لها حق عليك
المفروض تكون تجربتك الاولى درس لك ماتعيدين الغلط اذا مشيتي بنفس الطريق ب تطلعين بنفس النتيجه مارح يتغير شي
22-12-1438 هـ, 01:41 صباحاً
 
رفع
22-12-1438 هـ, 01:49 صباحاً
 
ملاك من السماء ماشاء الله
22-12-1438 هـ, 01:51 صباحاً
 


الساعة الآن 02:00 .