Analysis Services
بقول موضوعي باختصار و الله على ما اقول شهيد عندي اخ وجوده اسوا من عدمه كل اللي يسويه بالبيت يكسر اثاث البيت يعصب و بس و اصلا ما يتكلم معانا مقاطعنا من زماااااان و ما اذكر ليش كنت طفلة المهم انه قبل ٣ سنين كان بمدينة باخر سنة جامعة تعرفت عليه وحدة بنت حرام من الجامعةو على ما يبدو حبها و هي مسوية انها تحبه المهم اتصل علي و هو اصلا ما يكلمني قالي انا خطبت و هذا رقم البنت تعرفي عليها انا باركت له قلت يمكن اكسبه المهم و خبر امي و ابوي ترى البنت قالت له تعال بيتنا تعرف على اهلي و هو راح البيت عازمينه عشاء مادري غداء على طول طلعو اشاعة انه خطبها و هو استحى منهم دخل بيتهم وش يقولون الناس فصار يقول ايه خطبتها على فكرة الخطوبة غير عن كتب الكتاب مافي عقد مجرد خطوبة المهم نحن سافرنا لمدبنته بنتعرف على البنت و عيلتها اصحابه جلسو مع عمي و قالو له هاذي البنت ما تصلح لولدكم سمعتها منتهبة و قد انفصلت من جامعة بمدينة ثانية بتهمة مخدرات و هي تتعاطى و تطلع مع شباب و لها صور مو زينة مع شباب امي يوم عرفت قالت لا لا لا مافي خطوبة و لا شي بس اهل ذيك المنطقة معروفين بالسحر امي قالت نروح نتعرف عليهم عشان لا يسوون شي لولدي و لا تاكلو شي من عندهم نروح نعطيهم هداياهم و بس و هاذي هلى اساس انها حفلة خطوبة يوم رحنا امي قالت لهم من عاداتنا الولد ما يدش عند الحريم بنتي تلبسها الدبلة هي ما تبغى اخوي يحضر الخطوبة اصلا اعمام البنت زعلو و امها تضايقت المهم انا جيت ابي اعطيها الهدايا و مادري ايش قامت تنافخ و تقول ما ابي في وجهي عاد انا وايد استانست من الحركة قلت الحين لقيت لنا مخرج نسوي زعلانيين و نطلع و فعلا اخذنا بعضنا و رحنا و امي قالت لاخوي ما احترمونا و مادري ايش ما نناسب هالاشكال و كذا ما تبغى تقول له انا مو موافقة ع البنت لان اخوي ميت عليها و يبي يتزوجها باي طريقة المهم رجعنا و اخوس يرسل لابوي ابي اتزوجها يعني ابي اتزوجها غصبا عليكم ما حصل تجاوب من ابوي راح رسل رسالة يدعي فيها على ابوي يقوله يالشيبة متى تموت و تفكنا ابوي ما استجاب له راح رسل رسالة ثانية يقول ترى و الله اعلم امي على هذيك البنت اللي بحياتك لو ما زوجتني و هو كله كذب يتهم ابوي بكلام فاضي صار يتكلم مثل المجنون امي تقول اكيد سحرته بنت الحرام ولدي ضاع مني المهم السالفة لها وقت طويل ٣ سنوات بس من يومها و هو لا يتكلم معنا و يكسر بالبيت و معيشني جو رعب اتفاداه ع قد ما اقدر بس مليت لين متى و انا عايشة بهالخوف و القرف و الكبت ترى امي و ابوي مو معي انا بمدينة جدتي اسكن عندها بشقة انا و اخواني الاثنين و كل واحد اخس من الثاني و لا لهم اي فائدة و بس مليت من الوضع عيونه تتطاير منها الشرر و بس وده لو يذبحني و حاقد علي و انا ما سويت شي و نشغل قران مافي تغيير و الحمد لله ترى نقلت عشان الجامعة مو مرتاحة بالعيشة معه و ما ابي اتزوج و ما اعرف لي حل انا ما يشرفني اصلا اقول كلمة اخوي الله ياخذهم و يربحني منهم اتمنى لو يسافرو مكان بعيد و لا يرجعوما ابيح و لا احلل اي وحدة تنقل الموضوع او تصور منه لادعي عليها
22-12-1438 هـ, 03:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مااستوعبت القصه طيب اخطبوا له بنت ثانيه انصحك كثري استغفار بنيه الفرج
22-12-1438 هـ, 03:59 صباحاً
 
بالاجازة رحت عند امي و ابوي الله يحفظهم اخوي الثاني سافر عندهم و الله طول الاجازة ما كنت مبسوطة بس لانه قاعد اصلا حتى ما اتكلم معه و لا اسوي له شي بس مجرد وجوده بالبيت غصة بحلقي حتى امي تقولي ايش فيك كئيبة ما انت نفس قبل اكيد مو نفس قبل قلت لها مو عاجبني اني قاعدة معه بنفس البيت امي تحب اولادها اكثر مني تقولي هذا ولدي كيف تبغيني ما احبه و تتقرب له بعد و هو الثاني قليل ادب ايضا ما يحترمها و مع ذلك تتعامل معه و تدور رضاه و انا اللي اخليها مبسوطة ما درت عني فتغيرت و صرت حتى ما اسولف مع امي كثير نفس قبل نفسي انسدت يعني باختصار لاهنا مرتاحة و لا عند جدتي مرتاحة و طول الوقت حزينة و مالي نفس لاحد و صار عندي حالة قلق لدرجة ايامي تضيع من غير ما اسوي اي شي او ادرس كاني انشل عن كل شي ما اقدر اسوي شي بيومي من القلق حتى النوم ما اقدر انام و هاذي انا اكتب الموضوع بنص الليل او بالاصح الصباح قرب
22-12-1438 هـ, 04:01 صباحاً
 
والله يااختي مدري اش اقول لك ..ادعي له ربي قادر على كل شي ..
22-12-1438 هـ, 04:02 صباحاً
 
اقتباس مشاركة  (ميليدا)
مااستوعبت القصه طيب اخطبوا له بنت ثانيه انصحك كثري استغفار بنيه الفرج
طيب هو ما توظف و ابوي قال ما ادفع له شي لين يصير رجال و يشيل بيته بنفسه و هذا هو يحضر دراسات عليا و لا يشتغل و اصلا ما يتكلم مع احد فينا عشان نستوعب ايش قاعد يسوي او يفكر
و الله ما اعرف ليش الناس تفرح اذا جاهم ولد و الله ان الاولاد غثاء حتى لو فيهم خير خيرهم لحريمهم ما اتخيل بيوم يكون عندي ولد بنجلط
22-12-1438 هـ, 04:03 صباحاً
 


الساعة الآن 12:07 .