انا كبيره عمري ٢٨
وعندي اخت عمرها ١٨
كلنا شقيقات
امي جالسه تشوف ان اختي ممشيتني
ع كيفها وتتحكم فيني وكل ماشويت شي
قالت لاعبه عليها فلانه
لاعبه عليها تسحبها زي الكلب
حاطتني ضغيفه شخصيه
او مالي شخصيه
لان اختي قويه ولها كلمه
انا طيبه لحد الاستغفال
يعني عادي تسبيني تجين تضحكين معي
انسى كل شي
امي دايم ترددكلمة اختي ماتنقوي
بس انا لا محسستني اني لعبه
اختي انانيه ولاعليها الا نفسها ولا تحب الا نفسها
ودايم ترمي كلام قوي على اخواني زي
وش تبون لاتجون عندنا خلاص لكم بيوت
اجلسو هناك احنا مو ناقصينكم
وترمي كلام كذا
انا لا ارحم اخواني واذا جونا اطبخ لهم
واقهويهم هي يمين بالله كانهم اعداء لها
مو اهل
ومع كذا امي تشوفني ضعيفه شخصيه
يعني لازم اصير انانيه وقويه
ولا يهمني اخواني ولا اهل عشان اطلع واو زي اختي
للعلم لما اتمشى لو بسوق ومعي اختي
ونطول مثلا تجي تقول لاعبه عليها فلانه
تسحبها زي الكلب
مع اني انا اللي مستانسه اني طالعه
من البيت بس هي تشوف مالي حق اتمشى ولا شي
والله مره حاولت اصير
زي اختي انفخ ولا علي من احد
وشلت يديني عنهم وعن اهلي قسم جلست ابكي
ابكي ليش اسفههم ليش نفخت عليهم
غصب ارحمهم
وامي تشوف هالشي ضعف
نبع الووفاءء @nbaa_aloofaaaaa
عضوة جديدة
يلزم عليك تسجيل الدخول أولًا لكتابة تعليق.
~ شمعة أمل ~
•
انتي طيبه مو ضعيفه شخصيه وقلبك ابيض
حبيبتي ماعليك من احد سوي الي انتي مقتنعه فيه وهذا مو ضعف هذا طيبه ورحمه ونخوة لما ترحبين باخوانك وتحبيهم وتحاتيهم هذا الشي مافي احسن منه والغلط باختك مو فيك فانتي لا تحاتين كلام الوالده واختك برضو ماعليك منها حبيتي تسوي شي كان بها ماحبيتي لا تهزك بحرف بس حبك ورحمتك لاخوانك الا هالشي لا تشيلينه من قلبك عشان بكره عيالك يشيلوك من الأرض شيل الي جالسه تسويه اختك بكره بتشوفه بعيالها وبشخصيتها مع زوجها والعالم والناس ويتندم اشد ندم
ماشاء الله انتي اش زينك مو ضعف هذا و امك تقول كذا بس لانها ترحمك تحسك على نياتك وخايفة عليك لاحد يستغلك حتى لو كانو اخوانك..ترى الام تفكر بطريقة مختلفة من زود الحرص على عيالها لا تزعلي منها وتقربي لها وفهميها انك تسوي كذا بقناعة مو ضعف ولا شي واسعديها وتقربي منها مره مره لا تزعلي منها
امك خايفة عليك من هالدنيا لان الضعيف ما يعيش الناس ماترحم احد
خليك طيبة وقوية يعني خلي لنفسك قدر ولا تسمحين لاحد يذلك
دايم الام تبي تشوف بنتها معززة لها قدرها وقوية عشان تمشي في هالحياة وما تتعرض للظلم
خليك طيبة وقوية يعني خلي لنفسك قدر ولا تسمحين لاحد يذلك
دايم الام تبي تشوف بنتها معززة لها قدرها وقوية عشان تمشي في هالحياة وما تتعرض للظلم
الصفحة الأخيرة