طيب انتي من فين لأنه واضح ان العادات في التقديم تختلف من مكان لمكان

عندنا في السعودية اول شيء العصير مع نوع من البسكويت اوبدون
بعدها القهوة مع الحلويات والتمر المرتب تبدين في صبها من اليمين يعني من يمينك الا اذا كان في المجلس وحده كبيره في السن تبدين فيها وبعدها من يمينك وخلي عينك على الفناجيل يعني مو ينتهون وانتي مو داريه عن العالم لالالالالالالال الالازم اول ما تشوفين وحده انتهت تكوني عند راسها تصبي لها قهوة وبعدها الشاهي مع الفطاير والكيك والمكسرات يعني اللي تحبين تصبيه في الفناجيل او الكاسات وتدورين عليهم ونفس الشيء طبعا تبدين باليمين
اتمنى اكون افدتك بشيء
صحيح نسيت اقول لك تمسكين فنجال القهوة باليمين والدله او ثلاجة القهوة باليسار حتى تقدمي للناس بيمينك ضروري يكون هذا وضعك
والله انا عن نفسي والحمدلله اول شيء اقدم العصير الناس جايه من برع والدنيا حر فلازم ابدا بالعصير وبعدها بخمس دقايق اصف الشاي والقهوة والفطاير والحلا في الطاوله اذا كانو صديقاتي اعطي كل وحده صحن واقول تفضلي اختاري اللي تبينه واذا كانو حريم كبار اشيل الصحن واسالهم شو اللي يبونه من الصفره وهذا ما يمنع اضغط عليهم شوي انه هذا ما فيه دسم وايد وهذا ما في ملح وما بيضرش ان شاءالله الحريم الكبار يبالهم شوية عزيمه ولا ما ياكلون بسهوله وبس بعدين اذا خلصنا تجي الشغاله وتشيل ونجيب بعدين مرة ثانيه عصاير ويا ماي وروب بالسكر يحبونه الناس وبس بعدين اقدم لهم العطور والبخور وخلاص


الساعة الآن 04:36 .