نداء خاص لدكتورات حواء الغاليات ولكل من لها الخبرة في حساب السعرات الحرارية

اختي هذا رابط موضوع قديم للأخت ميران يعطيها العافيه

صراحه عقب هالموضوع بتصيرين خبيرة وموسوعه بالسعرات

**دليل السعرات الحرارية**دليللك الى الرشاقة والصحة الدائمة**

مشكوووورة عيوني فعلا الرابط جدا مهم
بس حابة أستفسر من دكتورات المنتدى كيف أحسب سعراتي الحرارية في اليوم الواحد
يعني الكميات كيف أوازن بينها

هلا حبيبتي انا مو دكتورة بس حبيت افيدج
انا مشيت على نظام لمده شهر كنت كل يوم 1000 سعرة يعني احاول مثلا الافطار 300 و الغداء 400 والعشاء 300
مثلا الفطور يكون: 2 توست=120 + جبنه انا استخدم خاليه الدسم=30 + نسكافيه = 70 المجموع تقريبا 300 ممكن تضيفين حبه فواكه
الغداء
2 توست :120 + همبرغر مشوي:100 + شوربة خضار او سلطة :50 ممكن تحلين بعدها ب 3 حبات تمر او فاكهة
العشاء
فول 4 ملاعق :150 خبزة صغيرة: 150 المجموع :300
يعني تكونين اكلتي طول اليوم كل الانواع وما حرمتي نفسج و في نفس الوقت تنقصين
وانا ساعات احلي بشوكولاته اللي بدون سكر تلاقينها في السوبر ماركت مكتوب عليها لمرضى السكري والبيبسي كنت اشرب دايت

ان شاء الله تستفيدين من كلامي وكنت اخسر بالاسبوع كيلو :)