السلام عليكم ورحمة الله وبركاته
بدخل بالموضوع مباشرة حتى مااطيل عليكم يابنات انا كل مااسوي كيكه ماتطلع منفوشة يعني منتفخة ومادري شنو هو السبب مع انه المقادير مضبوطة كلها وتطلع صلبه بعد مو هشة فأرجو بنات مين تعرف تقولي شنو هو السبب وتذكرلي اسبابها وكيفية عمل الكيك المنتفخ بنات لاتبخلون علي خبرتكم تراني حديثة الخبرة وهذي المشكله اصابتني بالاحباط وعدم الثقة بالنفس بليييييز يابنات اللى تدخل تقولي ولكم جزيييييييييييل الشكر.

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
wavesgirl
مرااااحب بالحلوين فشل الكيك ليه اسباب كثيرة
ومنها انه الدقيق مايتنخل قبل الاستخدام او الفرن مايكون
حرارته طيبة حاعطيكي طريقة مضمونة و****لله تضبط معاكي بس امشي
خطوة خطوة .......هذي كيكة بالزبيب جربتها من المنتدى وروووعة :
المقادير ::
2كاس دقيق (((تنخلي كمية دقيق وبعدين تاخذي مقدار كاستين)))
كاس حليب سائل او عصير برتقال
ربع كاس زيت
فانيليا - ملعقة طعام بيكنج بودر
2حبة بيض
كاس وربع سكر
نصف كاس زبيب منقوع مسبقا في ماء لمدة نصف ساعة وبعدين تصفيه وتخلطيه مع ملعقة دقيق

الطريقة:::
1- اول ما تجهزي المقادير ولعي الفرن على نار عالية ..
2- اخلطي الدقيق والبيكنج بودر والسكر في صحن وخليه على جنب
3- اخفقي البيض والفانيليا والزيت على درجة عالية واضيفي الحليب او العصير.
4- وطي درجة الخلاط واضيفي الدقيق المخلوط مع السكر وال p.b بالتدريج الين ينتهي المقدار وفي الاخير اضيفي الزبيب وقلبيه تقليب خفيف وحطي الخليط في صينية متوسطة مدهونة بالزيت ومرشوشة بالدقيق وافتحي الفرن بشويش وحطيها
وقفليه بشويش وارخي النار عليها وخليها نص ساعة وبعدين ولعي عليها من اعلى الين تحمر وبالعافية ....

واذا تبغي الاسفنجية قوليلي؟؟؟؟ سلااااااام
السلام عليكم ورحنة الله وبركاته
بالأول اختى ابي اشكرج جدا على ردج لي بسرعة وجزاكي الله خيرا *****الله بس قوليلي جم احط حرارة الفرن تقريبا واخليه تستوي الكيكة من تحت بالاول وبعدين احمرها من فوق وفيه سؤال ثاني البيض اطلعه من وقت من الثلاجة عشان حرارته تكون مقاربه للجو انا جذيه سمعت واذا ماعليج كلافة عطيني طريقة الكيكة الاسفنجية ماعليج أمر اختى وجزاج الله خير
اشوفج على خير امورة
مرحبا اختي wavesgirl بس حبيت أقول لج بالنسبة للبيكنج باودر إذا كان محفوظ خارج الثلاجة تراه يخرب وما يكون له مفعول بعد فترة من فتحه فيفضل حفظه في الثلاجة

ترى في وحدة من صديقاتي دايما تفشل في عمل الكيك وفي الأخير اكتشفنا إنه السبب من البيكنج باودر تحطه في الكبت مو في الثلاجة فيخرب وما ينفش الكيك وألحين تعالي شوفي الكيك اللي تسويه

طولت عليج بس حبيت أفيدج
مرااااااااااحب عزيزتي waves girl .. بقولج كم نصيحة بالنسبة للكيكة الناجحة.. قبل كنت مثلج أسوي الخلطة واحطها بالفرن مرة ماتنضج بالكامل ومرة ماتنتفش وعلى هالحال.. بس لين ماعرفت السبب.. أول شي لما تحطين المقادير أخلطي الجاف بروحة والمواد السايلة بروحها.. بعدين حطي الجافة على السايلة بالتدريج.. ومرة قريت في هالمنتدى البيكنج بودر حطيه في اخر تحريكة للمقادير حتر مايفقد انتفاخة.. بعدين لما تحركين بس في ااااااااااااااااتجاه واحد OK هذي معلومة لاااازم ننتبه الها.. ثالث شي لما تصبين الخلطة في الصينية ( وانا تعقدت من الصينية الدائرية) قمت استخدم اكثر شي الصينية المفتوحة من النص.. أشوفها أحسن والشكل أحلى وفي القص أسهل.. وبعد ماتحطينها في الفرن وتكونين مشغلتنه من قبل تقريبا ب 10 أو ربع ساعة.. وعلى نار متوسطة… لاااااااااااااا تفتحين الباب الا بعد مرور تقريبا ثلث ساعة حتى ماتهبط الكيكة وبعدين افتحي الباب شوي سوي وشوفيها اذا تصلبت والا بعدها وانا دايما ماأستخدم السكين بس ألمسها بيدي وأشوفها اذا كانت صلبة خلاص بنديها وشغلي من فوق لحد ماتحمر وكل شوي شوفيها لأنها ماتاخذ وقت لاكن اذا هبشتيها وشفتيها شوي تنزل لتحت خليها أزيد .. وفي الفرن تاخذ تقريبا من 20 ال 30 دقيقة من تحت ومن فوق لحد ماتحمر وتتماسك… يالله كتبتلج قصة طويلة عريضة بس حبيت أوضحلج أسرار نجاح الكيكة.. واذا عندج أي سؤال أنا حاضرة ومايردج الا لسانج…


الساعة الآن 03:02 .