الزوج اللي يعايرك بعمرك ينفع تكملين معه وتامنين معه

السلام عليكم
بنات حلوات انا سبق و نزلت موضوعين عن العمر ومعايرة زوجي لي بالعمر
وسويت واخذت بردود بعض البنات لكن لا حياه لمن تنادي
صاير يكرر هالموال كل شوي
وتعدا به الأمر انه يرسل لي مقاطع عن العمر بعد الاربعين
ويعدد لي عد لا اله الا الله
انا الان ب٣٣ من العمر هذا الانسان محسيني اني هرمت ولا عاد أصلح بشي من أمور الزواج
ودايما يقول لي مابقي لك شي عن الاربعين
مع العلم انه هو اكبر مني ب٣ سنوات
وشايف نفسه يستاهل وحده صغيره شابه على قولته وارسل لي مقطع رجال يتكلم عن عمر الاربعين بصراحه ماكملت المقطع تفاهه وقسم بالله
وانا عندي مرض وباذن الله اتشافى منه هو باذن الله سهل ورح اتشافى قريب وانا اتعالج منه بفضل الله مو خطير مررره المرض لكن هو موجود فيني وشائت قدرة الله انه زوجي يعرف بهذا المرض مع اني ماكنت ناويه أقول له
وصار يعايرني بهذا الابتلاء وياليته بس كذا كل اللي من طرفه قال لهم عني عرفت من خلال التصريح ومن خلال التمليح
وانا حساسه جدا ولا احب احد يعرف عن مرضي هذا
وللاسف بعض الناس اللي من طرف زوجي يتشمتو ويقولو كلام عني وكاني انا اللي جبت المرض ولا هم خايفين من الابتلاء
اذ اشتد المرض مرات الزم فراشي يوم مايزيد عن اليوم والله يقوم الدنيا على راسي يبي طبخ وامور البيت العاديه تمشي ويجلس يتحلطم ع حظه اللي رماه على وحده مثلي