Analysis Services
مسيهم بالخير [emoji169][emoji169]
اول شي بنات قبل لا ابدا موضوعي والله ماحلل ولا ابيح اي وحده او واحد ينسخ موضوعي وينشره انتم بهالحركه ممكن تسببون لي مشاكل انا بغنى عنها
+ الموضوع بينحذف

المهم[emoji25]ااه يابنات بستشيركم بشي يمكن يرتاح ضميري والله بكيت كل امس قهر على نفسي وقهر من تصرفي انا انسانه ماحب الشماته ابد ومسالمه لابعد درجه بس لحد يدوس لي على طرف بقولكم القصه بالتفصيل واحكمو
سلفتي الكبيرة مثلا اسمها "ندى" طبعا ماشاءالله مخلفه وعيالها كبار
وانا توني متزوجه لي سنتين مابعد حملت
المهم هي تكرهني ودايم تدقني بالكلام وهي مبغوضه من الجميع من اسلوبها
والحين صارت كل ماشافتني تتعمد تسالني عن الحمل وتسأل المشكله هي مني او من زوجي وانا احاول اني اسلك لها مابي ازعلها حرمة بكبر امي
المهم امس كان فيه نفاس سلفتي الثانيه تزوجنا انا وهي بنفس الليله ورحت وكان الكل مجتمع
شوي الا وهي تبارك لسلفتي ع المولود الجديد التفت علي وتسألني
ها فلانه وانتي ماحملتي للحين
(طبعاً وهي سالتني يمكن قبل باسبوعين وقلت لها لا)
رديت قلت لها ربي ماكتب للان
قالت يلا عقبالك شدي حيلك
قلت لها الله يكتب اللي فيه الخير
قالت امين ان شاءالله والله ودي نفرح لكم
قلت لها ان شاءالله قريب بس تونا للحين عرسان متهنين بحياتنا والموضوع مابعد صار هاجس
قالت اي بس انتبهي كل ماطولتي كل ماتعقد الموضوع
قلت لها انا الحين منشغله بالجامعه وزوجي بالماجستير ومتكلين بهالموضوع على ربنا مابعد سعينا بالمستشفيات بدررررري علينا
قالت لا لازم تسعين انتي تعرفين كيف زوجك متعلق بالبزران اخاف بكرا يحس بالحرمان و يبدا يتلفت على غيرك[emoji15]
(بنات هي قالت كذا وانا النار شبت بصدري والله كنت باكلها باسناني احرجتني قدام الناس)

قمت قلت لها والله ماشوف زوجك تلفت على غيرك وهو اكثر واحد نعرفه متشفق يبيك نحيفه ورشيقه وحاس بالحرمان وزوجي وزوجك اخوان ومن طينه وحده دام زوجك مقتنع وراضي ماتلفت على غيرك انا زوجي مثله وزود يارب لك الحمد
طبعا هي زعلت وقامت
وصرنا فرجه قدام الحريم وهذا اللي انا اكرهه
اللي قالت زين رديتي عليها ماتستحي واللي غلطني قال انتي تتشمتين بجسمها
والله يابنات انها اذتني كثير ولا عمري فكرت ارد الاذى باذيه بس عزت علي نفسي من كثر ماسكت ونظرات اللي حولي شفقه

طبعا هي دايم تشتكي تقول زوجي يقول اذا نحفتي بجيب لك رشرش ذهب ووو بس والله ماجا ببالي استغل هالنقطه ابداً بس هي بدت[emoji24]
بنات اعتذر لها ولا امشي الموضوع وكن ماصار شي يمكن اللي تاخرو بالحمل يحسون بحرقة كلامها[emoji17]


اعتبروني اختكم وانصحوني اذا انا غلطت بدون هجوم
والله يسعدكم [emoji1310]..
19-01-1439 هـ, 10:07 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لا ما اشوفك غلطتي وهي. بدت خلها تتحمل
والمرة الجايه عشان تختصري الامر من الاول لا تبررين لها قولي لها هالشي خاص بيني وبين زوجي واحنا متفقين
19-01-1439 هـ, 10:12 صباحاً
 
تستاهل عشان تلزم حدودها قليلة الادب
19-01-1439 هـ, 10:14 صباحاً
 
لاتعتذرين ..هذا جزاء اللي يتخطى حدوده لكن لاتتكلمين فيها بقفاها يكفيها اللي قلتيه لها بوجهها ولاتخافين الا من ربك [emoji1305][emoji1303]
19-01-1439 هـ, 10:15 صباحاً
 
والله مدري
انا من الناس الي قلبي ياكلني وضميري يأنبني واقعد خااايفه ان اذيت احد ولاني مثل موقفك مستحيل اسوي شيء كذه لله في لله لازم يكون في استفزاز .. وحتى لو اسنفزاز بصراحه ما تطلع مني حاجه مثل الي قلتيها .
...
برأيي خليك كم يوم وشوفي ضميرك ارتاح خلاص عدي الموضوع.. شفتي نفسك تاكلك ارسلي رساله مقتضبه وقصير تبرر فعلتك ذائد اعتذار بسيط مع امنيه عدم تكرار الموقف وعدم الدخول بالخصوصيات ..
19-01-1439 هـ, 10:25 صباحاً
 


الساعة الآن 07:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏