Analysis Services
مسائكم سعاده وخير
حبايب قلبي باقولكم سالفه صارت مع مرت اخوي وانا اعترف اني غلطانه عليها باقولكم السالفه من بدايتها وعطوني حل
مرت اخوي ذي مره طيبه تعرفون الطيبه اللي تخلي الواحد يستخف فيها ذي هذي هي يعني خدومه لو هي مشغوله تخدمك بعيونها وشفت لها محبه من الكل صغار وكبار لدرجه البزران اذ وصلوا سن انهم خلاص المفروض مايدخلون عند الحريم يعني خامس وسادس ابتدائي يدخلون عشانها ويسولفون معها وهي تنزل نفسها لمستواهم حتى اعمار اللي خمس سنوات ست تسولف معهم وتتفضى لهم ومستحيل تدخل بخصوصياتنا ابداً وزي ماقالت ماعمرها جرحت احد ومره الجلسه معها ماتنمل وكلامها مثقف يعني حتى اذ جت بتقول وجهه نظرها تقولها بذوق باختصار الاغلب مجمعين على محبتها ولها قبووول سبحان الله
صار موقف قبل شهر تدخلت بحاجه خاصه فيها يعني من باب الميانه وانها طيبه مرره توقعت عادي تتقبل سالتها ششي خاص ع طول شرشحتني قدام اهلي كلهم وانا والله العظيم من باب الميانه بس ماتوقعت رده فعلها كذا قالت انا تراي لاسكتت مو معناته راضيه عن كلامك سكتت احتراماً لك بس زودتيها واني صبرت عليك ومن هالكلام انصدمت برده فعلها 😳
وزعلت زعل مو طبيعي تخيلوا ماتكلمني امس جتنا سلمت سلام عادي والله اني توي حسيت بقيمتها حتى حاولت اسولف معها ماعطتني وجه بس ترد ع نفس كلمتي او تقول مدري !!!
ومع خواتي تسولف وتضحك واذ جيت سكتت مره انقهرت ياناس وش اسوي والله اني قلتها كلمه
عابره تاسفت لها برساله وقرتها ماردت علي
الشخصيات ذي وشلون هي يعني تمثل علينا الطيبه او كيف
عجزت بعد هالموقف اعرف لها والله احبها واغليها ووقفت معاي بمواقف كثيره بس بجد ماني عارفه كيف اتصرف معها!
الله يسعد ثم يسعد ثم يسعد من ترد علي وش اسوي😰💔💔
20-01-1439 هـ, 11:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اتقو شر الحليم اذا غضب ....خلاص خليها ع هواها...ترى مهي امك يوم تبين رضاها .... يجي لها يوم ترضى ....
21-01-1439 هـ, 12:00 صباحاً
 
هذي اللي ينقال عنها اتقي شر الحليم اذا غضب
وواضح انها مو اول مره تغلطين بحقها وتبلعها وتسكت
حاولي تصفين القلوب او تدخلين وسيط بينكم هي تغليه
21-01-1439 هـ, 12:00 صباحاً
 
فعلا اتقي شر الحليم اذا غضب
أنا مثلها
21-01-1439 هـ, 12:03 صباحاً
 
بما أن الكل أجمع على محبتها صغار و كبار فأكيد طيبتها مو تصنع و تمثيل
اذا انتي تعزيها و هي غالية على قلبك فممكن تعتذري لها بهدية
الله يحنن قلوبكم على بعض
21-01-1439 هـ, 12:11 صباحاً
 


الساعة الآن 11:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏