السلام عليكم ورحمه الله وبركاته

انا مسجله عندكم من فتره قصيره لكن ماتشجعت اشارك الا اليوم ... بصراحه من دخلت هالقسم تحمست مره للأسهم والمساهمات وانا من زمان كنت حاطتها ببالي...

ودي افتح محفظه بس مادري بأي بنك !!! وش رايكم وش ترشحون؟؟

كنت افكر بسامبا بس من شفت اغلب الردود ماتمدحه و شلته من بالي ... افكر بالبريطاني بس ماقررت...


ومحتاره كم بيكون راس مالي ,,,, ودي ادخل السوق ب 50 ألف ريال كمبتدئه .. بس وش رايكم ازيده ولا انقصه ..


والمشكله الأعظم والأدهى اني ما اعرف شي عن طريقة المضاربه ,,, حاولت اجمع بعض الأفكار واقرا ببعض المواقع والمواضيع بس للحين احس نفسي ضايعه ..


ساعدوني الله يخليكم محتاجه لكم ولتوجيهاتكم


لاتبخلون علي


لكم خالص تحياتي وتقديري
14-01-1427 هـ, 04:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته
بالنسبة للبريطاني اشوف اختنا ريمية تمدحه يمكن لان ماعليه زحمة
بالنسبة لراس المال فانتي بكيفك لانك ماراح تشترين به كله في سهم واحد
انتي قرري الاسهم الي تبين تشترينها وحددي عددها على حسب فلوسك
المضاربة اليومية لك كمبتدئة ماتنفع الا اذا كان معك احد متابع اول باول
فالافضل لك اسهم تبيعينها بعد كم يوم + اسهم للاستثمار لو حبيتي
14-01-1427 هـ, 04:24 صباحاً
 
نصيحتي لك حبيبتي انك تبتدين من اليوم

تسوين لنفسك محفظة وهميه ( تختاري اسهم وتشتريها طبعا كله على الورق

وتكتبي سعر الشراء وكم سعر البيع وخليكي جادة بالموضوع وراح ان شاء الله

تفتحي المحفظة وتشتري وتبيعي وانتي متمنه و متعلمه من بدري )..
14-01-1427 هـ, 04:56 صباحاً
 
سمي بالرحمن وابدي ولا تضيعي وقت بالتفكير اختي وعلى طول روحي البنك واذا تبغي التداول عن طريق النت ومبلغك مو كبير عندك الفرنسي وسامبا والاهلي
الفرنسي لازم يكون عندك 30 الف
سامبا 50
الاهلي مجانا
ويمدحو خدمة الفرنسي
البريطاني يبغاله مبلغ كبيير 3مليون على ما اعتقد
الجزيرة مليون
______
اختاري بنك وروحي اتوكلي على الله وافتحي محفظة لان يبغالها كم يوم تتفعل والتعلم مو مشكلة
عندك المنتديات مليانة ملياااااانة اشياء تقدري تتعلمي في يومين لو انك مهتمة
وضاربي بالوهم قبل لا تبدي وان شاء الله تستفيدي
14-01-1427 هـ, 08:41 صباحاً
 
الجزيرة المحفظه ب 500 الف
14-01-1427 هـ, 11:03 صباحاً
 


الساعة الآن 06:29 .