احس اخواتي فيهم كِبر

الموضوع اختي طالعه مع امي ولاقالت لي شي انا ماشره على امي لان امي تعتمد علينا نعلم بعض وهي كل مره تطلع مع امي ولاتقول لي شي وتحسبني امي مابي اجي واختي الثانيه طالعه مع وحده من قريباتي ولافكرت تكلمني وتقولي انا ماقول ياخذوني معهم كل مره او يكلموني دايم
بس هم مايكلموني اذا في طلعات بس انا غير لو بطلع مع مين اكلمهم وحده وحده واشاورهم في المكان
وربي انقهرت اليوم اشوف بالسناب طالعين ولااحد قالي شي حسسوني اني غريبه عنهم وحسسوني ان الي اسويه واقدرهم واكرمهم غصب عني
انا كل ويكند كذا حالي اطلع مع زوجي او اجلس بالبيت لان ماطلع كثير مافي الا اخواتي هذولي الثنتين ولايدوروني ولايهتمون لي
حسيت اليوم اني معطيتهم اكبر من حجمهم واني مقدرتهم اكثر من اللازم وربي نزلت دمعتي ليش يسوون كذا معاااي


احس اني وحيده رغم اننا في مدينه وحده للاسف
لاتفمهوني اني ابي اطلع معهم دايم لااااااا / بس ابيهم يقدروني مثل مااقدرهم واقولهم كل فتره واشاورهم ليش هم يسحبون علي لو انهم مو اخواتي كان قطعتهم من زمان شي يقهر 😢


حتى في سوالف يحسسوني اني ماعرف شي ويجلسون يعلموني كيف اتعامل مع زوجي ويقولون شكلك ماتعرفين شي يحسسوني كل شي يعرفونه وانا ماعرف شي ابد انا احس الي كذا يملي على الناس تعاليم ماعنده سالفه بس يملا نقص فيه
اقدر ارد بس ماحب اجرحهم ماحب اضايقهم احاول امشي بس تعبت مشكله اذا اخوات ويعاملونك كذا كيف العيشه
ف ااحس ان فيهم تكبر علي مدري وش سببه !!