المواقف كثيرة
لاتعد ولا تحصى
ما في شي محدد في بالي من كثرتها :)

السؤال الثاني:



مو يوميا لكن كل اسبوع تقريبا
التوقيت يختلف على حسب الفراغ
ايه اعتب وبس الا ودي اراضيهم مع انهم احيانا هم الللللي غلطانين علي
بس ما احب انام الا والناس الللي حولي راااضين
افكر بعيوبي نادرا لاني وبكل فخر ما ادري عنها>>>>>>>>>> :D
بس اذا قالوها احاول اتفااااااداها :D


السؤال الثالث:

-
حساااسه <<<<<<<<<<<< :icon33:
كلش يزعلني :(
اما لان ولله الحمد اكثر مسك للاعصاب ونظرتي تغيرت معني حساسه للحين بيني وبين نفسي :icon28:
.



السؤال الرابع:


شوفي
اخواتي لما يسألوني وش محاسنا وعيوبنا اقولها لهم العيوب قبل المحاسن بأسلوب حلو بعدين المحاااسن
اما الناس على حسب اذا كانت تقدر تغير هالعيب قلت لها اما لو ما تقدر ما اقول >>>>>>>>>>>يا زين الشرح
وان احب امدح اكثر ر ر ر ر



السؤال الخامس:

..

ايه عجبنا حلو تسلم اليدين اللي كتبته

- اعظم موقف مر بحياتك من شخص معين (زوجك - ابوك - امك - اخوك - صديقتك ..الخ)
وقعدتي تفكرين فيه مطولا ً ... وانبهرتي فيه ..

المواقف كثيرة بس هذا الموقف بالرغم من بساطته كان له أثر كبير في نفسي..
وهو حصل وأنا في الصف السابع كان الوالد الله يرحمه كبير العائلة وله شان في
الدولة وبما أني بنته المدلله كنت شايفه نفسي شوي ..

في مره يا ياخذني من المدرسه ولما طلعت لقيته قاعد بغرفة حارس المدرسة
يتقهوى معاه ويكلمه كأنه يكلم صديق قديم وبنفس الأسلوب اللي أشوف بوي
يتعامل فيه مع ناس لهم شان كبير.. أثر فيني الموضوع كثير وأحس من يومها
تعلمت انه قيمة الإنسان وكبر شانه يتلخص في تعامله مع الكل
.. هالموقف قتل فيني الكبر والغرور بفضل الله تعالى.

- هل تراجعين حساباتك يوميا ً قبل النوم (او بأي وقت من اليوم نراعي اختلاف التواقيت العالميه )؟ وهل تعاتبين نفسك
اذا غلطتي بحق احد .. او تفكرين بعيوبك مثلاً؟


أكيد أراجع حساباتي بس غالباً مب قبل النوم يكون متى انفردت بنفسي في أي
وقت من النهار أو لحظات الهدوء..

أعاتب نفسي إذا غلطت بحق أحد والأكيد أفكر بعيوبي وأحاول أطلع بأقل الخسائر
وأحاول اني انسق طريقة الاعتذار وأهدي النفس واوضح لنفسي انه كان الغلط
مني.


- وش اكثر شئ قدرتي تغيرينه في نفسك؟ على مر هالسنين
عيب كان فيك وقدرتي تتحكمين فيه او تغيرينه للأحسن؟


وايد الحمدلله قدرت أغيّر وخليني أعددهم

الحش والنميمة، كنت قبل ما أحس اني احش بس للأمانه كنت اسويها
بشكل أو بآخر، وقمت قريت كثير عنها وعن مساؤها في الدين وعودت
نفسي ما أحش وما أسمح لأحد يحش في حضوري.

الغضب الزايد والحساسية والعنفوان الزايد، كنت قبل ما أرضى حد يغلط علي
وأقلبها مناحه،وودي الناس كلها تشوفني بأفضول صورة وتقدرني وتشوف مافي
مثلي وهذا عموماً خف مع تقدم السن. (طبعاً للحين ما أرضى أحد
يغلط علي بس ردة فعلي صارت أهدى) وأذكر نفسي أنه مب دايماً لازم أكون
مميزه في نظر الكل، أهم شي حسن المعامله والكلمة الطيبه واللي بيقدرني
من نفسه حياه الله.

كلمة الحق، كنت قبل ما أقول لأي شخص أنت غلط في هالموقف وايد أراعي
مشاعرهم وأقول حرام، بس مادري إذا صار هالشي أفضل أم أسوأ بس أنا
من داخل أحس اني مرتاحه اللحين أكثر لما صرت أقول كلمة الحق، أو اللي
أشوفه غلط أقول تراه غلط.

الإهمال، كنت مهملة في واجباتي بشكل عام، ومبذرة صرت أسيطر على نفسي
وصرت إنسانه أرتب ومنظمه أكثر، وكل ماشفت نفسي ارجع أهمل أذكر نفسي
أنه الإهمال عادة ولازم أتخلص منه.


السؤال الرابع:

- هل تتذكرين محاسن غيرك اكثر من عيوبه؟
واللي الأغلب قد يتذكر دائما العيوب للأسف وننسى محاسن الشخص
وهالشي بسبب الشيطان اعوذ بالله منه

والله صدقتي للأسف سؤالج هذا نبهني للأمر أنا إذا إنسان غلط علي أو ماجازلي

أتذكر عيوبه أكثر، إما إذا ماصار بيننا مواقف لا بالعكس احب اشوف محاسنه
لأنه ودي الناس تشوف محاسني .. ومحد فينا خالي من العيوب.

بس إنشاءالله اني اكون أفضل وأقدر اني ما ابدأ بتذكر عيوب الناس في حال
بيني وبينهم سوء تفاهم.

السؤال الخامس:

- اقول عجبكم الموضوع ولا اضف وجهي وانقلع واعطي نفسي العافيه!
اذا عجبكم راح اكمله واذا لا ..

عطي نفسج العافيه، بس كمليه ههههه .. لا الموضوع رائع خليتينا نعبر
شوي وهو بحد ذاته يذكرنا بالشي الزين والشين فينا.


والله للأمانه حاولت أرد بكل ما يجود في خاطري. واللي يمكن حسيت
انه مفيد.

- اعظم موقف مر بحياتك من شخص معين (زوجك - ابوك - امك - اخوك - صديقتك ..الخ)
وقعدتي تفكرين فيه مطولا ً ... وانبهرتي فيه ..



مكرا النساء احيانا عندما اصادف مكر او حيل اقعد منبهرة
- هل تراجعين حساباتك يوميا ً قبل النوم (او بأي وقت من اليوم نراعي اختلاف التواقيت العالميه )؟ وهل تعاتبين نفسك
اذا غلطتي بحق احد .. او تفكرين بعيوبك مثلاً؟


احيانا اراجع نفسي اذااذيت انسان غالبا



- وش اكثر شئ قدرتي تغيرينه في نفسك؟ على مر هالسنين
عيب كان فيك وقدرتي تتحكمين فيه او تغيرينه للأحسن؟

العصبية والحساسية المفرطة

السؤال الرابع:

السؤال الرابع:

- هل تتذكرين محاسن غيرك اكثر من عيوبه؟
واللي الأغلب قد يتذكر دائما العيوب للأسف وننسى محاسن الشخص
وهالشي بسبب الشيطان اعوذ بالله منه
اي نعم اذكر محاسن غيري دائما واحيانا العيوب اذكرها خاصة اذا كانت مؤلمة



السؤال الخامس:

- اقول عجبكم الموضوع ولا اضف وجهي وانقلع واعطي نفسي العافيه!
اذا عجبكم راح اكمله واذا لا ..

موضوع جيد وبه قليل من اختلاف الروتين في مواضيع حواء
بوركتي

- اعظم موقف مر بحياتك من شخص معين (زوجك - ابوك - امك - اخوك - صديقتك ..الخ)
وقعدتي تفكرين فيه مطولا ً ... وانبهرتي فيه ..
مرة كنت مسافرة بالطيارة لوحدي مع ولدي وكان مريض وطول الوقت في الطيارة
وهو يرجع وسخونة وحالته حاله وانا مرررررة حايسة معاه وكانو مجموعه شباب
في المقعد اللي ورايا هلوكني من المغازل ..
اول ماوصلت زوجي سلم علي ولقا يدي ترجف وقعدت ابكي لاني كنت في حاله مايعلم فيها الا الله ..
(( زوجي جدا جدا هادي وعمري ماشفته يضرب احد حتى اولاده ))
اول مااشرت على الولد اللي اتسلط عليه وهو بيشيل عفشه راح وطقه طق كفوف على ابكاس

والله اني انبهرت فيه وحسيت انه بطل <<< ياحليلك :D
ماتوقعت والله انه راح تكون ردة فعله كذا ابدا ..
كانت اول مرة واخر مرة اشوفه معصب ويضرب احد بهالطريقة خخخخخخخخخخخخ
<<<< تحب المشاكل :30:



السؤال الثاني:

- هل تراجعين حساباتك يوميا ً قبل النوم (او بأي وقت من اليوم نراعي اختلاف التواقيت العالميه )؟ وهل تعاتبين نفسك
اذا غلطتي بحق احد .. او تفكرين بعيوبك مثلاً؟

والله دايما الوم نفسي اذا غلطت على احد من غير وجه حق ..
وعيوبي دايما افكر فيها ..


السؤال الثالث:

- وش اكثر شئ قدرتي تغيرينه في نفسك؟ على مر هالسنين
عيب كان فيك وقدرتي تتحكمين فيه او تغيرينه للأحسن؟

العصبيه .. خففت منها بشكل كبييييييييير ..

السؤال الرابع:

- هل تتذكرين محاسن غيرك اكثر من عيوبه؟
اذا كنت زعلانة من هالشخص افكر بكل عيوبه وانسى محاسنه :D
واذا كنت مبسوطة منه انسى عيوبه واولهم زوجي :30:


السؤال الخامس:

- اقول عجبكم الموضوع ولا اضف وجهي وانقلع واعطي نفسي العافيه!
اذا عجبكم راح اكمله واذا لا ..
عجبني كملي بس بعد ماتقولي سبب هالدراسه :D

حبيبتي كلام العيون وينج فاقدتج والله
مافيج خير يالدبه تسالين عني
بس باطلع احسن منج وبارد على اسئلتج الحزره خخخ



- اعظم موقف مر بحياتك من شخص معين (زوجك - ابوك - امك - اخوك - صديقتك ..الخ)
وقعدتي تفكرين فيه مطولا ً ... وانبهرتي فيه ..

زوجي...مره زل زله وانبهرت فيها وماتخيلته يسويها ..>>احب اوضح انها يمكن بالنسبه لغيري عاديه بس انا بالنسبه لي كبيره لاني دايما اتصور هالانسان كامل وماكامل الا الله
ومع مرور سنين عليها مازلت الذكرى تعذبني
علما بانه حااااااااااااول ومازال يشتري رضاي ودايما يحاول يسعدني..بس انا اقول الجرح عمره مايلتأم واذا التام تلقين اثاره



.



السؤال الثاني:

- هل تراجعين حساباتك يوميا ً قبل النوم (او بأي وقت من اليوم نراعي اختلاف التواقيت العالميه )؟ وهل تعاتبين نفسك
اذا غلطتي بحق احد .. او تفكرين بعيوبك مثلاً؟


<< وقتها المفضل دائما نص الليل!!
ليش؟ مادري احس ان روحي بهالوقت تكون بذروة الصفاء
والنقاااااء و ... ويكون الأرسال فللللل هع هع << انواع البشاعه في الضحكه!

احيانا نعم واحيان كثيره لا..مادري ليش احس ان العالم كلها خطأ وانا صح
يمكن مغروره ولا شايفه روحي ليش لا >>مالت عليج على شنو خخخ
اذا شخص اعزه وجرحته ماقدر انام واذا واحد اكرهه اضل طول الليل اقول في قلبي تفو عليك

.



السؤال الثالث:

- وش اكثر شئ قدرتي تغيرينه في نفسك؟ على مر هالسنين
عيب كان فيك وقدرتي تتحكمين فيه او تغيرينه للأحسن؟

كنت عنيده ومازلت بس اهون من قبل
كنت ام لسانين صار عندي لسان واحد
يمكن بخيله شوي بس الحين امشي واوزع صدقات
كنت دايما قاعده بكشتي الحين على طول متزكرته جني رايحه عرس
وواااااااااااااااااااااااايد اشيا



.



السؤال الرابع:

- هل تتذكرين محاسن غيرك اكثر من عيوبه؟
واللي الأغلب قد يتذكر دائما العيوب للأسف وننسى محاسن الشخص
وهالشي بسبب الشيطان اعوذ بالله منه ..

انا دايما اوازن بين العيوب والمحاسن ولو مثل ماقلتي الشيطان الله ياخذه يراوينا العيوب اكثر بس اتمنى اني اتخلص من هالشي



.



السؤال الخامس:

- اقول عجبكم الموضوع ولا اضف وجهي وانقلع واعطي نفسي العافيه!
اذا عجبكم راح اكمله واذا لا ..

وانا اقول ضفي ويهج وانقلعي وعطي روحج العافيه..




















لا والله اتغشمر حبي كملي اهم شي نشوف ويهج
خو انتي تبينها من الله تختفين
واقولج عطيني ويهج احسن لج>>مايسوى عليها عطتج توقيع